అన్‌స్టాప‌బుల్ 2 లో అంద‌రూ ఎదురుచూస్తున్న ఎపిసోడ్.. ప‌వ‌న్ క‌ల్యాణ్‌దే! నిన్నా మొన్న‌టి వ‌ర‌కూ డార్లింగ్ ప్రభాస్ ఎపిసోడ్ కోసం క‌ళ్లు కాయ‌లు కాచేలా వెయిట్ చేశారు. అది వ‌చ్చేసింది. ఇప్పుడు ప‌వ‌న్ ఎంట్రీ కోసం వెయిట్ చేస్తున్నారు. ఈ సంక్రాంతికి ప‌వ‌న్ ఎసిసోడ్ వ‌స్తుంద‌ని అంతా ఆశించారు. కానీ.. ఈ ఎపిసోడ్ ఫిబ్ర‌వ‌రిలోనే టెలీకాస్ట్ చేస్తార‌ని తెలుస్తోంది. ఈ పండ‌క్కి.. ప్రభాస్ ఎపిసోడ్‌లోని చివ‌రి భాగాన్ని వ‌దులుతారు. ఈ నెలంతా.. ప్రభాస్ ఎపిసోడ్‌ని ట్రెండింగ్ లో తెచ్చి.. ఆ త‌ర‌వాత ప‌వ‌న్ ఎపిసోడ్ పై దృష్టి పెడ‌తారు. ప‌వ‌న్ ఇంట‌ర్వ్యూతోనే ఈ సీజ‌న్‌కి పుల్ స్టాప్ పెట్ట‌బోతున్నాడు బాల‌య్య. ఈలోగా ప్రభాస్ తో పాటుగా మ‌రో రెండు ఎపిసోడ్లు వ‌చ్చే అవ‌కాశం ఉంది. సీజ‌న్ 1లానే.. సీజ‌న్ 2 కూడా సూప‌ర్ హిట్ అయ్యింద‌ని ఆహా భావిస్తోంది. సీజ‌న్ 1తో వ‌చ్చిన హైప్‌ని.. ఆహా బాగానే క్యాష్ చేసుకొంది. ప్రభాస్, ప‌వ‌న్ క‌ల్యాణ్‌ల‌ను తీసుకు రావ‌డం ఈ సీజ‌న్‌లో హైలెట్ గా నిలిచింది. ఇక బాల‌య్య స‌మ‌కాలికులు చిరు, వెంక‌టేష్‌, నాగార్జున.. వీళ్లంతా బాకీ ప‌డిపోయారు. వాళ్ల‌ని సీజ‌న్ 3లో చూస్తామేమో..? బాల‌య్య జోష్‌… ఆహాతో బాల‌య్య అనుబంధం చూస్తుంటే.. ఈ సీజ‌న్లు ముందు ముందు కూడా ఇలానే కొన‌సాగే అవ‌కాశాలు స్ప‌ష్టంగా క‌నిపిస్తున్నాయి.
ప‌వ‌న్ ఎపిసోడ్ ఫిబ్ర‌వ‌రిలోనే…
