ఆ లెక్కన రాజాసింగ్‌కు ఎన్ని శిక్షలు పడాలో..!?

బీఫ్ ఫెస్టివల్ విషయంలో ప్రజల్ని రెచ్చగొట్టేందుకు వివాదాస్పద వ్యాఖ్యలు చేసిన బీజేపీ ఎమ్మెల్యే రాజాసింగ్‌కు ఏడాది జైలు శిక్ష విధిస్తూ కోర్టు తీర్పు చెప్పడం రాజకీయవర్గాల్లో కలకలం రేపుతోంది. వివాదాస్పద ప్రకటనకు కేరాఫ్ అడ్రస్ అయిన రాజాసింగ్‌ చేసిన అనేకానేక కేసు పెట్టగలిగిన వ్యాఖ్యల్లో… బీఫ్ ఫెస్టివల్‌పై చేసిన వ్యాఖ్యలు ఒకటి. ఇప్పటికీ ఆయన వివాదాస్పద వ్యాఖ్యలు చేస్తూనే ఉంటారు. అయితే శిక్ష పడుతుందని రాజాసింగ్ కూడా ఊహించి ఉండరు. ఎందుకంటే… తాను చాలా సందర్భాల్లో అంత కన్నా ఘాటు వ్యాఖ్యలే మాట్లాడానని ఆయనకుతెలుసు. ఇప్పుడు పైకోర్టులోఅప్పీల్ చేసుకునేందుకు కింది కోర్టు నెల గడువు ఇచ్చినా… హైకోర్టులో ఊరట వచ్చినా… శిక్ష మాత్రం పడినట్లే.

ఒక వేళ హైకోర్టు శిక్ష ఖరారు చేసినా రాజాసింగ్‌కు రాజకీయంగా వచ్చే నష్టం ఉండదు. ఆయనపై అనర్హతా వేటు పడదు. చట్టం ప్రకారం…రెండేళ్ల జైలు శిక్షపడితేనే ప్రజాప్రతినిధిపై అనర్హతా వేటు పడుతుంది. కానీ రాజాసింగ్‌పై వచ్చిన తీర్పు రాజకీయ నాయకుల్లో చర్చనీయాంశం కావడం ఖాయం. ప్రజల్ని రెచ్చగొట్టేలా చేసే రాజకీయాల్లో ఈ మాటలదే కీలకం. ఇటీవల ఓ బీజేపీ నేత తిరుపతి ఉపఎన్నికలను కృష్ణుడు, ఏసుకు మధ్య పోటీగా అభివర్ణించారు. మామూలుగా అయితే ఇది రాజ్యాంగాన్ని ఘోరంగా అవమానించినంత నేరం. కానీ వారు దేశంలోని అధికార పార్టీ వారు.. వారి రాజకీయ విధానమే ఆ కోణంలో ఉంటుంది కాబట్టి… ఎవరూకేసుల వరకూ వెళ్లలేదు.

కానీ విద్వేష రాజకీయాలను కూకటివేళ్లతో పెకిలించాలంటే.. రాజాసింగ్‌కు విధించిన శిక్షతరహాలోనే అన్ని రాజకీయ పార్టీల నేతలకు వేయాలి. ప్రజాసమస్యలు మాత్రమే ఎన్నికల్లో చర్చనీయాంశం కావాలి కానీ.. కులం, మతం కాకుండా ఉండాలి. అలాంటి పరిస్థితి వస్తుందో లేదో చెప్పలేం కానీ… శిక్ష పడిన రాజాసింగ్‌లో కొంత మార్పు వచ్చినా ఆశలు పెట్టుకోవడానికి అవకాశం ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అప్పుడే ఓటమికి కారణాలు చెప్పేసిన మంత్రి..!?

సర్వేలన్నీ కూటమిదే అధికారమని తేల్చడం, పోలింగ్ శాతం పెరగడంతో వైసీపీ నేతలు అప్పుడే ఓటమికి కారణాలు వెతుక్కుంటున్నారు. కారణం ప్రభుత్వ వ్యతిరేకత కాదని, సొంత పార్టీ నేతలే వెన్నుపోటు పొడిచారని ఆరోపిస్తున్నారు. సాధారణ...

ఏపీలో ముగిసిన పోలింగ్ …పోలింగ్ పెరగడంతో వైసీపీలో టెన్షన్..?

ఏపీలో సార్వత్రిక ఎన్నికల పోలింగ్ ముగిసింది. కొన్ని ప్రాంతాల్లో హైటెన్షన్ వాతావరణం నెలకొంది. పలుచోట్ల ఉద్రిక్తత పరిస్థితులు చోటు చేసుకున్నాయి. పలు జిల్లాలో వైసీపీ , టీడీపీ వర్గీయుల మధ్య ఘర్షణ చోటు...

పోలింగ్ తగ్గించాలనే వైసీపీ “దాడుల ప్లాన్” పెయిల్ !

వీలైనంత వరకూ పోలింగ్ తగ్గించాలని వైసీపీ ముందుగానే ప్లాన్ చేసుకుంది. కీలకమైన నియోజకవర్గాల్లో పోలింగ్ ప్రారంభం కాక ముందే టీడీపీ ఏజెంట్లపై దాడులు చేసి వాటిని విస్తృతంగా ప్రచారం చేయాలనుకున్నారు. అనుకున్నట్లుగా...

ఆ చెంపదెబ్బ వైసీపీ ఎమ్మెల్యేకి కాదు వైసీపీకే !

ఏపీలో ఎన్నికల ప్రక్రియ ప్రారంభమైన వెంటనే అ పెద్ద అపశకునం వైసీపీకి వచ్చింది. అది కూడా తమ ఎమ్మెల్యేకు చెంపదెబ్బ రూపంలో. తెనాలి ఎమ్మెల్యే అన్నాబత్తుని శివకుమార్ చెంప...

HOT NEWS

css.php
[X] Close
[X] Close