కళ్యాణ్ : బాలయ్య తీరు మారాలంటున్న నిజమైన టిడిపి అభిమానులు

నటుడు నందమూరి బాలకృష్ణ, ” కెసిఆర్ తో సినీ పరిశ్రమ సమావేశానికి నన్నెవరూ పిలవలేదు, ఈ సినీ పరిశ్రమ వాళ్లంతా తలసాని శ్రీనివాస్ యాదవ్ తో కూర్చుని భూములు పంచుకుంటున్నారా” అంటూ చేసిన వ్యాఖ్యలు, ఆ వ్యాఖ్యలను తిప్పికొడుతూ నాగబాబు చేసిన వ్యాఖ్యలు నిన్నంతా సోషల్ మీడియాలో చర్చనీయాంశంగా మారాయి. అయితే మెగా అభిమానులు నందమూరి అభిమానులు పరస్పరం సోషల్ మీడియా వేదికగా విమర్శలు చేసుకుంటూ ఉంటే, కాస్త పరిణితి చెందిన నిజమైన టిడిపి అభిమానులు మాత్రం బాలయ్య తీరు మారకపోతే దీర్ఘకాలంలో తెలుగుదేశం పార్టీకి నష్టం కలుగుతుందని విశ్లేషిస్తున్నారు.

గతంలో అసెంబ్లీలో క్షమాపణలు చెప్పేంతవరకు తీసుకెళ్లిన బాలకృష్ణ వ్యాఖ్యలు:

బాలకృష్ణ ఎమ్మెల్యేగా ఉన్నప్పుడు ఒకసారి మాట్లాడుతూ అమ్మాయిలు కనిపిస్తే కడుపు చేయాలి అంటూ ఒక సినీ వేడుకలో వ్యాఖ్యలు చేశారు. దీనిపై అసెంబ్లీలో సైతం చర్చ జరిగితే బాలకృష్ణ అసెంబ్లీ సాక్షిగా క్షమాపణలు చెప్పాల్సి వచ్చింది. ఈ తరహా నోటి దురద వ్యాఖ్యలు పలుమార్లు ప్రజలకు బాలకృష్ణ మీద, ఆయన కుటుంబానికి చెందిన టిడిపి పార్టీ మీద ప్రతికూల అభిప్రాయాన్ని ఏర్పరుస్తున్నాయి. మహిళలను ఉద్దేశించి చేసిన ఇలాంటి వ్యాఖ్యలే కాకుండా, ” అమితాబచ్చన్ ఏం పీకాడు” అంటూ వ్యాఖ్యలు చేయడం, నరేంద్ర మోడీని “మాద**” అంటూ టిడిపి సమావేశంలో ఇచ్చిన ఉపన్యాసంలో దుర్భాషలాడటం, రోడ్డు మీద జర్నలిస్టుల ని వీధి రౌడీ లాగా పరిగెత్తించి కొట్టడం ఇలాంటి వ్యవహారాలు సామాన్య ప్రజల్లో బాలకృష్ణని, టిడిపిని చులకన చేశాయి. నిన్న వ్యాఖ్యలు చేసిన సమయంలో సైతం మీడియా ఛానల్స్ ఆయన వ్యాఖ్యలను బీప్ చేయవలసి వచ్చిందంటే, ఎమ్మెల్యేగా కూడా ఉన్న బాలకృష్ణ తన నోటిని ఎంతగా అదుపులో పెట్టుకోవలసి ఉందో అర్థమవుతోంది.

ఒక సామాజిక వర్గం టిడిపికి దూరం కావడానికి బాలయ్య కారణమవుతున్నాడా:

రాష్ట్రంలో అత్యధిక జనాభా ఉన్న ఒక సామాజిక వర్గం తెలుగుదేశం పార్టీకి దూరం కావడానికి బాలయ్య తీరు కారణమవుతోందని పరిణితి చెందిన టిడిపి అభిమానులు అభిప్రాయ పడుతున్నారు. నిజానికి తెలుగుదేశం పార్టీ హయాంలో ఆ సామాజిక వర్గానికి ఏడాదికి వెయ్యి కోట్ల చొప్పున కార్పొరేషన్ నిధులు అందించినా, ఓవరాల్ గా చూసుకున్నా చంద్రబాబు పాలన మరి అంత తీసికట్టుగా లేకపోయినా, ఆ సామాజిక వర్గ మనోభావాలు గాయపరిచేలా పలుమార్లు బాలకృష్ణ వంటి వారు ప్రవర్తించడం తో, చంద్రబాబు కి అధికారం రానీయ కూడదు అనే ఉద్దేశంతోనే ఆ సామాజిక వర్గం గంపగుత్తగా వైఎస్సార్సీపీకి ఓట్లు వేసిందని వారు అంటున్నారు. జనసేన పార్టీ అధినేత పవన్ కళ్యాణ్ 2014లో ఏ ప్రతిఫలం ఆశించకుండా టిడిపికి సపోర్ట్ చేసినా, ఇరు పార్టీల మధ్య సంబంధాలు బాగా ఉన్న సమయంలోనే ” పవన్ కళ్యాణ్ ఎవరో నాకు తెలియదు” అంటూ బాలకృష్ణ పరుషం గా చేసిన వ్యాఖ్యలు అప్పట్లో మెగా అభిమానుల లోను, ఆ సామాజిక వర్గం చెందిన వారిలోనూ అసహనాన్ని కలగజేశాయి. అదేవిధంగా ” ఎవరెవరో సంకరజాతి వాళ్ళు పార్టీ లు పెడుతున్నారు” అంటూ చేసిన పరోక్ష వ్యాఖ్యలపై అప్పట్లో సోషల్ మీడియాలో యుద్ధమే నడిచింది. బాలకృష్ణ ఎమ్మెల్యేగా ఉన్న సందర్భంలో నిర్వహించిన లేపాక్షి ఉత్సవాలు సమయంలో చిరంజీవి ని పిలిచారా అని విలేకరులు ప్రశ్నించినప్పుడు ” ఎవరిని పడితే వారిని నేను నెత్తికెక్కించుకోను” అంటూ అహంకారంగా మాట్లాడిన వ్యాఖ్యలు సైతం ఆ సామాజికవర్గానికి చెందిన వారిలో చర్చకు దారితీశాయి. బాలకృష్ణ చేసిన ఇటువంటి వ్యాఖ్యలు చినుకు చినుకు తోడైనట్లుగా ఎన్నికల సమయానికి తెలుగుదేశం పార్టీకి ఎట్టిపరిస్థితుల్లోనూ ఓటు వేయకూడదు అని కొన్ని వర్గాల వారు తీర్మానించుకునేలా చేశాయి అన్న అభిప్రాయం వ్యక్తమవుతోంది.

అన్ని వర్గాలను కలుపుకుని పోవాల్సిన అవసరం టిడిపికి ఉంది:

ప్రస్తుతం ఉన్న రాజకీయ పరిస్థితుల దృష్ట్యా రాష్ట్రంలో ప్రధానంగా ఉన్న ఆ సామాజిక వర్గాన్ని దూరం చేసుకుంటే టిడిపి భవిష్యత్తులో అధికారంలోకి రాకపోవచ్చు. నిన్న ఎన్టీఆర్ జయంతి సందర్భంగా చిరంజీవి సీనియర్ ఎన్టీఆర్ తో తన ” స్వీట్ మెమోరీస్” గుర్తు చేసుకుంటూ ట్వీట్ పెట్టిన కాసేపట్లోనే బాలకృష్ణ వ్యాఖ్యలు చేయడం ఆ తర్వాత సోషల్ మీడియాలో – చిరంజీవి ని ఉద్దేశించే బాలకృష్ణ చేసిన వ్యాఖ్యలు గా ప్రొజెక్ట్ కావడం చర్చకు దారి తీసింది.

ఇటు రాజకీయాల్లోనే కాకుండా అటు సినీ పరిశ్రమలో కూడా బాలకృష్ణ అందరినీ కలుపుకొని పోవాల్సిన అవసరం ఉంది. అలా కాకుండా “మేం వేరు, మా బ్రీడ్ వేరు” అన్నట్లుగా ప్రవర్తిస్తే ఏకాకిలాగా మిగిలి పోవలసి వస్తుంది. కనీసం తెలుగుదేశం పార్టీ భవిష్యత్తు దృష్టిలో పెట్టుకొని అయినా బాలకృష్ణ తన తీరు మార్చుకోవాలని నిజమైన తెలుగుదేశం పార్టీ అభిమానులు భావిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కరోనాపై హైకోర్టు ఫైర్‌ను పట్టించుకోని తెలంగాణ సర్కార్..!

తెలంగాణలో కరోనా పరీక్షల నిర్వహణ రోజు రోజుకు గందరగోళంగా మారుతోంది. హైకోర్టు ప్రభుత్వం తీరుపై విచారణ జరినప్పుడల్లా తీవ్రంగా మండిపడుతోంది. బుధవారం విచారణలో.. కోర్టు ధిక్కరణకు పాల్పడ్డారని ఆగ్రహం వ్యక్తం చేసింది. అయినా...

“మనీ స్కాం”లో జీవీకే కూడా తగ్గలేదుగా..!?

దేశంలో ఇంత వరకూ బడా బడా ఫైనాన్షియల్ స్కాంలు వెలుగులోకి వచ్చాయి. తెలుగు రాష్ట్రాలకు చెందిన వారు ఎందరో.. ఈ స్కాముల్లో ఉన్నారు. అయితే.. బడా పారిశ్రామికవేత్తగా ఉన్నా.. "జీవీకే" పేరు...

“ఏబీ”కి నో పోస్టింగ్..! సుప్రీంలో స్టే పిటిషన్ వేసిన సర్కార్..!

ఇంటలిజెన్స్ మాజీ చీఫ్... సీనియర్ ఐపీఎస్ అధికారి ఏబీ వెంకటేశ్వరరావును విధుల్లోకి తీసుకోవడానికి ఏపీ సర్కార్ సిద్ధపడలేదు. హైకోర్టు తీర్పును అమలు చేయకుండా.. నాన్చి..నాన్చి.. తాజాగా సుప్రీంకోర్టులో పిటిషన్ వేసింది. హైకోర్టు...

మీడియా వాచ్ : టీవీ9 నుంచి ఇంకెంత మంది బయటకు..!?

తెలుగు ఎలక్ట్రానిక్ మీడియా రంగంలో ప్రత్యేక గుర్తింపు తెచ్చుకున్న టీవీ9పై ఇప్పుడు రాజకీయ రంగు పడింది. అధికారానికి మడుగులొత్తే చానల్‌గా మారిపోయింది. అదే సమయంలో పాత చార్మ్‌ను కొద్ది కొద్దిగా కోల్పోతూ.. వెలిసిపోతూ...

HOT NEWS

[X] Close
[X] Close