వైసీపీలో ఇప్పుడు మంచి పాపులారిటీ ఉన్న లీడర్ వెంకటేష్ శర్మ, ఆయన నిన్నామొన్నటిదాకా పొన్నవోలు నేతృత్వంలోని లీగల్ సెల్‌లో ఓ లాయర్ మాత్రమే. కానీ ఇప్పుడు స్టేట్ వైడ్ గా పాపులరైన లీడర్. ఓ చిన్న వీడియో.. ఆయన చేసిన నిర్వాకాలు వెలుగులోకి రావడానికి కారణం అయింది. అక్కడి నుంచి బయటకు వస్తున్న వీడియోలతో ఆయన పాపులారిటీ అమాంతం పెరిగిపోయింది. ఈ పాపులారిటీతో జగన్ ఆయనను గుర్తించడం ఖాయమని.. వైసీపీ గుడ్ బుక్‌లో పేరు ఎక్కేసి ఉంటుందని వైసీపీ నేతలు గుసగుసలాడుకుంటున్నారు.
ఈ వెంకటేష్ శర్మ .. లాయర్ , వైసీపీ లీగల్ సెల్ కావడంతో.. వైసీపీ కార్యకర్త ఒకరు తన భర్తతో విడిపోవాలనుకుని ఆయన సలహా కోసం వచ్చింది. వెంకటేష్ గారు.. సలహాలతో పాటు చిలిపిపనులు కూడా చేయబోయారు. కానీ ఆమె పోలీసులకు ఫిర్యాదు చేసింది. దాంతో పోలీసులు కేసు నమోదు చేశారు. ఆ తర్వాత ఆయన వీడియోలు ఒక్కొక్కటిగా బయటకు వచ్చాయి. విదేశాల్లో నైట్ క్లబ్ లకు వెళ్లి అక్కడ డాన్సర్లపై డబ్బులు వెదజల్లేంత రేంజ్ లో ఆయన ఉన్నారు. అలాగే డబ్బు కట్టలు నెత్తి మీద పెట్టుకుని డాన్సులేశారు. డబ్బు కట్టల పరుపుల మీద చిందులేశారు.
ఇవన్నీ బయటకు వచ్చినా ఆయనపై ఎలాంటి చర్యలు తీసుకోలేదు. తీసుకునే అవకాశం లేదు. పైగా సద్దుమణిగిన తర్వాత ఆయనను మరింత ప్రోత్సహిస్తారు. డ్రగ్స్ బిజినెస్ చేసే కొండారెడ్డి పోలీసులకు దొరికిపోతే.. ఆయనేదో పెద్ద పుడింగి లీడర్ అయిన టీడీపీ కుట్ర చేసిందని ఆరోపిస్తూ వెనకేసుకొస్తున్నారు. అలానే ఈ వెంకటేష్ ను కూడా వెనకేసుకొచ్చి మంచి రాజకీయ భవిష్యత్ కల్పిస్తారు.
