వెబ్ సిరీస్‌ల జ‌మానా మొద‌లైంది. ఇదో గొప్ప ఆదాయ సూత్ర‌మ‌ని చిత్ర‌సీమ గ‌ట్టిగా న‌మ్ముతోందిప్పుడు. సినిమాల్లో కంటే, డిజిట‌ల్ మీడియాలోనే లాభాలున్నాయ‌న్న సంగ‌తి మెల్ల మెల్ల‌గా రూఢీ అవుతుండ‌డంతో వీటివైపు దృష్టి నిలుపుతున్నారు. బాహుబ‌లిలోని మేటి పాత్ర ‘శివ‌గామి’.. ఇప్పుడు వెబ్ సిరీస్ రూపంలో రాబోతోంది. శివ‌గామిగా ఎవ‌రు క‌నిపిస్తార‌న్న విష‌యం ఇంకా తెలియ‌క‌పోయినా – ఈ వెబ్ సిరీస్‌కి సంబంధించిన ఓ ఆస‌క్తిక‌ర‌మైన అంశం బ‌య‌ట‌కు వ‌చ్చింది. ఈ వెబ్ సిరీస్ బడ్జెట్ దాదాపుగా రూ.7.5 కోట్ల‌ని తెలిసింది. ఈ స్థాయిలో ఓ వెబ్ సిరీస్‌కి బడ్జెట్ కేటాయించ‌డం బ‌హుశా ద‌క్షిణాదిలోనే ఇదే తొలిసారి కావొచ్చు. దాదాపుగా 14 ఎపిసోడ్లుగా శివ‌గామి రాబోతోంద‌ని టాక్‌. అంటే ఒక్కో ఎపిసోడ్‌కి రూన.53 ల‌క్ష‌ల‌న్న‌మాట. ఓ మోస్త‌రు సినిమా బడ్జెట్ ఇది. ఆర్కా మీడియా రూపొందిస్తున్న ఈ వెబ్ సిరీస్‌కి దేవా క‌ట్టా ద‌ర్శ‌క‌త్వం వ‌హించ‌నున్నారు. ఆయన పారితోషికం దాదాపుగా రూ.కోటి రూపాయ‌ల వ‌ర‌కూఉంటుంద‌ని టాక్‌. కాస్త ఖాళీ దొరికిన ద‌ర్శ‌కులు ఇలా వెబ్ సిరీస్‌ల‌వైపు దృష్టి పెట్ట‌డం లాభ‌దాయ‌క‌మేమో.
‘శివ‌గామి’ బడ్జెట్ తెలిస్తే షాక్ అవ్వాల్సిందే!
