మారుతి ద‌ర్శ‌క‌త్వంలో ప్రభాస్ క‌థానాయ‌కుడిగా ‘రాజాసాబ్‌’ రూపొందుతున్న సంగ‌తి తెలిసిందే. ఈ సినిమాకు సంబంధించిన షూటింగ్ హైద‌రాబాద్ లో శ‌ర వేగంగా సాగుతోంది. ప్ర‌స్తుతం సంజ‌య్‌ద‌త్ పై కీల‌క స‌న్నివేశాల్ని తెర‌కెక్కిస్తున్నారు. మంగ‌ళ‌వారం నుంచి క‌థానాయిక నిధి అగ‌ర్వాల్ కూడా సెట్లో అడుడు పెట్టింది. త‌ను కూడా షూటింగ్ లో పాలు పంచుకొంటోంది. ఇక ప్రభాస్ రావ‌డ‌మే త‌రువాయి.
ఈవారంలోనే ‘రాజాసాబ్‌’ సెట్లో ప్రభాస్ ఎంట్రీ ఉండ‌బోతోంద‌ని ఇన్ సైడ్ వ‌ర్గాలు చెబుతున్నాయి. ప్రభాస్, నిధి, సంజ‌య్‌ద‌త్‌ల‌పై కీల‌క స‌న్నివేశాల్ని తెర‌కెక్కిస్తారు. ఆ త‌ర‌వాత ప్రభాస్, నిధిల‌పై ఓ డ్యూయెట్ కూడా తెర‌కెక్కిస్తారు. ప్రభాస్ చేతిలో చాలా సినిమాలున్నాయి. అందుకే ‘రాజాసాబ్‌’కి స‌రైన స్థాయిలో కాల్షీట్లు కేటాయించ‌లేక‌పోతున్నాడు. ‘క‌ల్కి’ షూటింగ్ చివ‌రి ద‌శ‌కు వ‌చ్చేసిన నేప‌థ్యంలో ఇప్పుడు పూర్తి ఫోక‌స్‌ని ‘రాజా సాబ్‌’పై షిఫ్ట్ చేశాడు. ఇపై త్వ‌రిత‌గ‌తిన ‘రాజాసాబ్‌’ పూర్తి చేయాల‌ని ప్రభాస్ భావిస్తున్నాడు. 2025 సంక్రాంతికి ఈ చిత్రాన్ని ప్రేక్షకుల ముందుకు తీసుకొచ్చే అవ‌కాశాలు ఉన్నాయి.
