ఇప్పుడు త‌మ‌న్నా పారితోషికం చుక్క‌ల్లో ఉంది. హీరో ఎవ‌రైనా, ద‌ర్శ‌కుడి రేంజ్ ఎంతైనా స‌రే – తమ్మూ అడిగినంత ఇవ్వాల్సిందే. ప్ర‌త్యేక గీతాల‌కు త‌మ‌న్నా దాదాపు అరకోటికిపైగానే డిమాండ్ చేస్తోంది. క‌థానాయిక గా త‌మ‌న్నా కాల్షీట్లు కావాలంటే కోటికి పైనే స‌మ‌ర్పించుకోవాలి. అయితే.. ఇదంతా ఇప్పుడు. ఒక‌ప్పుడు త‌మ‌న్నా కూడా చాలా చీప్‌. హ్యాపీడేస్‌కి ముందు త‌మ‌న్నా శ్రీ అనే సినిమా చేసింది. మంచు మ‌నోజ్ క‌థానాయ‌కుడిగా న‌టించిన ఈ చిత్రాన్ని ల‌క్ష్మీ ప్ర‌స‌న్న మూవీస్ సంస్థ తెర‌కెక్కించింది. మంచు వారు.. త‌మ‌న్నాకి ఇచ్చిన పారితోషికం అక్ష‌రాలా రూ.3 ల‌క్ష‌ల‌ట.
అయితే అంత‌కు ముందు మోడ‌ల్‌గా రాణించింది త‌మ‌న్నా. తొలినాళ్ల‌లో మోడ‌లింగ్‌లో త‌మ‌న్నాని ఎవ్వ‌రూ గుర్తించ‌లేదు. మోడ‌ల్‌గా త‌మ‌న్నా తొలి పారితోషికం కేవ‌లం రెండు వేల రూపాయ‌లు మాత్ర‌మే. శ్రీ ఫ్లాప‌వ్వ‌డంతో.. హ్యాపీడేస్ వ‌ర‌కూ త‌మ‌న్నా ఖాళీనే. హ్యాపీడేస్‌కి కూడా త‌మ‌న్నాకి ఇచ్చిన పారితోషికం ఆరంటే ఆరు ల‌క్ష‌ల రూపాయ‌లు. ఆ త‌ర‌వాత.. ఒక్క‌సారిగా రూ.20 ల‌క్ష‌లు పెంచేసింది త‌మ‌న్నా. 100 % ల‌వ్ కి గీతా ఆర్ట్స్ 30 ల‌క్ష‌లు ఇచ్చార‌ట. ఆ త‌ర‌వాత.. ఏకంగా త‌న పారితోషికాన్ని మూడు రెట్లు పెంచేసింది. ఇప్పుడు కోటికి త‌గ్గినా ముక్కుపిండి వ‌సూలు చేస్తోంది. స్టార్ డ‌మ్ వ‌చ్చాక.. అడిగినంత ఇవ్వాల్సిందే మ‌రి!
