క్రిమినల్ రికార్డు ఉన్న రాజకీయ నాయకుడి కుట్రల కారణంగా నిజాయితీ పరుడైన ఐపీఎస్ అధికారి ఐదేళ్లు టార్చర్ అనుభవించారు. తప్పుడు కేసులు.. ఫిర్యాదులు.. కోర్టులను సైతం లెక్క చేయకుండా సస్పెన్షన్ వంటి చర్యలు … అంతకు మించి అనుకూల మీడియాలో తప్పుడు ప్రచారాలతో మానసిక వేదన కల్పించడం వంటివి ఎన్నో చేశారు. చేసిన తప్పేంటో చెప్పకుండా ఆయనను సర్వీస్ నుంచి డిస్మిస్ చేయాలని రెండు సార్లు సిఫారసు చేశారు. ఆధారాలుంటే చర్యలు తీసుకోవాలని రాష్ట్ర ప్రభుత్వానికి యూపీఎస్సీ స్పష్టం చేసింది. కానీ ఇంత వరకూ రాష్ట్రం చర్యలు తీసుకోలేకపోయింది. ఎందుకంటే.. ఏబీవీపై ఒక్క ఆధారం కూడా లేదు.
టీడీపీ హయాంలో ఇంటలిజెన్స్ చీఫ్‌గా పని చేయడమే ఏబీవీ చేసిన తప్పు అన్నట్లుగా ఐదేళ్లుగా ఆయనపై పగ బట్టారు ప్రస్తుత పాలకులు. అనేక ఆరోపణలు మీడియాలో వచ్చేలా చేశారు. కానీ ఏ ఒక్కటీ నిజం కాదు. ఆయన ఐదేళ్ల సర్వీస్ ను కోల్పోయారు. వచ్చే నెలాఖరున రిటైర్మెంట్ ఉంది. ఆయన విషయంలో క్యాట్ తుది విచారణ మూడు రోజుల్లో చేపట్టనుంది. ఆయన కేసును స్పెషల్ గా పరిగణించి ఐదేళ్ల సర్వీస్ నష్టానికి ఏమైనా ఉపశమనం యూపీఎస్సీ ఇస్తే.. సంచలనం అవుతుంది.
ప్రస్తుతం ఉన్న అధికారుల్లో ఆయనే అత్యంత సీనియర్. డీజీపీ అయ్యే అవకాశాలు ఉన్నాయి. కానీ పగబట్టిన ప్రభుత్వం వల్ల ఆయన అన్ని అవకాశాలు కోల్పోయారు. ఇప్పుడు డీజీపీ అవకాశం దగ్గరగా వస్తోంది. యూపీఎస్సీ న్యాయం చేస్తే… ఏపీలో సంచలనం అవుతుంది. ఆయనను వేధించిన వారికి గట్టి షాక్ తగిలినట్లవుతుంది.
