టీడీపీ టార్గెట్‌గా సుజనా, సీఎం రమేష్ ఆపరేషన్..!

తెలుగుదేశం పార్టీ నుంచి బీజేపీలో చేరిన చంద్రబాబు ఆంతరంగీకులు సుజనా చౌదరి, సీఎం రమేష్.. తమ మాతృపార్టీ మీద ఏ మాత్రం సానుభూతితో లేరు. టీడీపీ అధినేత చంద్రబాబు విషయంలోనూ.. వారు ఏమంత సానుకూలంగా లేరు. ఇప్పుడు పార్టీ మారిపోయాం కాబట్టి.. టీడీపీని అంతం చేయాలన్న పట్టుదలతో వారు ఉన్నారని… టీడీపీ నేతలకు అర్థమైపోతోంది. ఏపీలో బీజేపీని ఎలా బలోపేతం చేయాలి.. ఎవరెవర్ని.. ఏ కోణంలో.. అడిగితే.. బీజేపీలో చేరుతారు.. అన్న అంశాలపై వారు ఇప్పటికే.. ఓ వైట్ పేపర్ రెడీ చేసుకుని దాని ప్రకారం ఫాలో అయిపోతున్నారు. ఆ పరిణామమే… ఎమ్మెల్సీ అన్నం సతీష్ ప్రభాకర్ రాజీనామా.

తెలుగుదేశం పార్టీలో వ్యవహారాలన్నీ… సీఎం రమేష్, సుజనా చౌదరి చేతుల మీదుగానే నడిచారు. టీడీపీలో ఇద్దరికీ ఆధిపత్య పోరాటం ఉండేది. ఒకరంటే.. ఒకరికి పడేది కాదు. అందుకే.. చంద్రబాబు జోక్యం చేసుకోలేని పార్టీ వ్యవహారాలు వారికి అప్పగించేవారు. అయితే.. ఇప్పుడు వారు బీజేపీలో చేరిన తర్వాత మాత్రం పరిస్థితి మారిపోయింది. వారు కలిసి మెలిసి.. తమ మాతృపార్టీపై దండెత్తుతున్నారు. టీడీపీలో ప్రతి నియోజకవర్గ స్థాయి నేతతోనూ వారికి పరిచయాలున్నాయి. ఒట్టి పరిచయం మాత్రమే కాదు… పార్టీ హైకమాండ్ అంటే.. చాలా మందికి వారే. వారు చెబితే.. పదవులు వస్తాయి.. లేకపోతే లేదు. అలాంటి వారు ఇప్పుడు.. బీజేపీలో చేరి… మంచి పదవులు వస్తాయి.. వచ్చేయండని పిలుపునిస్తున్నారు. టీడీపీలో హైకమాండ్‌తో అంత సన్నిహిత సంబంధాలు లేక.. నియోజకవర్గాల్లో పోటీ నాయకత్వం ఉండటంతో… గాడ్‌ఫాదర్‌గా చూసుకుంటారన్న నమ్మకంతో.. సుజనా చౌదరి, సీఎం రమేష్‌ల వైపు వెళ్లేందుకు కొంత మంది సిద్ధమవుతున్నారు.

నిజానికి రాజ్యసభ ఎంపీలు.. తమ ఆర్థిక అవకతవకల విషయంలో కేంద్రం చూసీచూడనట్లు ఉంటుందన్న ఉద్దేశంతో బీజేపీలో చేరారన్న ప్రచారం జరిగింది. అయితే.. ఆ కారణంతో చేరినప్పటికీ.. టీడీపీపై ఇక లైట్‌గా ఉండాల్సిన అవసరం లేదని.. బీజేపీతోనే… సీరియస్‌గా కొనసాగాలని… టీడీపీకి ప్రత్యామ్నాయంగా తీర్చిదిద్దాలని నిర్ణయించుకున్నారు. అందుకే.. టీటీడీ క్యాడర్‌లో తమకు పరిచయం ఉన్న వారందర్నీ… బీజేపీలో చేర్పిస్తున్నారు. ముందు ముందు.. ఇది మరింత ఉద్ధృతంగా సాగే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఒలింపిక్స్ : కమల్ ప్రీత్‌కు నిరాశ…ఆరో స్థానంతో సరి..!

ఒలింపిక్స్‌లో కమల్ ప్రీత్ కౌర్ పతకం సాధిస్తుందని ఆశపడిన భారతీయులకు నిరాశే ఎదురయింది. డిస్కస్ త్రో ఫైనల్స్‌కు క్వాలిఫై అయ్యే ప్రయత్నంలో.. రెండో స్థానంలో నిలిచి... పతకం సాధిస్తుందని అనుకున్నా.. చివరికి...

స్టీల్‌ప్లాంట్‌ను అమ్మనీయరట విజయసాయిరెడ్డి..!

విశాఖ స్టీల్ ప్లాంట్‌ను ప్రైవేటు పరం కానివ్వబోమని వైసీపీ పార్లమెంటరీ పార్టీ నేత విజయసాయిరెడ్డి ప్రకటించారు . దాని కోసం ఆయన పార్లమెంట్‌ను స్తంభింపచేస్తారా.. ప్రభుత్వంపై అవిశ్వాస తీర్మానం పెడతారా.. రాజ్యసభలో ...

సంజయ్ పాదయాత్ర ఔట్.. కిషన్ రెడ్డి ఆశీర్వాద్ యాత్ర ఇన్..!

తెలంగాణ బీజేపీలో జరుగుతన్న వర్గ పోరులో కిషన్ రెడ్డిదే పైచేయి అయింది. ఆయన జన ఆశీర్వాద్ యాత్ర చేపట్టాలని నిర్ణయించుకోవడంతో .. తెలంగాణ బీజేపీ అధ్యక్షుడు బండి సంజయ్ చేయాలని తలపెట్టిన పాదయాత్రను...

అమలు చేస్తామని నమ్మించడమే ఇప్పుడు కేసీఆర్ అసలు టాస్క్..!?

తెలంగాణ సీఎం కేసీఆర్ ప్రస్తుతం తన చిత్తశుద్ధిని నిరూపించకునే పనిలో బిజీగా ఉన్నారు. ఓట్ల కోసం ఆయన ఎన్నెన్నో చెబుతూ ఉంటారని కానీ ఆయన వాస్తవానికి ఏమీ చేయరని హుజూరాబాద్‌లో అదే పనిగా...

HOT NEWS

[X] Close
[X] Close