కోన్ కిస్కా గొట్టం గాళ్లు, మూర్ఖులు.. విమ‌ర్శ‌కుల‌పై అలీ ఫైర్‌

ఎప్పుడూ లేనిది… అలీ రివ్యూవ‌ర్ల‌పై విరుచుకుప‌డిపోయారు. ‘కోన్ కిస్కా గొట్టాం గాళ్లు, మూర్ఖులు..’ అంటూ పెద్ద పెద్ద ప‌దాల‌నే వాడేశారు. ఇదంతా.. `రాజుగారి గ‌ది 3` నెగిటీవ్ రివ్యూల‌పై ఆయ‌న మండిపాటు. ఓంకార్ ద‌ర్శ‌క‌త్వం వ‌హించిన సినిమా ఇది. శుక్ర‌వారం విడుద‌లైన ఈ చిత్రానికి రేటింగులు దారుణంగా వ‌చ్చాయి. సినిమా కూడా అలానే ఉంద‌నుకోండి. అది వేరే విష‌యం. ఈసినిమాలో అలీ ఓ కీల‌క‌మైన పాత్ర పోషించాడు. తీరా రివ్యూలు ఇలా వ‌చ్చేస‌రికి ఆయ‌న తెగ ఫీలైపోయి.. మైకు ప‌ట్టుకుని త‌న అక్క‌సు వెళ్ల‌గ‌క్కారు.

భ్ర‌మ‌రాంబ ధియేట‌ర్లో తాను ఈ సినిమా చూశాన‌ని, అక్క‌డ ప్రేక్ష‌కులు హాయిగా న‌వ్వుకున్నార‌ని, త‌మ టీమ్‌ని అభినందించార‌ని, ప్రివ్యూ థియేట‌ర్లో అయితే, త‌మ సొమ్ములేవో పోయిన‌ట్టు జ‌నాలు న‌వ్వ‌ర‌ని, అందుకే ఇక మీద‌ట ప్రివ్యూ థియేట‌ర్లో సినిమాలు చూడ‌డ‌ని చెప్పారు. అంత వ‌ర‌కూ బాగానే ఉంది. నెగిటీవ్ రివ్యూలు ఇచ్చిన‌వాళ్ల‌పై తీవ్ర‌స్థాయిలో విరుచుకుప‌డ్డాడు. ఎవ‌రో కోన్ కిస్కా గొట్టంగాళ్ల గురించి సినిమాలు తీయ‌మ‌ని, ప్రేక్ష‌క దేవుళ్ల కోసమే సినిమాలు తీస్తామ‌ని, కొంత‌మంది మూర్ఖులు ప‌నిగ‌ట్టుకుని సినిమాపై రాళ్లు విసురుతార‌ని.. తాను ప‌ట్టించుకోన‌ని అలీ చెప్పుకొచ్చారు. ఇన్నాళ్లుగా ఇండ్ర‌స్ట్రీలో ఉంటున్న అలీ… రివ్యూల‌పై ఫైర్ అవ్వ‌డం ఇదే తొలిసారి. బ‌హుశా… చాలా రోజుల త‌ర‌వాత పూర్తి నిడివి ఉన్న పాత్ర‌లో క‌నిపించిన సినిమా, మంచి రిజ‌ల్ట్ రాక‌పోవ‌డం ప‌ట్ల ఆయ‌న నిరాశ ప‌డి ఉంటారు. అందుకే.. ఈ రూపంలో ఆవేశం వెళ్ల‌క‌క్కారు. కాక‌పోతే ఓసీరియ‌ర్ న‌టుడు, ఇండ్ర‌స్ట్రీ గురించి తెలిసిన వ్య‌క్తి, వాక్ చాతుర్యం ఉన్న న‌టుడు… త‌న విచ‌క్ష‌ణ మర్చిపోయి భారీ ప‌దాల్ని వాడ‌డం ఆశ్చ‌ర్యం క‌లిగించే విష‌య‌మే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

క‌న‌బ‌డుట‌లేదు టీజ‌ర్‌: క్రియేటివిటీ క‌నిపించింది

https://www.youtube.com/watch?v=9Lg-QFxx5To చిన్న సినిమాకి హంగు - ఆర్భాటాలూ ఏం ఉండ‌వు. క‌థే దాని బ‌లం. ప్రచారంతోనే జ‌నాన్ని ఆక‌ర్షించాలి. టీజ‌ర్‌, ట్రైల‌ర్ ఎంత వెరైటీగా కట్ చేస్తే - అంత‌గా జ‌నం దాని గురించి...

అమరావతి కోసం బీజేపీ ఎవరిపై పోరాడుతుంది..!?

అమరావతి రాజధాని అనేది బీజేపీ విధానం అని... రాజధాని రైతుల కోసం పోరాడుతామని.. భారతీయ జనతా పార్టీ నేతలు... వారి మిత్రపక్షం.. జనసేన చెబుతోంది. అయితే.. వారు ఎవరిపై పోరాడతారన్నదానిపై క్లారిటీ...

“స్టేటస్‌కో ” పై సుప్రీంకోర్టుకు ఏపీ సర్కార్..!

పాలనా వికేంద్రీకరణ బిల్లు, సీఆర్డీఏ రద్దు బిల్లుల అమలుపై స్టేటస్ కో విధిస్తూ హైకోర్టు ఇచ్చిన ఆదేశాలపై ప్రభుత్వం సుప్రీంకోర్టుకు వెళ్లింది. స్పెషల్ లీవ్ పిటిషన్ దాఖలు చేసింది. ఆ స్టేటస్...

రిటైర్డ్ ఉద్యోగుల పెన్షన్ల చెల్లింపునకు అష్టకష్టాలు పడిన సర్కార్..!

ఆంధ్రప్రదేశ్ ప్రభుత్వ ఆర్థిక పరిస్థితి గురించి చాలా చర్చలు బయట జరుగుతున్నాయి కానీ.. అసలు వాస్తవం ఏమిటో బయటకు తెలియడం లేదు. జీతాలు, ఉద్యోగులకు పెన్షన్లు ఇవ్వాల్సిన సమయంలో... ఆర్థిక కష్టాలు వెలుగులోకి...

HOT NEWS

[X] Close
[X] Close