ఆంధ్రజ్యోతి అతి: పాక్ ప్రధాని ని బాలయ్య ఫ్యాన్స్ భయపెడుతున్నారట

తెలుగు పత్రికల జర్నలిజం విలువలు నానాటికి తీసికట్టుగా మారుతున్నాయి. వైఎస్ఆర్ సీపీ అధ్యక్షుడు నడిపే సాక్షి పత్రిక, తెలుగుదేశం పార్టీ కరపత్రంలా మారిన ఆంధ్రజ్యోతి పత్రిక సొంత రాజకీయ పార్టీలకు భజన చేసే విషయంలో పోటీ పడుతున్నాయి. అలా పోటీపడే క్రమంలో కొన్నిసార్లు తన పైత్యాన్ని ప్రదర్శించే కథనాల ని వెలువరుస్తున్నాయి.

పుల్వామాలో జరిగిన ఉగ్రదాడిలో 40మందికి పైగా సీఆర్‌పీఎఫ్ జవాన్లు మరణించిన సంగతి తెలిసిందే. ఈ ఘటనతో దేశవ్యాప్తంగా పాక్‌కు వ్యతిరేకంగా నిరసనలు మిన్నంటాయి. ఈ క్రమంలో నెటిజన్లు కూడా సోషల్ మీడియా వేదికగా పాకిస్తాన్ పై తమ అభిప్రాయాలను వెలువరుస్తున్నారు. దేశవ్యాప్తంగా అన్ని రాష్ట్రాల, అన్ని ప్రాంతాల ప్రజలు పాకిస్తాన్ చర్యను తూర్పారబడుతున్నారు. అయితే ఈ నిరసనల వార్తను ప్రచురించే క్రమంలో కూడా ఆంధ్రజ్యోతి తన సహజ పైత్యాన్ని ప్రదర్శించింది. బాలకృష్ణ అభిమానులు పాకిస్తాన్ ప్రధాని ని భయపెడుతున్నారు అంటూ ఒక కథనాన్ని ప్రచురించింది. ‘మీ దేశాన్ని ముగించడానికి బాలయ్య బాబు చాలు.. బాంబులతో కాదు రా కంటి చూపుతో చంపేస్తాడు’ అంటూ బాలకృష్ణ అభిమానులు ఇమ్రాన్ ఖాన్ ఇంస్టాగ్రామ్ లో కామెంట్లు పెడుతున్నారని వార్త రాస్తూ బాలకృష్ణ అభిమానులు ఏకంగా పాకిస్తాన్ ప్రధాని ని భయపెడుతున్నారు అని వ్రాసుకొచ్చింది. కనీసం ఆర్మీ కి సంబంధించిన వార్తలను ప్రజెంట్ చేసేటప్పుడు అయినా తమ సొంత పార్టీ కి, తమ పార్టీ నాయకులకు భజన చేసే ప్రోగ్రామ్స్ ని పక్కన పెట్టి నిజాయితీగా రాస్తే బాగుంటుందని పాఠకుల అభిప్రాయం.

అదే సమయంలో, ఇంత సీరియస్ ఇష్యూ జరుగుతున్న సమయంలో, సైనికులు ప్రాణాలు అర్పిస్తున్న సమయంలో, బాలకృష్ణ డైలాగులను, సినిమా డైలాగ్ లను ఉటంకిస్తూ సోషల్ మీడియాలో కామెంట్ చేసే వారిని కూడా నెటిజన్లు మందలిస్తున్నారు. సోషల్ మీడియాలో సినిమాల విడుదల సందర్భంగా ఫ్యాన్స్, యాంటీ ఫ్యాన్స్ ఒకరినొకరు ట్రోలింగ్ చేసుకోవడం మామూలే. కొన్నిసార్లు అవతలి హీరోల డైలాగులు అసందర్భంగా వాడి ఆయా హీరోలకు డామేజ్ చేసేలా యాంటీ ఫ్యాన్స్ చేయడం కూడా సోషల్ మీడియాలో రెగ్యులర్ గా జరిగేదే. అయితే, కనీసం దేశ భద్రతకు సంబంధించిన ఇలాంటి విషయాల్లో నైనా ఇలాంటి ట్రోలింగ్స్ చేయకపోవడం మంచిది అని మిగతా నెటిజన్లు వీరిని మందలిస్తున్నారు.

అయితే, సోషల్ మీడియాలో జరిగే ఈ రచ్చ ని అర్థం చేసుకోవడం రాక ఆంధ్రజ్యోతి, బాలయ్య అభిమానులు ఏకంగా పాకిస్తాన్ ప్రధానిని భయపెడుతున్నారు అంటూ కథనాన్ని రాసుకొచ్చింది. దేశ భద్రతకు సంబంధించిన వార్తలను ప్రజెంట్ చేసేటప్పుడు కూడా, తమ పైత్యాన్ని ప్రదర్శించడం ఆంధ్రజ్యోతి’ ని విమర్శల పాలు చేస్తోంది.

– జురాన్

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రాజకీయ వ్యూహాల్లో జగనన్న అడుగుజాడల్లో షర్మిల..!

తెలంగాణ రాజకీయ పార్టీ పెట్టి ముఖ్యమంత్రి పీఠంపై కూర్చోవాలన్న లక్ష్యంతో ఉన్న వైఎస్ షర్మిల.. రాజకీయ అడుగుజాడలు మొత్తం అన్న జగన్మోహన్ రెడ్డి నే కాపీ కొడుతున్నారు. జగన్మోహన్ రెడ్డి రాజకీయాల స్టైల్‌లో...

బండి సంజయ్‌కు కేటీఆర్ ఫైనల్ వార్నింగ్..!

తెలంగాణ మంత్రి కేసీఆర్‌కు కోపం వచ్చింది. తన తండ్రి కేసీఆర్ హోదా, వయసును కూడా పరిగణనలోకి తీసుకోకుండా విపక్ష నేతలు ఇష్టం వచ్చినట్లుగా మాట్లాతున్నారంటూ వరంగల్‌లో ఆయన ఫైరయ్యారు.  ఇదే చివరి వార్నింగ్...

సాగర్‌లో కేసీఆర్ సభ ఉంటుందా..?

నాగార్జున సాగర్‌లో గెలవడానికి గతంలో చేసిన తప్పులు చేయకూడదని అనుకుంటున్న కేసీఆర్... బహిరంగసభ పెట్టి ప్రచారం చేయాలని అనుకుంటున్నారు. షెడ్యూల్ కూడా ఖరారు చేసుకున్నారు. పధ్నాలుగో తేదీన సభ నిర్వహణకు ఏర్పాట్లు కూడా...

క్రైమ్ : హోంగార్డు భార్య మర్డర్ “మిస్‌ఫైర్”

చేతిలో తుపాకీ ఉంది. ఎదురుగా చంపేయాలన్నంత కోపం తెప్పించిన భార్య ఉంది. అంతే ఆ ఆ పోలీసు ఏ మాత్రం ఆలోచించలేదు. కాల్చేశాడు. తర్వాత పోలీస్ బుర్రతోనే ఆలోచించారు. తుపాకీ మిస్ ఫైర్...

HOT NEWS

[X] Close
[X] Close