మ‌ల‌యాళ సూప‌ర్ హిట్ సినిమా `లూసీఫర్`ని తెలుగులో రీమేక్ చేయాల‌ని చిరంజీవి భావిస్తున్న సంగ‌తి తెలిసిందే. అయితే.. ఈ క‌థ‌ని తీర్చిదిద్ద‌గ‌ల ద‌ర్శ‌కుడు ఇంకా దొర‌క‌లేదు. ముందుగా సుజిత్ ని అనుకున్నారు. ఆ త‌ర‌వాత వినాయ‌క్ వ‌చ్చాడు. వినాయ‌క్ కూడా కొన్ని కార‌ణాల వ‌ల్ల ఈ సినిమా నుంచి త‌ప్పుకున్నాడు. హరీష్ శంక‌ర్ పేరు వినిపించినా, ఈ సినిమా చేయ‌డానికి హరీష్ సుముఖంగా లేడ‌ని తెలుస్తోంది.
ఇప్పుడు `లూసీఫర్` రేసులో మరో ద‌ర్శ‌కుడు వ‌చ్చి చేరాడు. త‌నే మోహ‌న్ రాజా. ధృవ సినిమాకి మాతృక అయిన `త‌ని ఒరువన్`కి ఆయ‌నే ద‌ర్శ‌కుడు. ఇప్పుడు `త‌ని ఒరువన్ 2` తెర‌కెక్కిస్తున్నారు. మోహ‌న్ రాజా.. ఎడిట‌ర్‌రాజా వాళ్ల అబ్బాయి. ఎడిట‌ర్ రాజాకీ చిరంజీవికి మంచి అనుబంధం ఉంది. తెలుగులో ఓసినిమా చేయాల‌ని మోహ‌న్ రాజా కూడా ఎప్ప‌టి నుంచో వెయిటింగ్. చిరుతో సినిమా చేసే అవ‌కాశం వ‌స్తే.. త‌ను క‌చ్చితంగా వ‌దులుకోడు. ప్ర‌స్తుతం మోహ‌న్ రాజాతో సంప్ర‌దింపులు జ‌రుగుతున్నాయ‌ని తెలుస్తోంది. అతి త్వ‌ర‌లో ఈ వ్య‌వ‌హారం ఓ కొలిక్కి వ‌చ్చే అవ‌కాశం వుంది.
