బాలీవుడ్ స్టార్ హీరోయిన్ అలియా భట్ మరో తెలుగు సినిమాకి సైన్ చేసింది. రాజమౌళి ఆర్ఆర్ఆర్ తో టాలీవుడ్ ఎంట్రీ ఇస్తున్న అలియా.. ఎన్టీఆర్ తో మరో సినిమాకి సంతకం చేసింది. ఎన్టీఆర్- కొరటాల శివ కలయికలో రాబోతున్న పాన్ ఇండియా సినిమాలో అలియాని హీరోయిన్ గా ఫైనల్ చేశారు. ఈ విషయాన్ని స్వయంగా అలియా దృవీకరించింది. ముంబాయిలో జరిగిన మీడియా సమావేశంలో క్లారిటీ ఇచ్చింది.”కొరటాల శివ సర్ తో మాట్లాడా. నా పాత్ర గురించి చెప్పారు. మరోఆలోచన లేకుండా ఓకే చెప్పా. ఎన్టీఆర్ తో మరో సినిమా చేస్తున్నందుకు ఆనందంగా వుంది. అలాగే కొరటాల దర్శకత్వంలో వస్తున్న ఆచార్య సినిమా బాగా ఆడాలి” అని అల్ ది బెస్ట్ చెప్పింది అలియా.
అన్నట్టు.. పాన్ ఇండియా టార్గెట్ ప్లాన్ చేస్తున్న ఈ సినిమాకి మ్యూజిక్‌ డైరెక్టర్‌గా అనిరుధ్‌ని ఎంపిక చేసినట్లు టాక్ వినిపిస్తుంది. ఫిబ్రవరి 7న ఈసినిమా పూజా కార్యక్రమాన్ని నిర్వహించేందుకు ముహూర్తం ఫిక్స్‌ చేసినట్లు తెలిసింది. కొరటాల శివ-తారక్‌ కాంబినేషన్‌లో వచ్చిన ‘జనతా గ్యారేజ్‌’ సూపర్‌హిటైన విషయం తెలిసిందే. దీంతో రెండో సినిమాపై భారీ అంచనాలు నెలకొన్నాయి.
