వైసీపీ ఎమ్మెల్యేల చీకటి వ్యవహారాల గూడుపుఠాణీలు తరచూ బయటకు వస్తున్నాయి. ప్రస్తుతం ఈ విషయంలో వైరల్ అవుతున్న ఎమ్మెల్యే … హఫీజ్ ఖాన్. కర్నూలుకు చెందిన ఈయన.. . ఓ మహిళతో మూడు కోట్లకు బేరం ఆడుతున్న ఆడియో ఒకటి వైరల్ అయింది. ఓ పెద్ద మనిషిని కలవాలని… వ్యాపారం గురించి మాట్లాడాలని… వ్యాపారంలో వాటా ఇస్తామని ఇలా చర్చించారు. ఆమె ఎవరు అన్నది ఎవరికీ తెలియదు. మీడియా ఎమ్మెల్యేను ప్రశ్నిస్తే మీరే వెళ్లి ఆమెను అడగండి అని సలహా ఇచ్చారు.
అయితే తర్వాత ఆ మహిళ శోభారాణి అనే వైసీపీ నేత అనే విషయం బ యటపడింది. ఓ వీడియో కూడా వెలుగులోకి వచ్చింది. అందులో తనపై కేసులు పెట్టారని… హైదరాబాద్ తీసుకెళ్లి నగ్నపూజలు చేయించారని… ఇంకా ఎంత కాలం వేధిస్తారని ఆవేదన వ్యక్తం చేశారు. శోభారాణి వీడియో వ్యవహారం సంచలనంగా మారింది. మళ్లీ ఎమ్మెల్యేను మీడియా ప్రశ్నిస్తే.. తనకేం తెలియదని… తన రాజకీయ ఎదుగుదలను చూడలేక ఓ మహిళను అడ్డం పెట్టుకుని కుట్రలు చేస్తున్నారని రొటీన్ డైలాగ్ చెప్పారు.
నిజానికి ఇప్పుడు బయటకు వస్తున్న ఆడియోలు… వీడియోలు ఇప్పటివి కావు. రెండేళ్ల కిందటివని చెబుతోంది. హఫీజ్ ఖాన్ మోసం చేయడంతో బాధితురాలు శోభారాణినే వాటిని సోషల్ మీడియాలో లీక్ చేస్తున్నారన్న చర్చ జరుగుతోంది. ఎప్పటివైనా .. హఫీజ్ ఖాన్ వ్యవహరం మాత్రం… హాట్ టాపిక్ అవుతోంది.
