వారికంటే అమిత్ షాయే నయం.. కెసిఆర్ ని కడిగేశారు

ఈరోజు తెలంగాణా విమోచన దినోత్సవ సందర్భంగా వరంగల్ జిల్లాలో హన్మకొండ వద్ద భాజపా బహిరంగ సభ నిర్వహించింది. భాజపా జాతీయ అధ్యక్షుడు అమిత్ షా తప్ప ఆ సభలో మాట్లాడిన తెలంగాణా రాష్ట్ర భాజపా నేతలు అందరూ కొత్తగా ఏమీ మాట్లాడలేకపోయారు.

ముస్లిం మైనార్టీ ఓట్లు పోతాయనే భయంతోనే తెరాస ప్రభుత్వం తెలంగాణా విమోచన దినోత్సవం జరపడానికి భయపడుతోందని అన్నారు. అంతకు ముందు సమైక్య రాష్ట్రాన్ని పాలించిన కాంగ్రెస్, తెదేపాలు కూడా ఆ కారణంతోనే తెలంగాణా విమోచన దినోత్సవం జరుపకుండా తప్పించుకోనేవని సభలో మాట్లాడిన డా.లక్ష్మణ్, కిషన్ రెడ్డి, మురళీధర్ రావు, బండారు దత్తాత్రేయ తదితరులు ఏకాభిప్రాయం వ్యక్తం చేశారు. జాతీయ దృక్పధంతో దేశహితం కోసం పనిచేసే భాజపాకి రాష్ట్రంలో అధికారం ఇస్తే తెలంగాణా విమోచన దినోత్సవం తప్పకుండా నిర్వహిస్తామని అన్నారు.

భాజపా జాతీయ అధ్యక్షుడు అమిత్ షా మాత్రం తెరాస సర్కార్ పై ఏమాత్రం మొహమాటం పడకుండా విరుచుకు పడ్డారు. తెలంగాణాకి పొరుగునే ఉన్న మహారాష్ట్ర, కర్నాటక రాష్ట్రాలు అధికారికంగా విమోచన దినోత్సవాన్ని నిర్వహిస్తున్నప్పుడు తెలంగాణా సర్కార్ ఎందుకు నిర్వహించడం లేదని ప్రశ్నించారు. తెలంగాణా గడ్డపై రుద్రమదేవి వంటి ఏందరో పరాక్రమవంతులు పుట్టారని, అటువంటి గడ్డపైనే అనేకమంది అమరవీరులు కూడా రజాకార్లకి వ్యతిరేకంగా ప్రాణాలొడ్డి పోరాడారని వారందరికీ నమస్కరిస్తున్నానని అన్నారు. వారి త్యాగాలకి గుర్తింపుగా వారిని గౌరవిస్తూ తెరాస సర్కార్ తెలంగాణా విమోచన దినోత్సవం జరపుతుందని తాను ఆశించానని కానీ నిర్వహించకపోవడంతో తాను చాలా నిరాశ చెందానని అన్నారు.

కెసిఆర్ తనని ఎన్నుకొన్న రాష్ట్ర ప్రజల అభిమతానికి అనుగుణంగా నడుచుకోవాలి తప్ప మజ్లీస్ పార్టీ కనుసైగలని బట్టి కాదని అమిత్ షా అన్నారు. ఎన్నికల సమయంలో రైతులకి పంట రుణాలు మాఫీ చేస్తానని కెసిఆర్ హామీ ఇచ్చారని దానిని ఎందుకు నిలుపుకోలేకపోయారని అమిత్ షా సూటిగా ప్రశ్నించారు. కెసిఆర్ తాను ఇచ్చిన హామీలని నిలబెట్టుకోలేకపోయినా కనీసం కేంద్రప్రభుత్వం అందిస్తున్న పంట భీమా పధకం అయినా తెలంగాణాలో రైతులకి ఎందుకు చేరడం లేదని ప్రశ్నించారు.

అమిత్ షా చాలా చక్కగానే తెరాస సర్కార్ ని నిలదీశారు. కానీ ఆయన తెరాసకి వ్యతిరేకంగా మాట్లాడుతుంటే, ప్రధాని నరేంద్ర మోడీతో సహా కేంద్రమంత్రులు తెరాస సర్కార్ కి చాలా అనుకూలంగా మాట్లాడుతుంటారు. ఈ ద్వంద వైఖరి వలన రాష్ట్ర భాజపా నేతలు తెరాసతో ఏవిధంగా వ్యవహరించాలో తెలియని అయోమాయ స్థితిలో ఉంటున్నారు. కనుక ముందుగా తెరాస పట్ల తమ పార్టీ వైఖరి ఏమిటి? అనే దానిపై వారు స్పష్టత ఏర్పరచుకోగలిగితే, తెలంగాణాలో భాజపా పరిస్థితి, దాని భవిష్యత్ ఏవిధంగా ఉంటుందో కొంత స్పష్టత వస్తుంది. లేకుంటే ఈ ద్వంద వైఖరి వలన ప్రజలకి తప్పుడు సంకేతాలు పంపినట్లు అవుతుంది. దాని వలన చివరికి భాజపాయే నష్టపోతుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేరళ ఎయిర్‌పోర్టులో విమానం రెండు ముక్కలు..!

కేరళలోని కోజికోడ్ ఎయిర్ పోర్టులో ల్యాండింగ్ సమయంలో..విమానం స్కిడ్ అయి రెండు ముక్కలు అయింది. ఓ ముక్క చాలా దూరంగా పడిపోయింది. మరో ముక్క రన్ వే పై ఉండిపోయింది....

రికవరీ తక్కువ.. మృతులు ఎక్కువ..! ఏపీలో “డెడ్లీ” కరోనా..!

ఏపీలో కరోనా మరణాల సంఖ్య అంతకంతకూ పెరుగుతోంది. గడచిన 24 గంటల్లో కరోనాతో 89 మంది చనిపోయారు. కేసులు కూడా.. మరోసారి పదివేలకు పైగా నమోదయ్యాయ. దీంతో ఏపీలో కరోనా బారిన...

మూడు నెలల్లో కొత్త జిల్లాల విభజన సిఫార్సులు..!

మూడు నెలల తర్వాత ఆంధ్రప్రదేశ్‌లో కొత్త జిల్లాల సందడి ప్రారంభమవనుంది. గత కేబినెట్‌లో తీసుకున్న నిర్ణయం మేరకు..రాష్ట్రంలో కొత్త జిల్లాలను ఏర్పాటు చేసేందుకు అధ్యయన కమిటీని ఏర్పాటు చేస్తూ ఏపీ సర్కార్ ఆదేశాలు...

జేసీ ప్రభాకర్ రెడ్డి అండ్ సన్ మళ్లీ అరెస్ట్..!

గురువారం సాయంత్రమే కడప జిల్లా జైలు నుంచి విడుదలైన జేసీ ప్రభాకర్ రెడ్డి, ఆయన కుమారుడు అస్మిత్ రెడ్డిలను పోలీసులు మళ్లీ అరెస్ట్ చేశారు. పాత కేసులేవీ అరెస్ట్ చేయడానికి లేకపోవడంతో... ...

HOT NEWS

[X] Close
[X] Close