అల్లు అర్జున్ – సుకుమార్ కాంబినేష‌న్‌లో రూపుదిద్దుకుంటున్న హ్యాట్రిక్ సినిమా `పుష్ష`. ఈమ‌ధ్యే టీజ‌ర్ రిలీజ్ అయ్యింది. `త‌గ్గేదే లే..` అంటూ.. బ‌న్నీ త‌న విశ్వ‌రూపం చూపించాడు. త‌న లుక్‌, ఎటిట్యూడ్‌, డైలాగ్ డెలివరీ… అన్నీ ఈ సినిమాలో కొత్త‌గా క‌నిపిస్తున్నాయి. టీజ‌ర్‌లో ఎక్కువ‌గా యాక్ష‌న్ షాట్సే క‌నిపించాయి. సినిమా కూడా అంతేన‌ట. సుకుమార్ తొలిసారి…. త‌న సినిమాల్లో యాక్ష‌న్, ఛేజింగుల‌కు ఎక్కువ ప్రాధాన్యం ఇచ్చిన‌ట్టు తెలుస్తోంది. సినిమా మొత్తం దాదాపుగా 6 యాక్ష‌న్ సీక్వెన్స్‌లు ఉండ‌బోతున్నాయి. అందుకోసం ఏకంగా 40 కోట్లు ఖ‌ర్చు పెట్ట‌బోతున్న‌ట్టు టాక్‌. అట‌వీ నేప‌థ్యంలో ఓ యాక్ష‌న్ సీన్ ని ఫైట్ మాస్ట‌ర్‌.. పీట‌ర్ హెయిన్స్ ఆధ్వ‌ర్యంలో తెర‌కెక్కించారు. అది ఈ సినిమాకే హైటెల్ గా నిల‌వ‌బోతోంద‌ట. ప్రీ క్లైమాక్స్‌కి ముందు, క్లైమాక్స్‌లోనూ మ‌రో రెండు యాక్ష‌న్ సీక్వెన్స్ ఉండ‌బోతున్నాయి. అవి మ‌రో రేంజ్ లోఉంటాయ‌ని స‌మాచారం. ఎక్కువ‌గా రాత్రి పూట షూటింగ్ చేయ‌డం వ‌ల్ల, కొత్త త‌ర‌హా కెమెరాలు, ప‌రిక‌రాలు తీసుకురావ‌డం వ‌ల్ల.. బ‌డ్జెట్ పెరిగింద‌ని స‌మాచారం.
‘పుష్ష’ యాక్ష‌న్ సీన్స్‌కే 40 కోట్లు?!
