డి.సురేష్ బాబు త‌న‌యుడు ద‌గ్గుబాటి అభిరామ్ తెరంగేట్రంపై చాలా రోజుల నుంచీ వార్త‌లు వ‌స్తూనే ఉన్నాయి. అయితే ఏదీ ఓ ప‌ట్టాన తేల‌డం లేదు. అయితే ఎట్ట‌కేల‌కు అభిరామ్ హీరోగా ఎంట్రీకి రంగం సిద్ధ‌మ‌వుతోంది. ప్ర‌స్తుతం అభిరామ్ ముంబైలో ఉన్నాడు. అక్క‌డ న‌ట‌న‌కు సంబంధించి శిక్ష‌ణ తీసుకుంటున్నాడు. రానాకి ముంబైలో మంచి స‌ర్కిల్ ఉంది. వాళ్ల ఆధ్వ‌ర్యంలోనే అభిరామ్ కి ముంబైలో వివిధ అంశాల‌లో శిక్ష‌ణ ఇప్పిస్తున్నార్ట. త‌న బాడీ షేప్‌పై కూడా దృష్టి పెట్టిన అభిరామ్.. జిమ్‌లో గంట‌ల త‌ర‌బ‌డి చ‌మ‌టోడుస్తున్న‌ట్టు టాక్‌. ఓ యువ ద‌ర్శ‌కుడు చెప్పిన క‌థ‌ని ఇది వ‌ర‌కే సురేష్ బాబు లాక్ చేసేశాడు. ముంబై నుంచి అభిరామ్ తిరిగొచ్చాక… ఇక్క‌డ ఆ సినిమాకి సంబంధించిన వ‌ర్క్‌షాప్ నిర్వ‌హిస్తారు. మ‌రోవైపు ఇత‌ర న‌టీన‌టులు సాంకేతిక నిపుణుల ఎంపిక కూడా జ‌రుగుతోంది. త్వ‌ర‌లోనే ఈ సినిమాకి సంబంధించిన అధికారిక ప్ర‌క‌ట‌న వెలువడే అవ‌కాశం ఉంది.
