ఏపీ సర్కార్‌పై అశ్వనీదత్, కృష్ణంరాజు న్యాయపోరాటం..!

ఆంధ్రప్రదేశ్ ప్రభుత్వం, ఎయిర్‌పోర్ట్స్ అధారిటీ ఆఫ్ ఇండియాపై సినీ నిర్మాత అశ్వనీదత్, రెబల్ స్టార్ కృష్ణంరాజు హైకోర్టులో పిటిషన్లు వేశారు. గన్నవరం విమానాశ్రయ విస్తరణ కోసం తమ భూముల్ని తీసుకుని ఇస్తామన్న పరిహారం ఇవ్వలేదని వారు పిటిషన్లలో పేర్కొన్నారు. రాష్ట్ర విభజన తర్వాత గన్నవరం విమానాశ్రయాన్ని అంతర్జాతీయ స్థాయికి పెంచారు. ఆ సందర్భంగా రన్‌వేను విస్తరించాల్సిన అవసరం ఏర్పడింది. కానీ తగినంత భూమి అందుబాటులో లేదు. అక్కడ భూసేరకణ చేయడం ఎయిర్‌పోర్ట్స్ ఆధారిటీ ఆఫ్ ఇండియాకు అసాధ్యంగా మారింది. ఎందుకంటే.. రాష్ట్ర విభజనకు ముందు నుంచీ అక్కడ భూమి ఎకరం కోట్లలోనే ఉంది.

విజయవాడను అంతర్జాతీయ నగరంగా మార్చాలన్న పట్టుదలతో ఉన్న అప్పటి ముఖ్యమంత్రి చంద్రబాబునాయుడు భూ యజమానులకు ఓ ఆఫర్ ఇచ్చారు. గన్నవరం విమానాశ్రయం రన్‌వేకు అవసరమైన భూములు ఇస్తే.. ఆ మేరకు.. రాజధాని అమరావతిలో స్థలాలు కేటాయిస్తామని హామీ ఇచ్చారు. దాంతో.. చాలా మంది రైతులు తమ భూములను ఇచ్చారు. ఇలా ఇచ్చిన వారిలో.. అశ్వనీదత్, కృష్ణంరాజు కూడా ఉన్నారు. అశ్వనీదత్ 39 ఎకరాలిచ్చారు. కృష్ణంరాజు 31 ఎకరాలు ఇచ్చారు. అయితే ప్రస్తుత ప్రభుత్వం అమరావతిని అటకెక్కించేసింది. దాంతో వారు తమకు అన్యాయం జరుగుతోందని హైకోర్టుకు వెళ్లారు.

ల్యాండ్‌ పూలింగ్‌ కింద ప్రభుత్వానికి తన పొలం ఇచ్చే సమయంలో ఎకరానికి రూ. కోటి 54 లక్షల విలువ ఉందని అశ్వినీదత్‌ తన పిటిషన్‌లో పేర్కొన్నారు. ఈ భూమికి సరిసమానమైన అంతే విలువ కలిగిన భూమిని.. రాజధాని అమరావతిలో కేటాయిస్తామని సీఆర్డీఏ ఒప్పందం చేసుకుందని.. ఇప్పుడు రాజధానిని వేరే చోటకు తరలించాలని ప్రభుత్వం నిర్ణయించినందున.. అక్కడి భూమి ఎకరం రూ.30 లక్షలు కూడా విలువ చేయని పరిస్థితి ఏర్పడిందన్నారు. నిబంధనల ప్రకారం తాను ఇచ్చిన 39 ఎకరాలకు రూ.210 కోట్లు చెల్లించి తీసుకోవాలని.. ప్రభుత్వాన్ని, ఎయిర్‌పోర్టు అథారిటీని పిటిషన్‌లో పార్టీలుగా ఆశ్వనీదత్ చేర్చారు. ప్రస్తుతం నేను ఇచ్చిన 39 ఎకరాల రిజిస్ట్రేషన్‌ విలువ.. ఎకరం రూ.కోటి 84 లక్షలకు చేరుకుందని .. ఈ భూమికి 4 రెట్లు చెల్లించి ఎయిర్‌పోర్టు అథారిటీ లేదా ప్రభుత్వం…నిర్మాణాలు చేసుకోవచ్చని అశ్వనీదత్ అంటున్నారు.

రెబల్ స్టార్ కృష్ణంరాజు కూడా విడిగా తన పిటిషన్ వేసారు. గన్నవరం ఎయిర్‌పోర్ట్ విస్తరణలో తమ భూమికి సరైన నష్టపరిహారం చెల్లించాలని కోర్టులో పిటిషన్ దాఖలు చేశారు. పిటిషన్‌ను పరిశీలించిన ధర్మాసనం.. కౌంటర్ దాఖలు చేయాలని ప్రభుత్వాన్ని ఆదేశించింది. తదుపరి విచారణను వచ్చే సోమవారానికి వాయిదా వేసింది. భూములు ఇచ్చిన రైతులు పలువులు ఇప్పటికే తమ భూముల్లో పంటలు సాగు చేసుకుంటున్నారు. ఈ వివాదం ఇప్పుడు ఎయిర్‌పోర్ట్స్ అధారిటీ ఆఫ్ ఇండియాతో పాటు.. ప్రభుత్వానికి ఇబ్బంది తెచ్చి పెడుతోంది. సీఆర్డీఏను రద్దు చేసినందున.. రైతులందరికీ కలిపి వేల కోట్ల పరిహారం చెల్లించాల్సి రావొచ్చన్న చర్చ నడుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సోనూ రేటు: రోజుకి 20 ల‌క్ష‌లు

ఈ కరోనా స‌మ‌యంలో.. సోనూసూద్ రియ‌ల్ హీరో అయిపోయాడు. హీరోల‌కూ, రాజ‌కీయ నాయ‌కుల‌కు, ప్ర‌భుత్వాల‌కు, సంస్థ‌ల‌కు ధీటుగా - సేవ‌లు అందించాడు. త‌న యావ‌దాస్తినీ దాన ధ‌ర్మాల‌కు ఖ‌ర్చు పెట్టేస్తున్నాడా? అనేంత‌గా...

స‌ర్కారు వారి పాట అప్ డేట్: మ‌హేష్ ముందే వెళ్లిపోతున్నాడు

మ‌హేష్‌బాబు క‌థానాయ‌కుడిగా `సర్కారువారి పాట‌` తెర‌కెక్కుతున్న సంగ‌తి తెలిసిందే. జ‌న‌వ‌రి 4 నుంచి అమెరికాలో షూటింగ్ ప్రారంభం కానుంది. వీసా వ్య‌వ‌హారాల‌న్నీ ఓ కొలిక్కి వ‌స్తున్నాయి. అయితే చిత్ర‌బృందం కంటే ముందే.. మ‌హేష్...

ఏపీ విద్యార్థుల్ని కూడా పొరుగు రాష్ట్రాలకు తరిమేస్తున్నారా..!?

ఆంధ్రప్రదేశ్ ప్రభుత్వం ఏం చేస్తుందో అక్కడి ప్రజలకు అర్థమవడం లేదు. బస్సుల నుంచి మద్యం వరకూ ..ఉద్యోగాల నుంచి చదువుల వరకూ అన్నింటిపైనా పొరుగు రాష్ట్రాలపైనే ఏపీ ప్రజలు ఆధారపడేలా విధానాలు...

“పోస్కో” చేతికి విశాఖ స్టీల్ ప్లాంట్..!?

ముఖ్యమంత్రి జగన్మోహన్ రెడ్డితో రెండు రోజుల కిందట... పోస్కో అనే స్టీల్ ఉత్పత్తిలో దిగ్గజం లాంటి పరిశ్రమ ప్రతినిధులు సమావేశమయ్యారు. ఏపీలో పెట్టుబడులు పెట్టేందుకు సిద్ధంగా ఉన్నామని చెప్పారు.ఈ విషయాన్ని ముఖ్యమంత్రి జగన్మోహన్...

HOT NEWS

[X] Close
[X] Close