చైతన్య : నగదు బదిలీతో అభివృద్ధి ఎలా సాధ్యం..!?

కొత్త ప్రభుత్వం పూర్తి స్థాయి బడ్జెట్‌ను ప్రవేశపెట్టేందుకు రంగం సిద్ధం చేసుకుంది. అయితే ప్రభుత్వం ముందు ఎన్నో సవాళ్లు కనిపిస్తున్నాయి. కేంద్రం నుంచి పన్నుల్లో వాటా తప్పిదే రూపాయి కూడా అదనంగా వచ్చే అవకాశం లేదు. ప్రత్యేకహోదా ఊసు లేదు. అమరావతి ఆలోచన లేదు కానీ… గుజరాత్‌లోని గిఫ్ట్ సిటీకి మాత్రం… పదేళ్ల పన్ను మినహాయింపు ఇచ్చారు.

కేంద్రం నుంచి సాయం పొందలేకపోయిన ఏపీ సీఎం..!

ప్రతిపక్షంలో ఉన్నప్పుడు.. జగన్మోహన్ రెడ్డి ప్రత్యేకహోదా కోసం.. పోరాటం చేశారు. ఆ సమయంలో.. ప్రత్యేకహోదా వస్తే.. ఏపీకి ఎన్నెన్ని ప్రయోజనాలు వస్తాయో… సందర్భం ఉన్నచోటల్లా ఏకరవు పెట్టారు. జీఎస్టీ, ఇన్‌కంట్యాక్స్ సహా.. ఎన్నో పన్ను మినహాయింపులొస్తాయన్నారు. అయితే… కేంద్రం మాత్రం ఆ హోదా ఇచ్చే ప్రశ్నే లేదని.. సూటిగా .. సుత్తి లేకుండా అడిగినప్పుడల్లా చెబుతోంది. అయితే. బడ్జెట్‌లో మాత్రం… పన్ను మినహాయింపులు ప్రకటించారు. కానీ… అది ఏపీకి కాదు.. పునాదులు పడిన అమరావతికి కాదు. గుజరాత్‌లో ప్రతిష్టాత్మకంగా నిర్వహిస్తున్న గిఫ్ట్‌ సిటీకి. లక్షల కోట్ల వ్యయంతో.. వ్యాపార, పారిశ్రామిక, నివాస నగరంగా తీర్చిదిద్దుతున్న గిఫ్ట్ సిటీలో పెట్టుబడులు పెట్టే వారికి పదేళ్లు పాటు.. పన్ను మినహాయింపులు ప్రకటించింది కేంద్రం. దీంతో.. ఏపీ సర్కార్ షాక్ అవ్వాల్సి వచ్చింది

అపరిమితంగా ప్రణాళికేతర వ్యయం..! ఇక అభివృద్ధి ఎలా..?

ఆంధ్రప్రదేశ్ ప్రభుత్వ మొదటి ప్రాధాన్యతగా.. నవరత్నాల హామీలను అమలు చేయాలని నిర్ణయించుకుంది. వీటికే.. కనీసం 60 వేల కోట్ల రూపాయలు కేటాయించాల్సి ఉంది. ఇక ఉద్యోగుల జీతభత్యాలతో పాటు ఇతర హామీలనూ నెరవేర్చాల్సి ఉంటుంది. వీటన్నింటికి ప్రస్తుతం ఏపీ ఆదాయం సరిపోదు. ఇక పోలవరం సహా.. ప్రధాన ప్రాజెక్టులకు… ఏపీ సర్కార్ అత్యధిక ప్రాధాన్యం ఇవ్వాల్సి ఉంది. సంక్షేమం, అభివృద్ధి మధ్య.. సమతూకం లేకపోతే.. రాష్ట్ర అభివృద్ధిపై తీవ్ర ప్రభావం చూపుతుంది. సంక్షేమ పథకాల ఖర్చు ప్రణాళికేతర వ్యయం కిందకు వస్తుంది. ఇది ఎంత ఎక్కువైతే.. అభివృద్ధి పనులపై అంత ప్రభావం పడుతుంది. అలా పడకుండా ఉండాలంటే.. ప్రణాళికా వ్యయం కూడా… సంక్షేమానికి కేటాయించినంతగా నిధులు కేటాయించాల్సి ఉంటుంది. అయితే.. ఇప్పుడు అన్ని నిధుల లభ్యత రాష్ట్ర ప్రభుత్వం వద్దు లేదు. అందుకే ప్రణాళికేతర వ్యయాన్ని ప్రణాళికా వ్యయంగా చూపించేందుకు రంగం సిద్ధం చేసుకుంటున్నారు. ఆర్థిక మంత్రి బుగ్గన.. అమ్మఒడి, ఆరోగ్యశ్రీ పథకాలకు వెచ్చించే నిధులను.. పెట్టుబడిగా చూడాలంటున్నారు.

ఆదాయాన్ని పెంచుకోకపోతే ఏపీకి గడ్డు పరిస్థితే..!

ఇప్పుడున్న పరిస్థితుల్లో.. రాష్ట్ర ఆదాయం పెంచుకోవడానికి ప్రభుత్వం విప్లవాత్మక చర్యలు చేపట్టాల్సి ఉంది. అలా చేసినప్పుడే.. సంక్షేమ పథకాల అమలుకు అవసరమైన నిధులు సేకరించుకోగలగుతారు. అప్పులు తీసుకొచ్చి.. సంక్షేమ పథకాలు అమలు చేస్తే.. సంపద పెరగదు.. అప్పు పెరుగుతుంది. అది గుదిబండగా మారుతుంది. ఈ విషయం ఆర్థిక మంత్రికి తెలియనిది కాదు. ఆదాయాన్ని పెంచుకునేందుకు చేయాల్సిన ప్రణాళికా వ్యయం చేయాలి. లేకపోతే..ఏపీ ఆర్థిక పరిస్థితి మరింత దిగజారిపోతుంది. దివాలా స్థితికి చేరుతుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ విషయంలో విచారణకు ఆదేశించిన నిమ్మగడ్డ..!

స్టేట్ ఎలక్షన్ కమిషన్ కార్యాలయంలో చేసిన వాస్తు మార్పులపై ఎస్ఈసీ నిమ్మగడ్డ రమేష్‌కుమార్ సీరియస్ అయ్యారు. ఎవరు చెబితే ఆ మార్పులు చేశారో తనకు తెలియాలంటూ..విచారణకు ఆదేశించారు. నిమ్మగడ్డ తన ఆఫీసులో జరిగిన...

అమరావతిని కొనసాగిస్తే పదవుల్ని ఇచ్చేస్తాం..! జగన్‌గు చంద్రబాబు ఆఫర్..!

అమరావతిని ఏకైక రాజధాని కొనసాగిస్తూ... ప్రభుత్వం నిర్ణయం తీసుకుంటే... తెలుగుదేశం పార్టీ ఎమ్మెల్యేలు, ఎమ్మెల్సీలు తమ పదవులను వదిలేస్తామని ప్రతిపక్ష నేత చంద్రబాబునాయుడు.. ముఖ్యమంత్రి జగన్‌కు బంపర్ ఆఫర్ ఇచ్చారు. ఎన్నికలకు ముందు...

జేసీ ప్రభాకర్ రెడ్డికి ఎట్టకేలకు బెయిల్..!

జేసీ ప్రభాకర్ రెడ్డి, ఆయన కుమారుడు అస్మిత్ రెడ్డికి ఎట్టకేలకు బెయిల్ లభించింది. అచ్చెన్నాయుడుని అరెస్ట్ చేసిన తర్వాతి రోజే...అంటే జూన్ 13న హైదరాబాద్‌లో వారిని అరెస్టు చేసిన పోలీసులు అనంతపురంకు తరలించారు....
video

క‌ల‌ర్ ఫొటో టీజ‌ర్‌: బ్లాక్ అండ్ వైట్ కాంబో

https://www.youtube.com/watch?v=T-R3h9va2j4&feature=emb_title ప్రేమ గుడ్డిది. చెవిటిది. మూగ‌ది కూడా. దానికి ప్రేమించ‌డం త‌ప్ప బేధాలు తెలీవు. న‌ల్ల‌ని అబ్బాయి.. తెల్ల‌ని అమ్మాయి ప్రేమించుకోవ‌డం కూడా వింతేం కాదు. కానీ.. మ‌ధ్య‌లోకి ఓ పులి వ‌చ్చింది....

HOT NEWS

[X] Close
[X] Close