డీఎల్‌తో ఆనం చర్చలు..! వైసీపీలోకి ఆహ్వనించారా..?

వైసీపీలో చేరిన నెల్లూరు నేత ఆనం రామనారాయణరెడ్డి…మరికొంత మంది కాంగ్రెస్ సీనియర్లను పార్టీలో చేర్చే ప్రయత్నం చేస్తున్నారా..? ప్రస్తుతం ఆయన వేస్తున్న అడుగులు చూస్తూంటే.. అదే నిజం అనుకోవాలి. హఠాత్తుగా మైదుకూరు వెళ్లిన ఆనం రామనారాయణరెడ్డి… మాజీ మంత్రి డీఎల్ రవీంద్రారెడ్డితో సమావేశమయ్యారు. ఖాజీపేటలోని స్వగృహంలో డీఎల్ తో చర్చలు జరిపారు. చర్చల సారాంశం ఏమిటో బయటకు రాకపోయినా… ఆనం..డీఎల్ ను.. వైసీపీలోకి ఆహ్వానించారన్న ప్రచారం జరుగుతోంది. అయితే ఆనం.. వైసీపీ అగ్రనేతల సూచనల మేరకే… డీఎల్ ఇంటికి వెళ్లారా..? లేక సొంతంగానే బాధ్యత తీసుకన్నారా..? అన్నదానిపై క్లారిటీ లేదు.

డీఎల్ రవీంద్రారెడ్డి.. గత ఎన్నికల్లో పోటీ చేయలేదు. అప్పటి నుంచి ఆయన ప్రత్యక్ష రాజకీయాలకు దూరంగా ఉంటున్నారు. మధ్య మధ్యలో టీడీపీలో చేరుతారని కొన్ని సార్లు.. వైసీపీలో చేరుతారని మరికొన్ని సార్లు ప్రచారం జరిగింది. స్థానిక సంస్థల ఎమ్మెల్సీ ఎన్నికల్లో.. ఆయన వైఎస్ఆర్ కాంగ్రెస్ పార్టీ అభ్యర్థి జగన్ బాబాయ్ వైఎస్ వివేకాకు మద్దతు తెలిపారు. ఆయన వర్గానికి చెందిన స్థానిక సంస్థల ఓట్లు వివేకాకు వేయించారు. ఆ తర్వాత టీడీపీకి దగ్గరయినట్లు ప్రచారం జరిగింది. డీఎల్ రవింద్రారెడ్డికి మైదుకూరు టిక్కెట్ ఇచ్చేందుకే.. ప్రస్తుతం అక్కడ టీడీపీ ఇన్చార్జ్ గా ఉన్న పుట్టా సుధాకర్ యాదవ్ కు టీటీడీ చైర్మన్ గా పదవి ఇచ్చారని గతంలో టీడీపీలో చెప్పుకున్నారు. ఆ సమయంలోనే డీఎల్ ఎప్పుడైనా టీడీపీలో చేరవచ్చనుకున్నారు. కానీ ఆయన వైపు నుంచి ఎలాంటి స్పందనా లేదు. మరో వైపు పుట్టా సుధాఖర్ యాదవ్ మాత్రం టీటీడీ చైర్మన్ పోస్ట్ ఇచ్చినా మైదుకూరు నుంచి తానే పోటీ చేస్తానని చెబుతున్నారు. గత ఎన్నికల్లో మైదుకూరు నుంచి పోటీ చేసి సుధాకర్ యాదవ్.. వైసీపీ అభ్యర్థి రఘురామిరెడ్డి చేతిలో ఓడిపోయారు. ఈయన మంత్రి యనమల రామకృష్ణుడు వియ్యంకుడు కూడా.

ప్రస్తుతం మైదుకూరులో వైసీపీ ఎమ్మెల్యేగా రఘురామిరెడ్డి ఉన్నారు. ఒక వేళ డీఎల్ వైసీపీలో చేరిన టిక్కెట్ ఇస్తారా లేదా అన్నది సందేహమే. డీఎల్ రవీంద్రారెడ్డి వచ్చే ఎన్నికల్లో పోటీ చేయాలనే ఆలోచనలో ఉన్నారని ఆయన అనుచర వర్గాలు చెబుతున్నాయి. వైసీపీ ఎమ్మెల్యే రఘురామిరెడ్డి సుదీర్ఘ కాలం టీడీపీలో ఉన్నారు. గత ఎన్నికలకు ముందే వైసీపీలో చేరి ఆ పార్టీ తరపున ఎన్నికయ్యారు. అందుకే తరచూ ఆయన టీడీపీలో చేరబోతున్నారని ప్రచారం జరుగుతూ ఉంటుంది. ఇప్పుడు ఆనం తో డీఎల్ చర్చల తర్వాత మైదుకూరు నియోజకవర్గంలో రాజకీయ సమీకరణాలు మారే అవకాశం కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close