ఎన్టీఆర్ – ప్ర‌శాంత్ నీల్ కాంబినేష‌న్‌లో ఓ సినిమా రూపుదిద్దుకోనున్న సంగ‌తి తెలిసిందే. ఎన్టీఆర్ పుట్టిన రోజు సంద‌ర్భంగా ఈ సినిమాకి సంబంధించిన అప్ డేట్ కూడా వ‌చ్చేసింది. మైత్రీ మూవీ మేక‌ర్స్ సంస్థ ఈ చిత్రాన్ని నిర్మిస్తోంది. కొర‌టాల శివ‌తో సినిమా పూర్త‌యిన వెంట‌నే ప్ర‌శాంత్ నీల్ సినిమానే ప‌ట్టాలెక్క‌బోతోంది. ఈ సినిమాలో ప్ర‌తినాయ‌కుడి పాత్ర‌లో క‌మ‌ల్ హాసన్ క‌నిపిస్తార‌ని స‌మాచారం అందుతోంది. కేజీఎఫ్ 2లో స్టార్ల‌తో నింపేశాడు ప్ర‌శాంత్ నీల్. అయితే ప్ర‌తీ పాత్ర‌కూ ఓ ప్రాధాన్యం క‌నిపించింది. ప్ర‌తినాయ‌కుడి పాత్ర‌ని తీర్చిదిద్ద‌డంలో ప్ర‌శాంత్ నీల్ స్టైల్ వేరు. ఎన్టీఆర్ క‌థ‌కు కూడా ఓ బ‌ల‌మైన ప్ర‌తినాయ‌కుడు కావాల‌ని ప్ర‌శాంత్ భావిస్తున్నాడు. అందుకే క‌మ‌ల్ ని అప్రోచ్ అయిన‌ట్టు తెలుస్తోంది. క‌మ‌ల్ కి ముందు నుంచీ వైవిధ్య‌భ‌రిత‌మైన ప్ర‌య‌త్నాలూ, పాత్ర‌లూ అంటే చాలా ఇష్టం. పాత్ర న‌చ్చితే విల‌నా? హీరోనా? అనేది కూడా చూడ‌డు. దానికి తోడు ఎన్టీఆర్ లాంటి ఈత‌రం హీరోల‌తో ప‌ని చేయ‌డానికి క‌మ‌ల్ ఉత్సాహం చూపిస్తున్నాడు. ప్ర‌శాంత్ నీల్ కి ఉన్న క్రేజ్ కూడా త‌న‌కు తెలుసు. కాబ‌ట్టి.. ఈ సినిమా ఒప్పుకోవ‌డంలో క‌మ‌ల్ కి ఎలాంటి అభ్యంత‌రాలూ ఉండ‌క‌పోవొచ్చు. ప్ర‌స్తుతం ఈ ఆలోచ‌న.. ప్రాధ‌మిక ద‌శ‌లోనే ఉంది. క‌మ‌ల్ గ‌నుక.. ఓకే అయి, ఈ ప్రాజెక్టులోకి వ‌స్తే.. ఇక ఈ కాంబినేష‌న్‌కి తిరుగుండ‌దు.
ఎన్టీఆర్ – క‌మ‌ల్ హాసన్.. ప్ర‌శాంత్ నీల్?
