చైతన్య : తమ వేళ్లతో తమ కన్నులు పొడుచుకునేవారే ఆంధ్రులు..!

హైదరాబాద్ ముస్లింలదని ఎవరైనా అనుకుంటారా..? అక్కడ అభివృద్ధి జరిగితే.. వారే బాగుపడతారని ఎవరైనా అనుకుంటారా..? బెంగళూరు… ఒకే వర్గానిదని ఎవరైనా అనుకుంటారా..? నిజానికి.. బెంగళూరులో ఆంధ్రులే ఎక్కువ. చెన్నై కూడా అంతే. ఆ మాటకొస్తే రాజధానులన్నీ అంతే. ఎవరూ.. ఏ ఒక్కరూ… అది ఒక్కరికే పరిమితమని అనుకోరు. కానీ.. ఏపీలో మాత్రం… ఏపీ రాజదాని ఒక్క సామాజికవర్గానిదే అనుకుంటున్నారు. అందుకే.. అందరూ అభివృద్ధి చెందుతూ ఉంటే.. ఏపీ వాళ్లు మాత్రం.. సామాజికవర్గాల పేరుతో.. అడుగుకు దిగిపోతున్నారు. ఈ పతనం ఎంత వరకూ ఉంటుందో ఊహించలేం.

అమరావతి ఒక్క సామాజికవర్గానిదేనా…?

ఆంధ్రప్రదేశ్‌లో ఒక్కో చోట ఒక్కో సామాజికవర్గం అధికంగా ఉంటారు. రాయలసీమలో రెడ్లు, కోస్తాలో కమ్మలు, ఉత్తరాంధ్రలో బీసీలు… అన్ని చోట్ల.. దళితులు ఉంటారు. ఇది కామన్.. రాజధానిని అమరావతిలో పెట్టాలనుకున్నప్పుడు… ముఖ్యమంత్రి కమ్మ సామాజికవర్గానికి చెందిన వ్యక్తి కాబట్టి.. అక్కడ కమ్మలు ఎక్కువగా ఉంటారు కాబట్టే ఆ నిర్ణయం తీసుకున్నారని చెప్పుకున్నారు. కానీ.. ఏ విధంగా చూసినా.. అప్పటికే విజయవాడ… వాణిజ్య కేంద్రంగా ఉంది. మరి రాజధానిగా.. అక్కడ కాక ఇంకెక్కడ పెట్టినా… పనులు జరగవని అందరికీ తెలుసు., అయినప్పటికీ.. అమరావతిపై సామాజిక ముద్ర వేసేశారు. మెజార్టీ ప్రజలు గుడ్డిగా నమ్మేశారు. ఇప్పటికీ అదే జరుగుతోంది.

రాజధాని భూములు ఏ సామాజికవర్గం వారిలో బయట పెట్టలేరా..?

ఆంధ్రప్రదేశ్ రాజధాని అమరావతి విషయంలో.. ప్రతిపక్షంగా ఉన్నప్పటి నుంచి వైఎస్ఆర్ కాంగ్రెస్ వ్యతిరేకతోనే ఉంది. అమరావతిలో లెక్కలేనంత అవినీతి జరిగిందని ఆరోపించారు. అధికారంలోకి రాగానే మొత్తం బయట పెడతామని ప్రకటించింది. దానికి తగ్గట్లుగానే వైసీపీ అధికారంలోకి రాగానే.. కార్యాచరణ ప్రారంభించిది. కమిటీలు..సబ్ కమిటీలు నియమించింది. ప్రతిపక్షంలో ఉన్నప్పుడు.. జగన్ మీడియాలో.. టీడీపీ నేతలు… 35వేల ఎకరాలు కబ్జా చేశారని.. కథనాలు ప్రసారం చేశారు. సీబీఐ విచారణకు అసెంబ్లీలో డిమాండ్ చేశారు. అప్పుడు జగన్ మీడియా ఏ ఆధారాలతో కథనాలు రాసిందో కానీ ఇప్పుడు అధికారికంగా ఆ మాత్రం సమాచారం బయట పెట్టలేకపోతోంది. కానీ అప్పటి ఆరోపణలు మాత్రం ఇప్పటికీ కొనసాగుతూనే ఉన్నాయి. అమరావతిలో 80 శాతం భూములు ఒకే సామాజికవర్గం వారివని.. ప్రచారం చేస్తున్నారు. కానీ వివరాలు బయట పెట్టడం లేదు. ఎన్నికలకు ముందు డీఎస్పీలందరూ కమ్మోళ్లే అనిప్రచారం చేశారు. ఇప్పటికీ ఆ వివరాలు చెప్పడం లేదు. అంతా.. ఆ తరహా ప్రచారమే..

అమరావతి అభివృద్ధి ఏపీ అభివృద్ధి కాదా..?

రాజధాని విషయంలో… ఇన్‌సైడర్ ట్రేడింగ్ అంటూ.. ఏదైనా ఆధారం ఉంటే.. ఏపీ సర్కార్ ఇప్పటి వరకూ ఆగేది కాదని.. సీఎంగా జగన్మోహన్ రెడ్డి బాధ్యతలు చేపట్టినప్పడి నుండి జరుగుతున్న పరిణామాలు చూస్తే.. ఎవరికైనా అర్థమైపోతుంది. అయినప్పటికీ.. అమరావతిపై ఈ తరహా ప్రచారం ఎందుకు జరుగుతోందన్నది చాలా మందికి అంతుచిక్కని విషయంగా మారింది. రూపాయి ఖర్చు లేకుండా 33వేల ఎకరాలు భూసమీకరణ జరిపిన ప్రాజెక్ట్ గా ప్రపంచంలోనే చర్చనీయాంశమైన అమరావతి సెల్ఫ్ ఫైనాన్సింగ్ ప్రాజెక్ట్ అని.. గత ప్రభుత్వం ప్రకటించింది. ఒక్క రూపాయి ఖర్చు పెట్టాల్సిన అవసరం లేదని.. పైగా.. అమరావతి ఏపీకి అతి పెద్ద ఆస్తిగా మారుతుందని చెబుతున్నారు. అయినప్పటికీ.. ఏపీ సర్కార్.. అమరావతి విషయంలో.. నెగెటివ్ భావనతోనే ఉంది. కారణం.. అమరావతిని అభివృద్ధి చేస్తే ఒక్క సామాజికవర్గమే బాగుపడుతుందన్న అభిప్రాయమే. దీన్ని ప్రజలు నమ్మేలా చేసి.. ఏపీ ప్రజల కన్నును.. ఏపీ ప్రజల వేళ్లతోనే పొడుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పార్టీ వేరు.. ప్రభుత్వం వేరంటున్న ఆర్ఆర్ఆర్..!

నర్సాపురం ఎంపీ రఘురామకృష్ణంరాజు.. కేంద్ర రక్షణ శాఖ మంత్రి రాజ్‌నాథ్ సింగ్‌తో విందు భేటీ నిర్వహించారు. ఆయన రాజకీయం కొద్ది రోజులుగా బీజేపీ చుట్టూనే తిరుగుతోంది. మోడీ ఏ నిర్ణయం తీసుకున్నా.. పొగుడుతూ...

“ఉస్మానియా” పాపం ప్రతిపక్షాలదేనా..?

ఉస్మానియా ఆస్పత్రి ఇప్పుడు తెలంగాణ రాజకీయాలకు కేంద్రంగా మారింది. బుధవారం పడిన వర్షానికి ఉస్మానియా మొత్తం నీళ్లు నిండిపోవడం.. చికిత్స గదుల్లో కూడా నీరు చేరడంతో.. విపక్ష పార్టీలు తీవ్రంగా మండిపడ్డాయి. ఐదేళ్ల...

సంతోష్ కుమార్ చాలెంజ్ అంటే స్వీకరించాల్సిందే..!

కొద్ది రోజులుగా మీడియాలో.. సోషల్ మీడియాలో ఓ వార్త రెగ్యులర్‌గా కనిపిస్తోంది. అదే.. ప్రభాస్.. బ్రహ్మానందం.. సమంత లాంటి స్టార్లు.. మొక్కలు నాటుతూ.. చాలెంజ్‌ను కంప్లీట్ చేయడం.. ఆ చాలెంజ్‌ను మరికొంత...

కరోనా రాని వాళ్లెవరూ ఉండరు : జగన్

భవిష్యత్‌లో కరోనా వైరస్ సోకని వాళ్లు ఎవరూ ఉండదని ఆంధ్రప్రదేశ్ ముఖ్యమంత్రి జగన్మోహన్ రెడ్డి జోస్యం చెప్పారు. ప్రస్తుతం కరోనా కేసులు వేగంగా పెరుగుతున్నాయని.. ఎవరూ వాటిని ఆపలేరని వ్యాఖ్యానించారు. కరోనా ఆపడానికి...

HOT NEWS

[X] Close
[X] Close