లోకేశ్‌ హరీష్‌ల ఓపెన్‌ హార్టుల తేడాలు!

ఆర్కే ఓపెన్‌ హార్ట్‌ గాని, కొత్త పలుకు గాని రాజకీయ వర్గాలు మీడియా పరిశీలకులు ఆసక్తిగానే చూస్తుంటారు. ఆయన భావాలతో ఏకీభవించకపోయినా ఏదో ఒకటి భిన్నంగా ధైర్యంగా అడుగుతారనే అభిప్రాయం అందుకు కారణం. అయితే రాను రాను ఆయనలోనూ మీడియా మేనేజిమెంటు పెరిగిపోతున్నట్టుంది. వివిధ సందర్భాల్లో అనుసరించే పద్ధతులు లెక్కలు వేరువేరుగా వుంటున్నాయి. తాజాగా తెలంగాణ మంత్రి హరీశ్‌రావును ఇంటర్వ్యూ చేశారు. మిగిలినవాటికన్నా కెటిఆర్‌ను ముఖ్యమంత్రిని చేస్తే ఆమోదిస్తారా లేదా అన్నదానిపైనే ఫోకస్‌ పెట్టేశారు. ఆయన ఒకటికి రెండు సార్లు కెసిఆర్‌ ఏం చేసినా బలపరుస్తానని చెబుతున్నా తిప్పితిప్పి అదే అడగడం! ఇది హరీశ్‌ను కమిట్‌ చేయించడానికా లేక ప్రొవోక్‌ చేయడానికా అర్థం కాదు. రాజకీయ చాతుర్యానికి లోటులేని హరీశ్‌ వంటివారు పదేపదే అడిగినంత మాత్రాన మరో విధంగా మాట్లాడతారా? ఒక వేళ తిరుగుబాటు చేయాలనుకున్నా ముందే చెప్పేస్తారా? కెటిఆర్‌ నాయకత్వాన్ని ఒప్పుకోను అని ఆయన చెప్పే అవకాశమే లేదు. రేపు ఏ పరిస్థితుల్లో ఈ మార్పు ముందుకు వస్తుందనేదాన్ని బట్టి అప్పుడు స్పందన తప్ప ఇప్పుడు బ్యానర్‌ వాల్యూ వున్న విషయమేమీ కాదది. ఇదే గాక ఓటుకు నోటు గురించి కూడా అడిగారు.మీ ప్రాధాన్యత తగ్గుతుందే అన్నారు.ఇవన్నీ స్టాక్‌ ప్రశ్నలే. రొటీన్‌ ఆన్సర్లే!

కాకపోతే ఈ సమయంలో తెలుగుదేశం ప్రధాన కార్యదర్శి(అప్పటికి మంత్రి కాలేదు) లోకేశ్‌తో ఆర్కేచేసినే ఇంటర్వ్యూ గుర్తుకు వస్తుంది. లోకేశ్‌ను హరీశ్‌తో పోల్చలేము గాని ఆయనను అడగాల్సిన అంశాలూ చాలా వున్నాయి. అసలాయన కొత్తగా వస్తున్నప్పుడు విషయపరిజ్ఞానం ఏ మేరకు వుంది, అభిప్రాయాలు ఎలా వుంటాయి తెలుసుకోవాలని జనం అనుకుంటారు. కాని ఆర్కే మాత్రం ఆ ఓపెన్‌ హార్ట్‌లో చంద్రబాబు తీరుతెన్నులు తండ్రీ కొడుకుల ముచ్చట్లుతో సరిపెట్టారు. ఓటుకు నోటుపై గాని, తెలంగాణలో పరిస్థితిపై గాని లేదంటే తెలుగుదేశం పొరబాట్లపై గాని గట్టిగా అడిగిందే లేదు. సుతిమెత్తగా అడిగి పంపించారు. సూటిగా ఇంకా చెప్పాలంటే కాస్త నాటుగా కూడా అడుగుతానని అంటూనే కొత్త నేతను పూర్తిగా ఆవిష్కరించకుండా ఆదుకోవడం.. ఇప్పటికే చేతులత్తేసిన హరీశ్‌ను మళ్లీ మళ్లీ ఒకే ప్రశ్న వేయడం బాగుందా అద్యక్షా?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కొత్త పాలసీ : ఏపీలో పరిశ్రమలు పెట్టేవారికి రాచబాట..!

ఆంధ్రప్రదేశ్ ప్రభుత్వం పారిశ్రామిక రంగానికి పెద్ద పీట వేస్తోంది. పరిశ్రమలు పెట్టాలనుకునేవారి... అనేకానేక ప్రోత్సాహకాలతో కొత్త పాలసీ ప్రవేస పెట్టింది. భారీగా పెట్టుబడులు పెట్టే వారికి భారీ రాయితీలు ఇవ్నున్నారు. వచ్చే మూడేళ్ల...

” ఈశ్వరయ్య టేపు ” తీగ లాగితే మొద్దు శీను హత్య వరకూ వెళ్తోందేంటి..?

మొద్దు శీనును జైలు బయట హత్య చేసి ఓం ప్రకాష్ ఉన్న బ్యారక్ లోపల వేశారా..? . అవుననే అంటున్నారు.. అప్పట్లో... మొద్దు శీను హత్యకు గురైన సమయంలో న్యాయమూర్తిగా ఉన్న రామకృష్ణ....

అత‌డు వ‌చ్చి.. ప‌దిహేనేళ్లు!

అత‌డు.. ర‌చ‌యిత‌గా, ద‌ర్శ‌కుడిగా త్రివిక్ర‌మ్ స‌త్తా చెప్పిన చిత్ర‌మ్‌. మ‌హేష్ స్టైలీష్ న‌ట‌న‌ని చూపించిన సినిమా. మేకింగ్‌లో.. కొత్త పుంత‌లు తొక్కించిన సినిమా. ఇప్ప‌టికీ.. ఆ సినిమా గురించి మ‌హేష్‌, త్రివిక్ర‌మ్ అభిమానులు...

చిరు చేప‌ల ఫ్రై.. సూప‌ర్ హిట్టు

లాక్ డౌన్ స‌మ‌యంలోనూ మ‌రింత యాక్టీవ్ గా క‌నిపిస్తున్నారు చిరంజీవి. ప్ర‌జ‌ల్ని చైత‌న్య ప‌రుస్తూ చిరు కొన్ని వీడియోలు చేశారు. పోలీసుల పిలుపు మేర‌కు ప్లాస్మా డొనేష‌న్ క్యాంపులో పాల్గొని.. వాళ్ల‌ని ఉత్సాహ...

HOT NEWS

[X] Close
[X] Close