11 కోట్ల బీహారీలను అవమానించారు: లాలూ

హైదరాబాద్: బీహార్‌లో బీజేపీ ఓడిపోతే పాకిస్తాన్‌లో దీపావళి చేసుకుంటారంటూ అమిత్ షా మొన్న చేసిన వ్యాఖ్యలు తీవ్ర కలకలం సృష్టిస్తున్నాయి. అమిత్ షా వ్యాఖ్యలపై జేడీయూ-ఆర్‌జేడీ-కాంగ్రెస్ కూటమి, కూటమిపై బీజేపీ – తీవ్రంగా విమర్శించుకుంటూనే ఎన్నికల సంఘానికి పరస్పరం ఫిర్యాదు చేసుకున్నాయి.

బీహార్‌ అసెంబ్లీ ఎన్నికలలో విజయంతమకు కీలకం కావటంతో బీజేపీ నాయకత్వం సర్వశక్తులూ ఒడ్డి ప్రయత్నిస్తోంది. ఈ క్రమంలోనే అమిత్ షా ఈ ఎన్నికలపై గురువారం రక్సౌల్ ఎన్నికల సభలో తీవ్ర వ్యాఖ్యలు చేశారు. దీనిపై జేడీయూ కూటమి నేతలు విరుచుకుపడ్డారు. అమిత్ షా వ్యాఖ్యలు చిచ్చుపెట్టేవిధంగా ఉన్నాయని, ఓటర్లను మతపరంగా చీల్చటానికి ఆయన ప్రయత్నిస్తున్నారని ఆర్‌జేడీ అధినేత లాలూ ప్రసాద్ యాదవ్ ఆరోపించారు. అమిత్‌ షాకు పిచ్చెక్కిందని, ఆయన 11 కోట్ల బీహారీలను అవమానిస్తున్నారని మండిపడ్డారు. బీహారీలను ఆయన కడుపులో కొట్టారని అన్నారు. ఆయనకు, ఆయన పార్టీకి ప్రజలు తగిన గుణపాఠం చెబుతారని చెప్పారు. మతపరంగా ఓట్లు ఆకట్టుకోవటంకోసం అమిత్ షా ఇలాంటి వ్యాఖ్యలు చేస్తున్నారని, అయితే బీహార్‌లో అలాంటి ఎత్తుగడలు చెల్లవని అన్నారు.

అమిత్ షా దీపావళి వ్యాఖ్యలపై జేడీయూ కూటమి నేతలు నిన్న ఎన్నికల సంఘం ఛీఫ్ కమిషనర్ నసీమ్ జైదికి ఫిర్యాదు చేశారు. అమిత్ షా ప్రసంగం చిచ్చుపెట్టే విధంగా ఉందని, మతతత్వాన్ని ప్రేరేపిస్తూ ఆయన బీహార్ ఎన్నికల ప్రక్రియను విషపూరితం చేస్తున్నారని వినతిపత్రంలో పేర్కొన్నారు. ఎన్నికలు ముగిసేవరకు అమిత్ షాను బీహార్‌లో అడుగు పెట్టకుండా నిషేధించాలని కోరారు. అటు బీజేపీ నాయకులు కూడా ఎన్నికల సంఘానికి జేడీయూ నేతలపై ఫిర్యాదు చేశారు. నితీష్, లాలూ, రాహుల్ తదితర నేతలు అమిత్ షాను నరమాంస భక్షకుడని, మోడిని పిశాచమని దూషిస్తున్నారని ఆరోపించారు.

మరోవైపు, జేడీయూ పార్టీ మైనారిటీలను ఆకట్టుకోవటంకోసం తీవ్రవాదంపై మెతకవైఖరి అవలంబిస్తోందని, దళితులు, బీసీల ప్రయోజనాలను పణంగా పెట్టి మైనారిటీలకు రిజర్వేషన్‌లు కల్పిస్తామని వాగ్దానాలు చేస్తోందని ఆరోపిస్తూ బీజేపీ ఇటీవల విడుదల చేసిన 2 ప్రచార ప్రకటనలను ఎన్నికల సంఘం నిషేధించింది. ఆ ప్రకటనలు వివిధ వర్గాల ప్రజలమధ్య విద్వేషాలు రగిల్చేవిధంగా ఉన్నాయని ఎన్నికల సంఘం వ్యాఖ్యానించింది. బీహార్ నాలుగో దశ ఎన్నికలు రేపు, ఐదో దశ ఎన్నికలు వచ్చే నెల 5వ తేదీన జరగనున్నాయి. ఎన్నికలు ముగిసే సమయం దగ్గరిపడేకొద్దీ నేతల ప్రసంగాలు, భాష దిగజారిపోతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీకి వెళ్లి ఓట్లేయ్య‌డ‌మే ప‌వ‌న్ కు ఫ్యాన్స్ చేసే సేవ‌!

ఏపీలో రాజ‌కీయం రోజు రోజుకీ వేడెక్కుతోంది. టీడీపీ, జ‌న‌సేన‌, భాజాపా ఓ కూట‌మిలా ఏర్ప‌డి, జ‌గ‌న్ ప్ర‌భుత్వంపై పోరాటం చేస్తున్నాయి. ఏపీలో కూట‌మి మ‌ద్ద‌తు రోజురోజుకీ పెరుగుతోంది. సినిమా ప‌రిశ్ర‌మ నుంచి కూడా...
video

‘గ్యాంగ్స్‌ ఆఫ్‌ గోదావరి’ టీజర్ : అమ్మోరు పూనేసింది

https://youtu.be/CAR8XtEpwhE?si=ZNMm4KXPixfwjlDL విశ్వక్ సేన్ ప్రయాణం వైవిధ్యంగా సాగుతుతోంది. అన్నీ తరహ జోనర్స్ లో సినిమాలు చేస్తున్నారు. ఇప్పటివరకూ డెక్కన్ బేస్డ్ సినిమాలతో అలరించిన ఆయన ఇప్పుడు తొలిసారి కోనసీమ నేపధ్యంలో ఓ యాక్షన్ కథ...

టూ లేట్ -కేసీఆర్ సోషల్ మీడియా ఎంట్రీ !

కేసీఆర్ వ్యక్తిగత సోషల్ మీడియా ఖాతాలను ప్రారంభించారు. ఆయన ఆపరేట్ చేయరు కానీ అందులో పోస్ట్ చేసే ప్రతి అంశం ఆయన అభిప్రాయమే అనుకోవచ్చు. ఎక్స్ తో పాటు ఫేస్ ...

కమ్యూనిస్టులను దారికి తెచ్చుకున్న రేవంత్ రెడ్డి

రెండు కమ్యూనిస్టు పార్టీలను బేషరతుగా మద్దతు ప్రకటించుకునేలా చేసుకున్నారు రేవంత్ రెడ్డి. సీపీఐ అసెంబ్లీ ఎన్నికల్లో పొత్తులు పెట్టుకుంది. లోక్ సభ ఎన్నికల కసరత్తు ప్రారంభమైన తర్వాత ఒక్క పార్లమెంట్ సీటు...

HOT NEWS

css.php
[X] Close
[X] Close