బ్ర‌హ్మోత్స‌వం సంద‌డి త‌గ్గింది. నెగిటీవ్ టాక్ వచ్చిన దృష్ట్యా…. తొలివారం గ‌డ‌వ‌క‌ముందే ఆ ఉత్సాహం స‌ద్దుమ‌ణిగింది. మహేష్ బాబు సినిమా థియేట‌ర్ల నుంచి వెళ్లిపోతున్న త‌రుణంలో ఇప్పుడు కృష్ణ సినిమా వ‌స్తోంది. అవును.. కృష్ణ న‌టించిన చిత్రం శ్రీ‌శ్రీ. ముప్ప‌ల‌నేని శివ ద‌ర్శ‌కుడు. విజ‌య‌నిర్మ‌ల, న‌రేష్‌, ముర‌ళీ శ‌ర్మ కీల‌క పాత్ర‌లు పోషించారు. ఈ సినిమా ఎప్పుడో రెడీ అయ్యింది. కానీ బ్ర‌హ్మోత్స‌వం విడుద‌లైన త‌ర‌వాత శ్రీ‌శ్రీ‌ని విడుదల చేయాల‌ని చిత్ర‌బృందం భావించింది. ఇప్పుడు శ్రీ‌శ్రీ విడుదల తేదీ కూడా ఫిక్స‌య్యింది. జూన్ 2న శ్రీ‌శ్రీ‌ని విడుదల చేస్తున్నారు.
లేటెస్టుగా మహేష్ బాబు వాయిస్ ఓవ‌ర్ అందించ‌డంతో ఈ సినిమాకి కాస్తో కూస్తో క్రేజ్ ఏర్ప‌డింది. మహేష్ వాయిస్‌తో కూడిన టీజ‌ర్‌ని విడుదల చేశారు. శ్రీ‌శ్రీ‌లో డైలాగులూ ఆలోచింప‌చేసేవిగా ఉన్నాయి. కాబ‌ట్టి ఈసినిమాని చూడాల‌న్న కుతూహ‌లం పెరిగింది మహేష్ బాబు సిటీలో ఉంటే.. శ్రీ‌శ్రీ ప్ర‌చారంలో వాడుకొందామ‌ని ఆ చిత్ర‌బృందం భావించింది. కానీ బాబు లండ‌న్ చెక్కేశాడు. అందుకే మహేష్ వాయిస్ ఓవ‌ర్ ఉన్న టీజ‌ర్‌ని విడుదల చేసి మహేష్ ఫ్యాన్స్‌ని ఆక‌ట్టుకొనే ప‌నిలో ప‌డింది చిత్ర‌బృందం. . క‌నీసం సూప‌ర్ స్టార్ ఫ్యాన్స్ అన్నా.. థియేట‌ర్‌కి వెళ్తే అదే ప‌ది వేలు. మహేష్ సినిమా దారుణంగా నిరాశ ప‌రిచిన వేళ.. క‌నీసం కృష్ణ అయినా కాస్త ఉప‌శ‌మ‌నం క‌లిగిస్తాడేమో చూడాలి.
