ఏపికి హోదా, రైల్వే జోన్ అందుకే ఇవ్వలేకపోతున్నారుట!

ఇదివరకు కేంద్ర మంత్రులు వెంకయ్య నాయుడు, సుజనా చౌదరి ఏపికి ప్రత్యేక హోదా గురించి ఎక్కువగా మాట్లాడేవారు. కారణాలు ఏవయితేనేమి, కేంద్రప్రభుత్వానికి ఆ హామీని అమలుచేసే ఉద్దేశ్యం లేదని స్పష్టం అయిన తరువాత ఇక దాని గురించి వారు మాట్లాడటం మానేశారు. కానీ దాని గురించి మాట్లాడినందుకు ఇద్దరూ ప్రజలు, ప్రతిపక్షాల నుండి తీవ్ర విమర్శలు ఎదుర్కోవలసి వచ్చింది. ఇప్పుడు రాష్ట్రంలో ప్రజలు, ప్రతిపక్షాలు కూడా ప్రత్యేక హోదా, ఆర్ధిక ప్యాకేజి, రైల్వే జోన్ ఏర్పాటు వంటి హామీలపై పూర్తిగా ఆశలు వదులుకొన్నట్లే ఉన్నారు కనుక రాష్ట్ర ప్రభుత్వం కూడా ప్రశాంతంగా రోజులు దొర్లించేస్తోంది. ఇటువంటి సమయంలో కేంద్ర పౌరవిమాన శాఖ మంత్రి అశోక్ గజపతి రాజు మళ్ళీ నిన్న ప్రత్యేక హోదా, రైల్వే జోన్ ఏర్పాటు గురించి మాట్లాడి విమర్శలకు ఆస్కారం కల్పించుకొన్నారు.

ఆయన నిన్న శ్రీకాకుళం జిల్లాలో ఎచ్చెర్ల నియోజక వర్గంలో జరిగిన ఒక కార్యక్రమంలో మాట్లాడుతూ రాష్ట్రానికి ప్రత్యేక హోదా ఇవ్వకుండా తెలంగాణా, తమిళనాడు, కర్నాటక, ఒడిశా రాష్ట్రాల ముఖ్యమంత్రులు అడ్డుపడుతున్నారని తెలిపారు. ప్రత్యేక హోదా, రైల్వే జోన్ ఏర్పాటు అంశాలని విభజన చట్టంలో చేర్చాకపోవడం వలననే వాటిని అమలు చేయలేకపోతున్నామని చెప్పారు. కేంద్ర ప్రభుత్వం ఏపి రాష్ట్ర ప్రభుత్వం మంచి సమన్వయంతో పనిచేస్తూ సమస్యలను చక్కగా పరిష్కరిస్తున్నాయని చెప్పారు.

ప్రత్యేక హోదా అంశం విభజన చట్టంలో చేర్చకపోవడం, ఏపికి ప్రత్యేక హోదా ఇచ్చేందుకు ఆయన చెప్పిన రాష్ట్రాలు అభ్యంతరాలు వ్యక్తం చేస్తున్న సంగతీ అందరికీ తెలిసిందే. కనుక ఆ విషయం గురించి మళ్ళీ ఆయన చెప్పడం వలన ఎటువంటి ప్రయోజనం లేదు తమ వైఫల్యాన్ని ఇతరుల మీద రుద్దడం తప్ప. రైల్వే జోన్ ఏర్పాటు చేసే అంశం కూడా విభజన చట్టంలో చేర్చలేదని ఆయన చెప్పడం దేనికంటే ఆ హామీని కూడా తమ ప్రభుత్వం నిలబెట్టుకోదని చెపుతున్నట్లుంది. ఆ చట్టంలో అవి లేవు కనుక అమలుచేయలేమని తప్పించుకొంటున్నారు. కానీ వాటిని ఆ చట్టంలో చేర్చేందుకు సహకరిస్తామని కాంగ్రెస్ పార్టీ చెపుతున్నప్పుడు మోడీ ప్రభుత్వం ఎందుకు స్పందించడం లేదు? చట్టంలో పేర్కొన్న ఆర్ధిక అంశాలపై హామీలను ఇంతవరకు ఎందుకు అమలు చేయడం లేదు? అనే ప్రశ్నలకు సమాధానాలు చెప్పరు. మార్చి 6వ తేదీన రాజమండ్రిలో బీజేపీ నిర్వహించబోయే బహిరంగ సభలో సంతృప్తికరమయిన సమాధానాలు చెప్తారేమో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సుప్రీంకోర్టులోనూ ఏపీ సర్కార్‌కు మళ్లీ “రంగు పడింది”..!

ప్రభుత్వ కార్యాలయాలపై రంగుల విషయంలో ఎక్కడా లేని పట్టుదలకు పోయిన ఏపీ సర్కార్‌కు.. రెండో సారి సుప్రీంకోర్టు షాక్ ఇచ్చింది. నాలుగు వారాల్లో ప్రభుత్వ కార్యాలయాలపై రంగులు తొలగించకపోతే.. కోర్టు ధిక్కరణ చర్యలు...

డాక్టర్ సుధాకర్‌పైనా సీబీఐ కేసు..!

నర్సీపట్నం డాక్టర్ సుధాకర్ కేసు దర్యాప్తులో అనూహ్య మలుపు చోటు చేసుకుంది. సీబీఐ ఆయనపైనా కేసు నమోదు చేసింది. లాక్‌డౌన్‌ నిబంధనలు ఉల్లంఘించినందుకు, బాధ్యత కలిగిన ఓ ప్రభుత్వ ఉద్యోగంలో ఉండి ప్రభుత్వ...

మ‌రో బ‌యోపిక్ మిస్ చేసుకున్న నిత్య‌మీన‌న్‌

ఒక‌ప్పుడు తెలుగు నాట నిత్య‌మీన‌న్ హ‌వా బాగా న‌డిచింది. కాస్త ప్ర‌త్యేక‌మైన క‌థానాయిక పాత్ర‌లు ఆమె చుట్టూ చేరిపోయాయి. గ్లామ‌ర్ మాటెలా ఉన్నా, స‌ర‌దా న‌ట‌న‌తో ఆక‌ట్టుకునేది. అయితే ఇప్పుడు త‌న‌ని అంతా...

ప్ర‌భాస్ సినిమా: దేవుడు Vs సైన్స్‌

ప్ర‌భాస్ ప్ర‌స్తుతం రాధాకృష్ణ‌తో ఓ సినిమా చేస్తున్నాడు. 'జాన్‌', 'రాధే శ్యామ్‌' పేర్లు ప‌రిశీల‌న‌లో ఉన్నాయి. న‌వంబ‌రు నుంచి వైజ‌యంతీ మూవీస్‌కి డేట్లు ఇచ్చాడు. ఈ చిత్రానికి నాగ అశ్విన్ నిర్మాత‌. పాన్...

HOT NEWS

[X] Close
[X] Close