కష్టంలో ఒక్కటిగా నందమూరి ఫ్యామిలీ..! మనసు విప్పి మాట్లాడుకున్న బాబాయ్ అబ్బాయిలు..!!

కష్టం వచ్చినప్పుడు అండగా ఉండేదే కుటుంబం. కుటుంబం అన్నాక.. అన్నీ సవ్యంగా ఉండవు. కోపాలుంటాయి.. తాపాయింటాయి, ఇగో ప్రాబ్లమ్స్ ఉంటాయి. నందమూరి కుటుంబం ఇవి ఇంకా ఎక్కువ ఉండే అవకాశం ఉంటుంది. ఎందుకంటే.. సినీ, రాజకీయరంగాల్లో ఆ కుటుంబం చాలా పవర్ ఫుల్. ఒకరికి ప్రాధాన్యం దక్కలేదని మరొకరు.. తనకు ప్రాధాన్యం దక్కడం లేదని మరొకరు… ఇలా ఫీలయ్యేవాళ్లూ ఉంటారు. కానీ అవన్నీ అంతర్గతమే. ఈ విషయాన్ని మరోసారి నిరూపించింది నందమూరి కుటుంబం. హరికృష్ణ హఠాన్మరణంతో.. నందమూరి కుటుంబం అంతా ఏకతాటిపైకి వచ్చింది. అన్న కుమారులుకు ధైర్యం చెప్పారు. అన్నీ పనులూ దగ్గరుండి చేసుకున్నారు. వారికి ఏ లోటు లేకుండా చేసుకున్నారు.

ఏపీ ముఖ్యమంత్రి చంద్రబాబు రెండు రోజుల పాటు హరికృష్ణ కుటుంబంతో పాటే ఉన్నారు. హరికృష్ణ సోదరుడు బాలకృష్ణ కూడా అంతే. బాలకృష్ణకు హరికృష్ణ సోదరులకు మధ్య మాటల్లేవని ఈ మధ్య కాలంలో విస్తృతంగా ప్రచారం జరిగింది. దానికి తగ్గట్లుగా సినిమా ఫంక్షన్లు కానీ.. రాజకీయ వేడుకల్లో కానీ… ఒకరికొకరు ఎదురుపడిన సందర్భం లేదు. ఆ రూమర్స్ అలానే ఉండిపోయాయి. వాటిలో ఎంత వరకూ నిజం ఉందో కానీ… ఇప్పుడు మాత్రం అవన్నీ దూది పింజ్లా తేలిపోయాయి. అబ్బాయిలతో బాబాయ్ … అన్నిఅంశాలు చర్చిస్తున్న వీడియో ఒకటి బయటకు వచ్చింది.

అనుకోకుండా వచ్చిన ఓ పెద్ద కష్టం మళ్లీ నందమూరి కుటుంబాన్ని ఏకం చేసినట్లే చెప్పుకోవాలి. ఇక కుటుంబ పెద్దగా.. అబ్బాయిలకు అండగా ఉంటాని.. మాటల్లో కాకుండా.. చేతల్లోనే చూపించారు నందమూరి బాలకృష్ణ. హరికృష్ణ మరణమే నేపధ్యంగా… ఆ కుటుంబంలో ఉన్న బేధాభిప్రాయాలను… అంతకంతకూ పెంచి… రాజకీయంగా లబ్ది పొందాలని.. అప్పటికే కొంత మంది ప్రయత్నాలు చేశారు. అలాంటి కుట్రలు ఫలించవని.. బాబాయ్ – అబ్బాయిలు మనసు విప్పి మాట్లాడుకుంటూ కనిపించి… నందమూరి అభిమానులకు సందేశం పంపారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com