ప్రభుత్వం సుప్రీంకోర్టుకు వెళ్లే వరకూ రమేష్‌కుమార్ బాధ్యతలు తీసుకోకూడదట..!

స్టేట్ ఎలక్షన్ కమిషనర్‌గా నిమ్మగడ్డ రమేష్‌కుమార్ బాధ్యతలు తీసుకున్నట్లుగా ప్రకటించుకుని.. సిబ్బందికి ఆదేశాలు జారీ చేయడం చట్ట విరుద్ధమని తాజాగా ఏపీ ప్రభుత్వం వాదన వినిపించడం ప్రారంభించింది. సోమవారం.. ఎస్‌ఈసీగా రమేష్ కుమార్ బాధ్యతలు తీసుకునేందుకు సిద్ధమయ్యారు. అయితే.. ఆయనను బాధ్యతలు స్వీకరించకుండా ఆపాలనుకున్న ప్రభుత్వం కొత్త వ్యూహంతో ముందుకొచ్చింది. అడ్వకేట్ జనరల్ సుబ్రహ్మణ్యం శ్రీరాంను.. మీడియా ముందుకు తీసుకు వచ్చారు. పంచాయతీరాజ్ సెక్రటరీ ద్వివేదీ, సీఎంవోలో కీలక అధికారిగా చక్రం తిప్పుతున్న ప్రవీణ్ ప్రకాష్ చెరో వైపు కూర్చోగా.. ప్రభుత్వ ఏజీ.. ఎస్‌ఈసీ రమేష్ కుమార్ బాధ్యతలు తీసుకోవడం చట్ట విరుద్ధమనే వాదన వినిపించారు. హైకోర్టు తీర్పుపై ప్రభుత్వానికి అప్పీల్ చేసుకునే హక్కు ఉందని స్పష్టం చేసింది. అందుకే.. సుప్రీంకోర్టులో అప్పీల్ చేసుకునే వరకూ.. తీర్పుపై స్టే ఇవ్వాలని కోరామని.. ఆ పత్రాన్ని రమేష్ కుమార్ కి కూడా పంపామని.. ఏజీ చెప్పుకొచ్చారు.

హైకోర్టు స్పష్టమైన తీర్పు ఇచ్చింది. ఎస్‌ఈసీగా రమేష్ కుమార్ తొలగింపునకు సంబంధించిన ఆర్డినెన్స్ ను కొట్టి వేసింది. ఆ ఆర్డినెన్స్ దన్నుతో విడుదల చేసిన జీవోలనూ కొట్టి వేసింది. అంటే.. రమేష్ కుమార్ పదవిలో ఉన్నట్లే లెక్క. అదే విషయాన్ని బీజేపీ తరపున పిటిషన్ వేసిన కామినేని శ్రీనివాస్ తరపున వాదించిన జంధ్యాల రవిశంకర్ స్పష్టం చేశారు కూడా. అసలు రమేష్ కుమార్ ఎస్‌ఈసీ పోస్టే పోనప్పుడు.. ఆయనను పునర్‌నియమించడం అనే ప్రస్తావనే రాదన్న అభిప్రాయం న్యాయనిపుణుల్లో ఉంది. అయితే.. ఇప్పుడు.. ఆయన పదవి చేపట్టడానికి వీల్లేదని.. అడ్వకేట్ జనరల్ వాదిస్తూ మీడియా ముందుకు వచ్చారు. హైకోర్టు తీర్పు వచ్చిన తర్వాత తనంతట తాను ఆయన బాధ్యతలు చేపట్టినట్లుగా ప్రకటించారని.. ఇది చట్ట విరుద్ధమని ఆయన అంటున్నారు.

నిజానికి హైకోర్టు తీర్పు ఇచ్చిన తర్వాత సుప్రీంకోర్టు స్టే ఇస్తే మాత్రమే.. తీర్పు అమలు ఆగుతుంది. లేకపోతే.. ఆ తీర్పు చెల్లుతుంది. ప్రస్తుతం.. రాష్ట్ర ప్రభుత్వం కనీసం.. సుప్రీంకోర్టులో.. స్టే కోసం పిటిషన్ కూడా వేయలేదు. అయినా సరే.. తీర్పు అమలు పై స్టే ఇవ్వాలని కోరుతూ.. లేఖ రాశామని.. అందుకే.. రమేష్ కుమార్ బాధ్యతలు తీసుకోవద్దని.. ఏజీ వాదించడం.. న్యాయవర్గాలను సైతం విస్మయ పరుస్తోంది. హైకోర్టు తీర్పు విషయంలోనే స్వయంగా ఏజీ కొత్తకొత్త అర్థాలు చెబుతూండటం..తాను అదే అంశాన్ని న్యాయ సలహాగా ప్రభుత్వానికి చెప్పానని చెబుతూండటం.. మరింత ఆసక్తి రేకెత్తిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఐపీఎల్ స్టోరీస్‌: విరాట్ కి ఏమైంది?

విరాట్ కోహ్లీ.. ప్ర‌పంచంలోనే నెంబ‌ర్ వ‌న్ బ్యాట్స్‌మెన్‌. ప్ర‌త్య‌ర్థి ఎవ‌రైనా, ఫార్మెట్ ఏదైనా - బౌల‌ర్ల‌పై భీక‌రంగా విరుచుకుపోవ‌డ‌మే త‌న‌కు తెలుసు. ఐపీఎల్ అంటే.. మ‌రింత చెల‌రేగిపోతాడు. ఐపీఎల్ లో అత్య‌ధిక ప‌రుగులు...

వైసీపీ నేతలు ఎన్ని మాటలన్నా బీజేపీ ఎందుకు భరిస్తోంది..!?

ఆంధ్రప్రదేశ్ బీజేపీ నేతలు వైసీపీ నేతలకు అలుసైపోయారు. వైసీపీ నేతలు ఏ స్థాయి వారైనా.. బీజేపీ నేతలపై ఇష్టం వచ్చినట్లుగా విమర్శలు చేస్తున్నారు. కానీ బీజేపీ నేతలు మాత్రం.. ముసిముసి నవ్వులు నవ్వుకుంటూ.....

శేఖర్ రెడ్డి వద్ద దొరికిన ఆ “కోట్లు” సాక్ష్యాలు కావా..!?

టీటీడీ పాలకమండలి ప్రత్యేక ఆహ్వానితుడు శేఖర్‌రెడ్డికి సీబీఐ కోర్టు క్లీన్‌చిట్ ఇచ్చింది. ఆయన నేరాలకు సంబంధించి ఎలాంటి సాక్ష్యాలు లేవని.. కేసు మూసివేయవచ్చని సీబీఐ అధికారులు కోర్టుకు చెప్పడంతో ఈ మేరకు కోర్టు...

ఏపీ సర్కార్‌పై అశ్వనీదత్, కృష్ణంరాజు న్యాయపోరాటం..!

ఆంధ్రప్రదేశ్ ప్రభుత్వం, ఎయిర్‌పోర్ట్స్ అధారిటీ ఆఫ్ ఇండియాపై సినీ నిర్మాత అశ్వనీదత్, రెబల్ స్టార్ కృష్ణంరాజు హైకోర్టులో పిటిషన్లు వేశారు. గన్నవరం విమానాశ్రయ విస్తరణ కోసం తమ భూముల్ని తీసుకుని ఇస్తామన్న పరిహారం...

HOT NEWS

[X] Close
[X] Close