ఆదివారం చిరంజీవి బ్ల‌డ్ బ్యాంక్‌లో ఓ కార్య‌క్ర‌మం జ‌రిగింది. ఈ సంద‌ర్భంగా చిరంజీవి హాజ‌ర‌య్యారు. అయితే ఆయ‌న చేతికి క‌ట్టు చూసి కాస్త కంగారు ప‌డ్డారు. చిరుకి ఏమైంది? ఆ చేతికి క‌ట్టెందుకు క‌ట్టారు? అనే విష‌య‌మై చ‌ర్చ మొద‌లైంది. అభిమానుల్లో కంగారు పెంచ‌కూడ‌ద‌న్న ఉద్దేశ్యంతోనో ఏమో.. చిరు ఆ క‌ట్టు సంగ‌తి చెప్పేశారు. చిరు చేతికి సర్జరీ అయ్యింద‌ట. రెండ్రోజుల క్రింద‌ట అపోలోలో చిన్న పాటి ఆప‌రేష‌న్ జ‌రిగింద‌ని, ప‌దిహేను రోజుల పాటు విశ్రాంతి అవ‌స‌ర‌మ‌ని డాక్ట‌ర్లు చెప్పార‌ని, అందుకే `గాడ్ ఫాదర్` షూటింగ్ ని వాయిదా వేయాల్సివ‌చ్చింద‌ని చిరు పేర్కొన్నారు. కుడి చేత్తో ఏదైనా ప‌నిచేస్తున్న‌ప్పుడు చేతికి తిమ్మిరిగా అనిపించేద‌ని, ఈదే విష‌యం డాక్ట‌ర్ల‌కు చెబితే, చిన్న‌పాటి సర్జరీ అవసరం అని చెప్పార‌ని, చేతికి ఉండే న‌రాల‌పై ఒత్తిడిపెర‌గ‌డం వ‌ల్ల…. స‌మ‌స్య ఉత్ప‌న్న‌మైంద‌ని, అపోలోలో 45 నిమిషాల పాటు ఆప‌రేష‌న్ జ‌రిగింద‌నిచిరు చెప్పుకొచ్చారు. చిరు చేతిలో `ఆచార్య`, `భోళా శంక‌ర్‌`, `గాడ్ ఫాదర్` చిత్రాల‌తో పాటుగా బాబీ ద‌ర్శ‌క‌త్వం వ‌హించే సినిమా ఉంది. `గాడ్ ఫాదర్` షూటింగ్ ఇటీవ‌ల సిమ్లాలో మొద‌లైంది. చిరు చేతికి సర్జరీ కార‌ణంగా ఇప్పుడు ఆ షూటింగ్ వాయిదా ప‌డింది.
చిరంజీవి చేతికి సర్జరీ
