శేఖర్ రెడ్డి వద్ద దొరికిన ఆ “కోట్లు” సాక్ష్యాలు కావా..!?

టీటీడీ పాలకమండలి ప్రత్యేక ఆహ్వానితుడు శేఖర్‌రెడ్డికి సీబీఐ కోర్టు క్లీన్‌చిట్ ఇచ్చింది. ఆయన నేరాలకు సంబంధించి ఎలాంటి సాక్ష్యాలు లేవని.. కేసు మూసివేయవచ్చని సీబీఐ అధికారులు కోర్టుకు చెప్పడంతో ఈ మేరకు కోర్టు కేసులను కొట్టి వేస్తూ తీర్పు చెప్పింది. దీంతో శేఖర్ రెడ్డిపై ఏ కేసూ లేకుండాపోయింది. పాత నోట్లు, అక్రమ బంగారం వ్యవహారంలో.. శేఖర్‌రెడ్డితో పాటు మరో ఐదుగురిపై గతంలో సీబీఐ కేసులను నమోదు చేసింది. చివరకు క్లీన్‌చిట్‌తో ఆయన బయట పడ్డారు.

శేఖర్ రెడ్డి ఏపీ ప్రజలకే కాదు.. దేశం మొత్తానికి పరిచయం అక్కర్లేని పేరు. ఎందుకంటే నోట్లను రద్దు చేసినప్పుడు.. ప్రజలంతా.. చెల్లుబాటయ్యే నోటు ఒక్కటంటే.. ఒక్కదాని కోసం.. ఏటీఎంల ముందు… రోజంతా పడిగాపులు పడుతున్న సమయంలో… ఈ శేఖర్ రెడ్డి ఇంట్లో.. కోట్లకు కోట్ల కొత్త నగదు పట్టుబడింది. పెట్టెల నిండా కొత్త నోట్లు వెలుగులోకి వచ్చాయి. ఏటీఎంలలో పెట్టడానికి నగదే లేదని ఆర్బీఐ అంటోన్న సమయంలోనే… అంతకు మించిన నిధి.. ఆయన ఇంట్లో దొరికింది. దాదాపుగా రూ.34కోట్ల రెండు వేల రూపాయల నోట్ల కట్టలు శేఖర్‌రెడ్డి ఇంట్లో దొరికాయి.

ఆ టైంలో శేఖర్‌రెడ్డి టీటీడీ బోర్డు సభ్యుడిగా ఉన్నారు. దీంతో ఈ డబ్బు అంతా చంద్రబాబుది అని, శేఖర్ రెడ్డి చంద్రబాబు బినామీ అంటూ బీజేపీ, వైసీపీ విమర్శలు చేశాయి. పవన్ కల్యాణ్.. ఈ శేఖర్ రెడ్డికి.. లోకేష్‌కు కూడా లింక్ పెట్టారు. అప్పుడు చంద్రబాబు టీటీడీ బోర్డు సభ్యుడి పదవి నుంచి తొలగించారు. అప్పట్లో ఆరోపణలు చేసిన జగన్.. అధికారంలోకి రాగానే మళ్లీ అదే పదవి ఇచ్చారు. ఇంతకు ముందే ఆయనకు ఐటీ శాఖ కూడా క్లీన్ చిట్ ఇచ్చింది. ఆ సొమ్మంతా.. వ్యాపారవాదేవీల్లో వచ్చిందని.. ఐటీ కూడా క్లీన్ చిట్ ఇచ్చేసింది. అసలు కొత్త నోట్లు క్యాష్ రూపంలో కోట్లకు కోట్లు వచ్చే వ్యాపారం ఏమిటో మాత్రం వారు చెప్పలేకపోయారు.

శేఖర్ రెడ్డి వద్ద దొరికిన కొత్త నోట్లు.. భారీ బంగారం కడ్డీలే సాక్ష్యం. అంతకు మించి ప్రత్యేకమైన సాక్ష్యాలు అక్కర్లేదు. కానీ ఇంత రెడ్ హ్యాండెడ్‌గా దొరికిన వారిపై కూడా సీబీఐ, ఐటీ కేసులు ఎత్తివేస్తూ… సాక్ష్యాలు లేవని చెప్పుకుటూ.. ప్రజల్ని బకరాలను చేస్తూ.. అక్రమాలకు ప్రోత్సాహం ఇస్తూ ఉంటే.. ఇక సామాన్యుడికి వ్యవస్థలపై నమ్మకం ఎలా కలుగుతుంది..

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సోనూ రేటు: రోజుకి 20 ల‌క్ష‌లు

ఈ కరోనా స‌మ‌యంలో.. సోనూసూద్ రియ‌ల్ హీరో అయిపోయాడు. హీరోల‌కూ, రాజ‌కీయ నాయ‌కుల‌కు, ప్ర‌భుత్వాల‌కు, సంస్థ‌ల‌కు ధీటుగా - సేవ‌లు అందించాడు. త‌న యావ‌దాస్తినీ దాన ధ‌ర్మాల‌కు ఖ‌ర్చు పెట్టేస్తున్నాడా? అనేంత‌గా...

స‌ర్కారు వారి పాట అప్ డేట్: మ‌హేష్ ముందే వెళ్లిపోతున్నాడు

మ‌హేష్‌బాబు క‌థానాయ‌కుడిగా `సర్కారువారి పాట‌` తెర‌కెక్కుతున్న సంగ‌తి తెలిసిందే. జ‌న‌వ‌రి 4 నుంచి అమెరికాలో షూటింగ్ ప్రారంభం కానుంది. వీసా వ్య‌వ‌హారాల‌న్నీ ఓ కొలిక్కి వ‌స్తున్నాయి. అయితే చిత్ర‌బృందం కంటే ముందే.. మ‌హేష్...

ఏపీ విద్యార్థుల్ని కూడా పొరుగు రాష్ట్రాలకు తరిమేస్తున్నారా..!?

ఆంధ్రప్రదేశ్ ప్రభుత్వం ఏం చేస్తుందో అక్కడి ప్రజలకు అర్థమవడం లేదు. బస్సుల నుంచి మద్యం వరకూ ..ఉద్యోగాల నుంచి చదువుల వరకూ అన్నింటిపైనా పొరుగు రాష్ట్రాలపైనే ఏపీ ప్రజలు ఆధారపడేలా విధానాలు...

“పోస్కో” చేతికి విశాఖ స్టీల్ ప్లాంట్..!?

ముఖ్యమంత్రి జగన్మోహన్ రెడ్డితో రెండు రోజుల కిందట... పోస్కో అనే స్టీల్ ఉత్పత్తిలో దిగ్గజం లాంటి పరిశ్రమ ప్రతినిధులు సమావేశమయ్యారు. ఏపీలో పెట్టుబడులు పెట్టేందుకు సిద్ధంగా ఉన్నామని చెప్పారు.ఈ విషయాన్ని ముఖ్యమంత్రి జగన్మోహన్...

HOT NEWS

[X] Close
[X] Close