కృష్ణం రాజు నట వారసత్వాన్ని చేతపట్టి రికార్డుల మోత మోగిస్తున్నాడు యంగ్ రెబల్ స్టార్ ప్రభాస్. ఈశ్వర్ తో మొదలైన ఆ ప్రస్థానం నిన్నటి బాహుబలి వరకు అద్భుతంగా సాగింది. మాస్ ప్రేక్షకుల పల్స్ ఇట్టే పట్టేసిన ప్రభాస్ తన సినిమాలతో వారిని అలరించడం స్టార్ట్ చేశాడు. ఈశ్వర్ హిట్ తో కుర్రాడు మంచి కసి మీదున్నాడు కదా అనుకునే సరికి వర్షం హిట్ తో స్టార్ స్టేటస్ కి ఎగబ్రాకాడు. ఇక జక్కన్న చేతిలో పడి చత్రపతిగా అవతరించి బాక్సాఫీస్ బాద్షాగా మారాడు ప్రభాస్.
సినిమా సినిమాకు నైపుణ్యతను జోడిస్తూ స్టార్ గా ఎదిగిన ప్రభాస్ ను పరిశ్రమలో అందరు డార్లింగ్ అని అంటుంటారు. ప్రభాస్ లోని మరో కోణాన్ని చూపించిన సినిమాలు చక్రం, పౌర్ణమి. ఇక బుజ్జిగాడుగా ట్రెండ్ సెట్ చేసిన ప్రభాస్ తన నిక్ నేమ్ అయిన డార్లింగ్ సినిమాతో అందరిని అలరించాడు. కొత్త రకం క్యారక్టరైజేషన్ కి ప్రాధాన్యతనిచ్చే ప్రభాస్ ఎప్పుడు ప్రయోగాలకు ముందుంటాడు.
ఇక బాహుబలితో అయితే తన అభిమాని అని చెప్పుకునే వారిని తల ఎత్తుకుని గర్వపడేలా చేశాడు ప్రభాస్. అమరేంద్ర బాహుబలి, శివుడు క్యారక్టర్స్ లో ప్రభాస్ నటన అనిర్వచనీయం అందుకే దేశమంతా మెచ్చుకుంది. తను క్రియేట్ చేసిన బాక్సాఫీస్ రికార్డులను టచ్ చెయాలంటే తడిసిపోయేలా చేశాడు ప్రభాస్. బాహుబలి సినిమా కోసం తన కెరియ నే ఫణంగా పెట్టిన ప్రభాస్ ఆ సినిమా సక్సెస్ ని బాగా ఎంజాయ్ చేశాడు. ప్రస్తుతం ఆ సినిమా రెండవ భాగాన్ని తెరకెక్కించే ప్రయత్నంలో ఉన్నారుచిత్ర యూనిట్.
ఈరోజు పుట్టినరోజు జరుపుకుంటున్న మన డార్లింగ్ ప్రభాస్ కు పుట్టినరోజు శుభాకాంక్షలు తెలియచేస్తూ బాహుబలి లాంటి సూపర్ డూపర్ హిట్లు మరెన్నో వచ్చి కెరియర్ అంతా సూపర్ సక్సెస్ఫుల్ గా సాగిపోవాలని కోరుకుంటుంది తెలుగు360.కామ్.
