సౌతాఫ్రికాతో రాంచీలో జరిగిన తొలి వన్డేలో భారత్ రొమాంఛికరమైన విజయం సాధించింది. అత్యధిక స్కోర్లు నమోదైన మ్యాచ్‌లో చివరి ఓవర్ వరకూ విజయం టీమిండియాతో దోబూచులాడింది. కానీ చివరి ఓవర్లో విజయం వరించింది.
350 పరుగుల విజయలక్ష్యంతో ఇన్నింగ్స్ ప్రారంభించిన దక్షిణాఫ్రికా టాప్ ఆర్డర్ వేగంగా పడిపోయింది. 11 పరుగులకే మూడు వికెట్లు పడిపోయాయి. 77 పరుగుల వద్దకు చేరుకునేసరికి నాలుగో వికెట్ పడిపోయింది. ఇక ఏముంది .. దక్షిణాఫ్రికా చేతులెత్తేసింది.. కనీసం 150 పరుగుల తేడాతో ఇండియా గెలిచేస్తుందని అనుకున్నారు. కానీ అక్కడ్నుంచే మ్యాచ్ మలుపు తిరిగింది. క్రీజ్‌లోకి వచ్చిన ప్రతి ఒక్కరు థనాథన్ బ్యాటింగ్ చేశారు. విజయానికి అవసరమైన రన్ రేట్ కు తగ్గట్లుగా పరుగులు చేస్తూ పోయారు. భారత్ లక్ ఏమిటంటే ఈ పరుగుల వేటలో క్రమం తప్పకుండా వికెట్లు కూడా కోల్పోయారు.
మార్కోజెన్సన్ చాలా 39 బంతుల్లోనే 70 పరుగులు చేసి.. భారత్ కు ఏకపక్ష విజయం అందకుండా అడ్డుకున్నాడు. టెయిలెండర్లను పట్టుకుని బాష్..లక్ష్యం వైపు తీసుకెళ్లాడు. కానీ చివరికి పరుగులు ఎక్కువగా ఉండేసరికి.. ఒత్తిడి పెరిగిపోయింది. చివరికి ఓవర్లో 18 పరుగులు చేయాల్సిన సందర్భంలో బాష్..రెండో బంతికి పరుగులేమీ చేయకుండానే ఔటయ్యాడు. దాంతో మ్యాచ్ ముగిసిపోయింది. హర్షిత్ రాణా టాప్ ఆర్డర్ వికెట్లు తీసి కీలకంగా వ్యవహరించారు. భారత ఇన్నింగ్స్ లో కోహ్లి థనాథన్ బ్యాటింగ్ చేసి 135 పరుగులు చేశాడు.
