పంచాయతీ ఎన్నికలకు హైకోర్టు గ్రీన్ సిగ్నల్..!

ఆంధ్రప్రదేశ్‌లో ప్రజారోగ్యం, పంచాయతీ ఎన్నికలు రెండూ ముఖ్యమేని హైకోర్టు స్పష్టం చేసింది. పంచాయతీ ఎన్నికల షెడ్యూల్‌ను సస్పెండ్ చేస్తూ… సింగిల్ బెంచ్ ఇచ్చి తీర్పును చీఫ్ జస్టిస్ నేతృత్వంలోని ధర్మాసనం కొట్టి వేసింది. ఈ మేరకు ఎస్‌ఈసీ దాఖలు చేసిన రిట్ అప్పీల్‌ను ఆమోదించింది. పంచాయతీ ఎన్నికల ప్రక్రియను కొనసాగించాలని సూచించింది. ఓ సారి ఎన్నికల షెడ్యూల్ జారీ చేసిన తర్వాత … అందులో కోర్టులు జోక్యం చేసుకున్న సందర్భాలు స్వతంత్ర భారతావనిలో లేవు. అయితే అనూహ్యంగా ఏపీలో వ్యాక్సినేషన్ కారణంగా చూపుతూ ప్రభుత్వం వేసిన పిటిషన్‌ను జస్టిస్ గంగారావు అనుమతించి.. ఎన్నికల షెడ్యూల్‌ను సస్పెండ్ చేశారు. దీనిపై ఎన్నికల సంఘం రిట్ అప్పీల్ దాఖలు చేసింది.

మొదట సంక్రాంతి సెలవుల సమయంలో.. ఈ రిట్ అప్పీల్ దాఖలు చేయగా.. తర్వాత రెగ్యులర్ కోర్టులో చీఫ్ జస్టిస్ నేతృత్వంలోని ధర్మాసనం విచారణ చేపడుతుందని వాయిదా వేశారు. ఈ మేరకు సెలవుల తర్వాత కోర్టు పనిదినాలు ప్రారంభమైన మొదటి రోజే.. మొదటి విచారణగా స్వీకరించి.. రెండు రోజుల పాటు వాదనలు విన్నారు. రెండు రోజుల కిందట తీర్పును రిజర్వ్ చేశారు. నేడు ప్రకటించారు. హైకోర్టు తీర్పుతో పంచాయతీ ఎన్నికలను ఎస్‌ఈసీ నిమ్మగడ్డ రమేష్ కుమార్ నిర్వహించనున్నారు. కోడ్ కూడా అమల్లో ఉండనుంది. ఎట్టి పరిస్థితుల్లోనూ నిమ్మగడ్డ రమేష్ కుమార్ హయాంలో ఎన్నికలు నిర్వహించకూడదన్న పట్టదలతో ఉన్న ఏపీ సర్కార్.. ఇప్పుడు ఏం చేస్తుందన్నదానిపై ఆసక్తి ఏర్పడింది.

ఇప్పుడు నిమ్మగడ్డకు పంచాయతీ ఎన్నికలు నిర్వహించే అవకాశం ఇస్తే.. ఆయన అధికార యంత్రాగాన్ని మొత్తం ప్రక్షాళన చేస్తారు. ఎన్నికలు నిర్వహణకు గతంలో సీఎస్, డీజీపీ సహకరించలేదు కాబట్టి.. ఆమేరకు వారిని బదిలీ చేసి కొత్త వారిని నియమించే అవకాశం ఉంది. ఇది ఏపీ సర్కార్ కు ఇబ్బందికరం. గతంలోనే కొంత మంది అధికారుల్ని బదిలీ చేయాలని ఎస్‌ఈసీ ఆదేశించినా ప్రభుత్వం పాటించలేదు., ఇప్పుడు ఎన్నికలు నిర్వహిస్తే అనేక ఇబ్బందులు వస్తాయి కాబట్టి.. సుప్రీంకోర్టుకైనా వెళ్లాలన్న ఆలోచనలో ఏపీ సర్కార్ ఉన్నట్లుగా తెలుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close