‘వెంక‌టాద్రి ఎక్స్ ప్రెస్’, ‘ఎక్స్‌ప్రెస్ రాజా’ లాంటి హిట్లు ఇచ్చిన ద‌ర్శ‌కుడు మేర్ల‌పాక గాంధీ. ‘ఏక్ మినీ క‌థ’ త‌ర‌వాత ఆయ‌న్నుంచి సినిమాలేం రాలేదు. ఇప్పుడాయ‌న మ‌ళ్లీ మెగాఫోన్ ప‌ట్టుకొని రంగంలోకి దిగ‌డానికి సిద్ధంగా ఉన్నారు. మెగా హీరో వ‌రుణ్ తేజ్‌కు ఓ క‌థ చెప్పి ‘ఓకే’ చేయించుకొన్న‌ట్టు ఇన్ సైడ్ వ‌ర్గాల టాక్‌. పాన్ ఇండియా స్థాయిలో ఈ చిత్రాన్ని రూపొందించ‌బోతున్నార‌ని స‌మాచారం. క్రైమ్‌, అడ్వైంచ‌ర‌స్ థ్రిల్ల‌ర్ నేప‌థ్యంలో ఈ క‌థ న‌డుస్తుంద‌ని స‌మాచారం. బ‌డ్జెట్ కూడా భారీగానే అవసరం అవుతుంద‌ట. వ‌రుణ్‌తేజ్ చేసిన ‘ఆప‌రేష‌న్ వాలైంటైన్‌’ సినిమా డిజాస్ట‌ర్‌గా మారింది. ఆ ఎఫెక్ట్ ‘మ‌ట్కా’పై ప‌డింది. ‘మ‌ట్కా’ సినిమా ఆర్థిక‌ప‌ర‌మైన కార‌ణాల‌తో ఆగిపోయింద‌న్న ప్రచారం జ‌రుగుతోంది. అయితే.. ఇప్పుడు మేర్ల‌పాక గాంధీ సినిమా కూడా బ‌డ్జెట్ తో ముడిప‌డిన విష‌య‌మే. అయితే క‌థ ప‌ర్‌ఫెక్ట్ గా కుద‌ర‌డం, మేర్ల‌పాక గాంధీ మేకింగ్ పై న‌మ్మ‌కం ఉండ‌డంతో నిర్మాత‌లు ఈ సినిమాని ప‌ట్టాలెక్కించ‌డానికి సిద్ధంగా ఉన్నార్ట. త్వ‌ర‌లోనే ఈ కాంబినేష‌న్‌పై ఓ అధికారిక ప్ర‌క‌ట‌న రానుంది.
మెగా హీరోతో మేర్ల‌పాక గాంధీ
