బుల్లెట్ వెనుక సీక్రెట్ ఇదే!

రేపు (శుక్ర‌వారం) గోపీచంద్ సినిమా – ఆర‌గుడుగుల బుల్లెట్ విడుద‌ల కాబోతోంది. విడుద‌ల‌కు ముందు.. హైడ్రామా న‌డుస్తోంది. ఈ సినిమా విడుద‌ల ఆపేయాల‌ని కొంత‌మంది ఫైనాన్సియ‌ర్లు విశ్వ ప్ర‌యాత్నాలు చేస్తున్నారు. ఈ సాయింత్రానిక‌ల్లా.. బుల్లెట్ వ‌స్తుందా, రాదా? అనే విష‌యాల‌పై ఓ క్లారిటీ వ‌స్తుంది. ఈ సినిమాకి తాండ్ర ర‌మేష్ నిర్మాత‌. ఆయ‌న ఇప్పుడు అటు డిస్టిబ్యూట‌ర్ల‌కు, అటు ఫైనాన్సియ‌ర్ల‌కు అందుబాటులో లేకుండా వెళ్లిపోయాడు. ఆర్థిక ప‌ర‌మైన లావాదేవీల‌న్నీ పీవీపీ చేతుల మీదుగానే జ‌రుగుతున్నాయి. నిజానికి ఈ సినిమాతో నిర్మాత తాండ్ర ర‌మేష్ న‌ష్ట‌పోయిందేం లేద‌ని విశ్వ‌స‌నీయ వ‌ర్గాల స‌మాచారం. గోపీచంద్ – న‌య‌న‌తార – బిగోపాల్ అనే కాంబినేష‌న్ పేరు చెప్పి, సినిమా మొద‌లెట్టిన వెంట‌నే.. కొన్ని ఏరియాల్లో మంచి రేట్ల‌కే అమ్ముకొన్నాడ‌ట‌. ఆ రోజుల్లోనే జీ తెలుగు కి శాటిలైట్ అప్ప‌గించేశాడ‌ని తెలుస్తోంది. క‌న్న‌డ‌, హిందీ ఛాన‌ళ్ల‌కూ డ‌బ్బింగ్ రైట్స్‌కింద ఈ సినిమాని క‌ట్ట‌బెట్టేశాడ‌ట‌. అలా.. బుల్లెట్ పేరు చెప్పి తాండ్ర ర‌మేష్ బాగానే డ‌బ్బులు గిట్టుబాటు చేసుకొన్నాడ‌ని, ఇప్పుడు ఈ సినిమాని పీవీపీ చేతుల్లో పెట్టి తాను తప్పుకొన్నాడ‌ని తెలుస్తోంది. తాండ్ర ర‌మేష్ ద‌గ్గ‌ర హోల్ సేల్ రేటుకి ఈ సినిమాని తీసుకొన్న పీవీపీ… థియేట‌ర్ల‌నుంచి మంచి మొత్తానికే అడ్వాన్సులు రాబ‌ట్టుకొంద‌ట‌. సినిమా బాగా ఆడితే.. ముందు త‌న పెట్టుబ‌డి తీసుకొని, అప్పుడు వ‌చ్చిన లాభాల్ని తాండ్ర ర‌మేష్‌కి అప్ప‌గిస్తారు. అంటే… ఆ రూపంలోనూ నిర్మాత లాభ‌ప‌డిన‌ట్టే. మ‌రి ఈ సినిమాకి అప్పులిచ్చిన వాళ్ల ప‌రిస్థితేంట‌న్న‌దే ప్ర‌స్తుతం ప్ర‌శ్నార్థ‌కంగా మారింది. ప్ర‌స్తుతం జ‌రుగుతున్న గొడ‌వా… దాని గురించే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మధ్యప్రదేశ్ సీన్ రాజస్థాన్‌లోనూ రిపీట్ అవుతోందా..?

జ్యోతిరాదిత్య సింధియా తన వర్గం ఎమ్మెల్యేలతో బీజేపీలో చేరిపోవడంతో మధ్యప్రదేశ్‌లో కాంగ్రెస్ ప్రభుత్వం కూలిపోయి... బీజేపీ ప్రభుత్వం ఏర్పడింది. పదిహేనేళ్ల సుదీర్ఘ విరామం తర్వాత... పట్టుమని ఏడాది కూడా ఉండలేకపోయింది. ఇప్పుడు అదే...

లాక్‌డౌన్ దిశగా రాష్ట్ర ప్రభుత్వాల ఆలోచనలు..!

వైరస్ దెబ్బకు మళ్లీ షట్‌డౌన్ ఆలోచనలు చేస్తున్నాయి ప్రభుత్వాలు. కర్ణాటక ప్రభుత్వం బెంగళూరులో వారం పాటు కంప్లీట్ లాక్ డౌన్ ప్రకటించేసింది. అక్కడ ఇప్పటికే వారంతాల్లో లాక్ డౌన్ అమలవుతోంది. అయినా.. అనూహ్యంగా.....

సినీ అవకాశం పేరిట “జబర్దస్త్” చీటింగ్

సినిమా ఇండస్ట్రీలో వేషాలు ఇప్పిస్తామంటూ చెప్పి యువతీ యువకులను మోసం చేయడం ఎప్పట్నుంచో జరుగుతున్నదే. యువతీయువకుల దగ్గరనుండి సినిమా అవకాశాలు పేరిట డబ్బులు గుంజడం, యువతుల పై లైంగిక వేధింపులకు పాల్పడడం వంటి...

వెబ్ సిరీస్‌గా ‘మైదానం’

క‌థ‌ల కొర‌త.. కొర‌త అంటుంటారు గానీ, వెద‌కాలే కానీ, మ‌న చుట్టూనే బోలెడ‌న్ని క‌థ‌లు. మ‌న సాహిత్యంలో ఎన్నో గొప్ప పాత్ర‌లు, న‌వ‌ల‌లు. వాటిని వాడుకోవడం తెలియాలంతే. ఓటీటీ వేదిక‌లు వ‌చ్చాక‌.. కంటెంట్,...

HOT NEWS

[X] Close
[X] Close