రుద్రమదేవి స్టార్ట్ చేసినప్పటి నుండి గుణశేఖర్ కి కష్టాలు స్టార్ట్ అయ్యాయి. దేశంలోనే మొట్టమొదటి హిస్టారికల్ స్టీరియోస్కోపిక్ అండ్ థ్రీడి ఫిల్మ్ గా రాబోతున్న రుద్రమదేవి ఇప్పటికే ఎన్నోసార్లు వాయిదా పడింది. అయితే ఎట్టకేలకు రుద్రమదేవిని అక్టోబర్ 9న రిలీజ్ చేయడానికి డిసైడ్ అయ్యాడు గుణశేఖర్. కాని తెలుస్తున్న కథనాల ప్రకారం మరోసారి తన సినిమాను వాయిదా వేసుకోవాలని ఫిల్మ్ చాంబర్ నుండి గుణశేఖర్ కి మేసేజ్ అందిందట. తన సినిమాకు ఓ వారం అటు ఇటు ఏ సినిమా ఉండకూడదనుకుని ఇన్నాళ్లు ఆగిన గుణశేఖర్ వచ్చి వచ్చి వరుసెంట సినిమాలున్న టైంలో రిలీజ్ చేయడం పెద్ద సాహసమే.
అక్టోబర్ 9న రుద్రమదేవి రిలీజ్ ఎనౌన్స్ చేయగా అదేరోజు అనుష్క సైజ్ జీరో వస్తుంది. ఇక 16న మెగా పవర్ స్టార్ బ్రూస్ లీ కూడా కన్ఫాం అయ్యాడు. ఆ తర్వాత వారం అఖిల్ వస్తున్నాడు. ఇలా వరుసెంట పెద్ద సినిమాలు ఉన్న టైంలో తన సినిమా రిలీజ్ పెద్ద సాహసమే అయినా ఈసారి మాత్రం తగ్గేది లేదంటున్నాడు గుణశేఖర్. రిలీజ్ అవ్వబోతున్న స్టార్ హీరోల దర్శక నిర్మాతల నుండి గుణశేఖర్ మీద ఒత్తిడి మొదలైందట. కాని ఈసారి కూడా కాంప్రమైజ్ అయ్యి గుణశేఖర్ రిలీజ్ పోస్ట్ పోన్ చేస్తే సినిమాను కొన్న డిస్ట్రిబ్యూటర్లు ఊరుకునేలా లేరు.
అందుకే ఏదైతే అది అయ్యిందని తెగించి ఎలాగైనా రుద్రమదేవిని అక్టోబర్ 9నే రిలీజ్ చేయడానికి సన్నాహాలు చేస్తున్నాడు గుణశేఖర్. మరి గుణశేఖర్ తీసుకున్న ఈ నిర్ణయం స్టార్ హీరోల గుండెల్లో గుబులు పుట్టిస్తుంది. ఏది ఏమైనా ఆడియెన్స్ మాత్రం వచ్చే నెల మొత్తం వెరైటీ సినిమాలతో కనువిందు పొందడం ఖాయం.
