ప్రభాస్ – మారుతి కాంబినేష‌న్‌లో ఓ చిత్రం రూపుదిద్దుకుంటున్న సంగ‌తి తెలిసిందే. ఈనెల 10న లాంఛ‌నంగా క్లాప్ కొట్ట‌నున్నారు. సెట్స్‌పైకి వెళ్ల‌డానికి మాత్రం కాస్త స‌మ‌యం ప‌డుతుంది.ప్ర‌స్తుతం మారుతి క‌థ‌కి తుదిమెరుగులు దిద్దే ప‌నిలో బిజీగా ఉన్నారు. ఇదో హార‌ర్ కామెడీ సినిమా అని తెలుస్తోంది. బొమ‌న్ ఇరానీ ఈ చిత్రంలో ఓ కీల‌క పాత్ర‌లో క‌నిపించ‌నున్నారు. ఈ సినిమా కోసం హైద‌రాబాద్ లో కొన్ని ప్ర‌త్యేక‌మైన సెట్స్‌ని తీర్చిదిద్దుతున్నారు. అందులోనే సింహ భాగం షూటింగ్ జ‌ర‌గ‌బోతోంది. ఇందులో ముగ్గురు క‌థానాయిక‌ల‌కు చోటుంది. వాళ్ల పేర్లు సోష‌ల్ మీడియాలో చ‌క్క‌ర్లు కొడుతున్నాయి. అయితే క‌థానాయిక‌ల ఎంపిక ఇంకా ఖ‌రారు కాలేద‌ని టాక్. లేటెస్టుగా శ్ర‌ద్ధా క‌పూర్‌, పూజా హెగ్డే పేర్లు కూడా బ‌య‌ట‌కు వ‌స్తున్నాయి. అయితే వీటిపై ఓ క్లారిటీ అంటూ లేదు. ప్రభాస్ ద‌గ్గ‌ర ఓ లిస్టు ఉంద‌ని, ప్రభాస్ ఎవ‌రినైతే ఎంపిక చేస్తాడో, వాళ్లే ఫైన‌ల్ అని ఇన్ సైడ్ వ‌ర్గాల టాక్. వీలైనంత త్వ‌ర‌గా ఈ సినిమాని పూర్తి చేసి, విడుద‌ల చేయాల‌న్న‌ది ప్లాన్‌. వేగంగా సినిమాలు తీయ‌డంలో మారుతి.. సిద్ధ‌హ‌స్తుడు. పైగా హార‌ర్ కామెడీ కాబ‌ట్టి, ఆడుతూ పాడుతూ లాగించేస్తాడు. అన్నీ కుదిరితే.. సినిమాప‌ట్టాలెక్కిన ఆరునెల‌ల్లో పూర్తి చేసి విడుద‌ల చేసే అవ‌కాశాలున్నాయి.
10న ప్రభాస్ సినిమాకి క్లాప్
