ఆర్కే పలుకు : ఈ వారం ఉచిత సలహాలు!

ఎమ్మెల్సీ ఎన్నికల్లో టీడీపీ విజయాల తర్వాత ఇక ఆంధ్రజ్యోతి ఎండీ వేమూరి రాధాకృష్ణ ఏం రాస్తారోనని.. ఆయన మాటలకు హద్దులు ఉండవని అంచనాలు పెంచేసుకున్న వారికి ఆంధ్రజ్యోతి ఎండీ ఆర్కే షాకిచ్చారు. ఆయన ఈ ఫలితాలపై పెద్దగా సంచలన విశ్లేషణలు చేయలేదు… కానీ చంద్రబాబుకు.. జగన్మోహన్ రెడ్డికి ఉచిత సలహాలు ఇచ్చేందుకు మాత్రం ఎక్కువ సమయం కేటాయించారు. ఇప్పుడే అయిపోయలేదని వచ్చే ఏడాదిలో ఏం చేయాలో చంద్రబాబుకు చాలా సలహాలిచ్చారు. అందులో కొత్తవేమైనా ఉన్నాయా అంటే లేవు. ఎప్పుడూ చెప్పేవే. అదే సమయంలో జగన్‌కూ చెప్పారు. ఫలితాలు చూసి తీరు మార్చుకోవాలని సలహా ఇచ్చారు.

ఆర్కే కీలకమైన విషయాలు బయటపెడితే తెలుసుకుని రాజకీయవర్గాలు చర్చించుకుంటారు కానీ సలహాలిచ్చే ప్రయత్నం మాత్రం పెద్దగా పట్టించుకోరు. గత ఎన్నికల్లో చంద్రబాబు ఓడిపోవడానికి చంద్రబాబే కారణం అని చెప్పడానికి ఆర్కే చాలా ప్రయత్నాలు చేశారు. పార్టీని పట్టించుకోలేదన్నారు. ప్రజలు ఆయన వెనకే ఉన్నారన్న భ్రమలో ఉన్నారన్నారు. నిజానికి చంద్రబాబుకు ఇలాంటి భ్రమ కల్పించిది ఆర్కేనే అనేది అందరికీ తెలిసిన విషయం. లగడపాటిని తీసుకుని ఆయన చాలా సార్లు చంద్రబాబును కలిసి సర్వేల పేరుతో మసిపూరి మారేడుకాయ చేసుకుని చివరికి దారుణ పరాజయంలో తాము కీలక భాగస్వాములయ్యారు. అయితే వీరిని నమ్మడం చంద్రబాబు చేసిన తప్పే కాబట్టి ఆర్కే చేసిన వాదనలో నిజం ఉందనుకోవచ్చు.

ఎమ్మెల్సీ ఎన్నికల ఫలితాలు తమ పార్టీ మీద ప్రభావం చూపవని సజ్జల అన్న మాటలు ఆత్మవంచనేనని చెప్పడానికి ఆర్కే ప్రయత్నించారు. నిజానికి ఏ పార్టీ అయినా ఇలా ఓడిపోయినా.. తమకు పరిస్థితులు ఎదురు తిరుగుతున్నాయని తెలిసినా బయటపడరు. ఇలాంటి విషయాల్లో వైసీపీ నేతలు ఇంకా గడుసుగా ఉంటారు. అందుకే బయటకు అలా చెప్పుకున్నారు. అంతర్గతంగా చక్కదిద్దుకుంటారో లేదో ఈ విషయంలోనూ ఆర్కే సాదాసీదా అభిప్రాయమే వెలిబుచ్చారు.

రాహుల్ గాంధీ అనర్హతా అంశాన్ని ఆర్కే ఖండించారు. నిజానికి ఆర్కే ఇలాంటి విషయాల్లో నిక్కచ్చిగా ఉంటారు. తప్పు అనిపిస్తే చెబుతారు. రాహుల్ గాంధీ పై అనర్హతా అంశాన్ని ఆయన అలాగే చెప్పారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మీడియా వాచ్ : యూటర్న్‌లో కల్ట్ చూపిస్తున్న ఎన్టీవీ

ఎన్టీవీలోని అపరిచితుడు బయటకు వచ్చేశాడు. బీఆర్ఎస్ అధికారంలో ఉన్నంత కాలం కాంగ్రెస్ పై.. రేవంత్ రెడ్డిపై.. బీఆర్ఎస్ కు ఇష్టం లేని నేతలపై.. వాళ్ల టార్గెట్ ను రీచ్ ...

బీఆర్ఎస్‌లో ఉండను : మల్లారెడ్డి

బీఆర్ఎస్‌లో ఉండేది లేదని మల్లారెడ్డి ప్రకటించారు. తాను పూర్తి స్థాయి రాజకీయ నాయకుడ్ని కాదని.. పార్ట్ టైమ్ రాజకీయ నేతను.. పూర్తి స్థాయి వ్యాపారవేత్తనని చెప్పుకొచ్చారు. తన వ్యాపారాలకు రక్షణ కోసమైనా...

లేటుగా వ‌చ్చినా ప్ర‌తాపం చూపిస్తున్న‌ ‘హ‌నుమాన్’

ఈ యేడాది సంక్రాంతికి విడుద‌లైన `హ‌నుమాన్` బాక్సాఫీసు ద‌గ్గ‌ర కొత్త రికార్డులు సృష్టించింది. చిన్న సినిమాగా వ‌చ్చి ఏకంగా రూ.300 కోట్ల మైలు రాయిని అందుకొంది. ఇప్పుడు ఓటీటీలో ప్ర‌త్య‌క్ష‌మైంది. ఇక్క‌డా.. 'హ‌నుమాన్‌'...

స‌మంత భ‌య‌పెట్టేస్తోంది

క‌థానాయిక‌ల పారితోషికంపై ఎప్పుడూ ఎడ‌తెగ‌ని చ‌ర్చ జ‌రుగుతూనే ఉంటుంది. స్టార్ హోదా వ‌చ్చిన క‌థానాయిక‌లు ఎప్ప‌టి క‌ప్పుడు త‌మ రేట్ల‌ని పెంచుకొంటూ పోతుంటారు. డిమాండ్ - అండ్ స‌ప్లై సూత్రం ప్ర‌కారం నిర్మాత‌లూ...

HOT NEWS

css.php
[X] Close
[X] Close