ఆ రెండు పాట‌ల సంగ‌తేంటి.. ప‌వ‌న్‌?

స‌ర్దార్ గ‌బ్బ‌ర్ సింగ్ సెన్సార్ హ‌డావుడి హ‌డావుడిగా పూర్త‌యిపోయింది. సెన్సార్ క్లియ‌రెన్స్ రావ‌డంతో స‌ర్దార్‌… బాక్సాఫీసు బొనాంజాకు రెడీ అయ్యింది. అయితే… మిగిలిన రెండు పాట‌ల్నీ ఎప్పుడు సెన్సార్ చేస్తార‌న్న‌దే పెద్ద ప్ర‌శ్న‌. రెండు పాట‌లు మిన‌హా సెన్సార్ పూర్త‌యిపోయిన‌ట్టు.. వార్త‌లొచ్చాయి. అదీ.. నిజ‌మే. ఎందుకంటే ఈ సినిమా సెన్సార్ అవుతున్న‌ప్పుడు స‌ర్దార్ బృందం స్విస్‌లో ఆఖ‌రి పాట చిత్రీక‌ర‌ణ జ‌రుపుకొంటోంది. అలా చూసినా ఒక పాట మిన‌హా సెన్సార్ పూర్త‌యిన‌ట్టు. ఆ పాట‌ని ఈరోజు సెన్సార్ చేస్తార‌ని చెప్పుకొన్నారు.

కానీ… అలాంటిదేం జ‌ర‌గ‌లేదు. అస‌లు స‌ర్దార్‌లో మిగిలిన పాట‌ని సెన్సార్ ముందుకు తీసుకెళ్లే ఉద్దేశం చిత్ర‌బృందానికి లేద‌ని తెలుస్తోంది. సినిమా విడుద‌ల‌య్యాక‌.. ఆ పాట‌ని సంద‌ర్భానుసారం క‌ల‌పాల‌ని స‌ర్దార్ టీమ్ భావిస్తోంద‌ట‌. అలాగైతే రిపీటెడ్ ఆడియ‌న్స్ ఉంటార‌ని.. ఆ ర‌కంగా సినిమా వ‌సూళ్లు పెరుగుతాయ‌ని స‌ర్దార్ టీమ్ ఆలోచ‌న‌. అయితే స‌ర్దార్‌లో మిగిలిన పాట‌ని కూడా శుక్ర‌వారమే గుట్టు చ‌ప్పుడు కాకుండా పూర్తి చేశార‌ని.. స‌ర్దార్ సినిమా మొత్తం సెన్సార్ అయిపోయింద‌న్న గుస‌గుస‌లూ వినిపిస్తున్నాయి. స‌ర్దార్ సెన్సార్ విష‌యంలో చిన్న‌పాటి మ‌త‌ల‌బు ఉంద‌న్న‌ది వాస్త‌వం. అదేంటో..?? ఎందుకోసం ఒక పాట‌ని ప‌క్క‌న పెట్టాల్సివ‌చ్చిందో చిత్ర‌బృందమే సెల‌వివ్వాలి.