ప్రేమ్ రతన్ ధన్ పాయో… రాజశ్రీ ప్రొడక్షన్ హౌన్ ఆస్థాన హీరో వంటి సల్మాన్ ఖాన్ నటించిన తాజా సినిమా. అందాల నటి సోనమ్ కపూర్ ప్రధాన ఆకర్షణగా ఈ సినిమా సిద్ధమవుతోంది. సల్మాన్, సోనమ్ రొమాన్స్ ఎలా ఉంటుందో, ఆన్ స్క్రీన్ లో ఈ జోడీ కంటికి ఇంపుగా ఉంటుందో లేదో అనే చర్చ జరుగుతోంది. అయితే ఈ సినిమా ట్రయలర్ ను భారీ పబ్లిసిటీ మధ్య రిలీజ్ చేశారు. అయితే అది అంత ఇంప్రెసివ్ గా లేదని టాక్ వచ్చింది. రాజశ్రీ వారి సినిమా, సల్మాన్ హీరో అంటే మై నే ప్యార్ కియా, హమ్ ఆప్ కే హై కౌన్, హమ్ సాథ్ సాథ్ హై సినిమాలు గుర్తుకు వస్తాయి.
ఇప్పుడు ఈ తాజా సినిమా ట్రైలర్ కూడా ఓ పెద్ద హవేలీ సీన్ తో మొదలవుతుంది. ఒక శ్లోకం వినిపిస్తుంది. కొందరు అమ్మాయిలు డాన్స్ చేస్తుంటారు. సల్మాన్ ఎంటర్ అవుతాడు. మై వాపస్ ఆగయాహూ అనే డైలాగ్ చెప్తాడు. భారీ ఖర్చుతోనే ఈ సినిమాను తీసినా తొలి ట్రైలర్ కే బిలో యావరేజ్ అనే టాక్ రావడం నిర్మాతలకు ఇబ్బంది కలిగించే విషయమే.
ఈ సినిమాలో సోనమ్ కపూర్ గ్లామర్ గురించి ఎక్కువగా చర్చ జరుగుతోంది. అందం, అభినయం ఉన్నా పెద్దగా విజయాలు లేని నటి సోనం. అందుకే ఈ సినిమాతో స్టార్ డమ్ పొందాలని తహతహలాడుతోంది. సల్మాన్ సినిమా అంటే సూపర్ హిట్ అయ్యే చాన్స్ ఉంది కాబట్టి తన ఖాతాలో ఒక విజయం చేరడం ఖాయమని ఈ సుందరాంగి ఆశాభావంతో ఉంది. ఈ జంట కన్నుల పంట అనే టాక్ వస్తే ఇంకేం, కలెక్షన్ల వర్షం ఖాయమంటున్నారు దర్శక నిర్మాతలు.
[youtube http://www.youtube.com/watch?v=Vd4iNPuRlx4&w=640&h=360]
