అల్లు అర్జున్ సినిమా పేరు… ‘ఐకాన్‌’ అన‌గానే – ఇదేదో ప్ర‌యోగాత్మ‌క చిత్ర‌మేమో అనుకున్నారంతా. టైటిల్‌తో పాటు ఫ‌స్ట్ లుక్ పోస్ట‌ర్ విడుద‌ల చేసేయ‌డంతో – ‘ఐకాన్‌’ క‌థ ఇదంటూ పాయింటు లీక్ చేసేశారు కూడా. ఇదో పిలిపిన్ క‌థ అని, తెలుగు నేటివిటీకి, ఇక్క‌డి సెన్సిబులిటీస్‌కి త‌గిన‌ట్టుగా మార్పులూ, చేర్పులూ చేశార‌ని చెబుతున్నారు. అయితే.. ఇప్పుడు తెలిసిన విష‌యం ఏమిటంటే.. ‘ఐకాన్‌’ చిత్రం విషాదాంతంగా ముగియ‌నున్న‌ద‌ట. క్లైమాక్స్‌లో అదే ట్విస్ట‌ని- అప్ప‌టి వ‌ర‌కూ ఓ క్యూట్‌ ల‌వ్ స్టోరీగా, స‌ర‌దా రోడ్ జ‌ర్నీగా సాగిన ‘ఐకాన్‌’ స‌డ‌న్‌గా విషాదంతమైపోతుంద‌ని తెలుస్తోంది. నిజానికి నిన్నా మొన్న‌టి వ‌ర‌కూ ఈ క్లైమాక్స్ విషయంలో చిత్ర‌బృందం త‌ర్జ‌న భ‌ర్జ‌న‌లు ప‌డింది. విషాదాంతాలు తెలుగు ప్రేక్ష‌కులు స్వీక‌రించ‌గ‌ల‌రా? లేదా? అని మ‌ల్ల‌గుల్లాలు ప‌డ్డారు. ‘జెర్సీ’ రిజ‌ల్ట్ ఈ చిత్ర‌బృందానికి కావ‌ల్సినంత బూస్ట‌ప్ ఇచ్చింది. జెర్సీ కూడా విషాదాంత‌మే. కానీ… దాన్ని ఓ హ్యూమ‌న్ ఎమోష‌న‌ల్ కోణంలో ముగించాడు. సేమ్ టూ సేమ్ అదే కోణంలో ‘ఐకాన్‌’ని ముగిస్తార‌ని, ఓ ఫీల్ గుడ్ ఎమోష‌న్ డ్రామాగా ‘ఐకాన్‌’ మిగ‌ల‌బోతోంద‌ని స‌మాచారం.
‘ఐకాన్‌’… విషాదాంత‌మా?
