కేటీఆర్‌ని కాదు దళితుడ్ని సీఎం పీఠంపై కూర్చోబెట్టాలట..!

టీఆర్ఎస్‌లో నాయకత్వ మార్పుపై చర్చ జరుగుతూండటంతో ఆ పార్టీతో మైండ్ గేమ్ ప్రారంభించారు బీజేపీ తెలంగాణ అధ్యక్షుడు బండి సంజయ్. కేటీఆర్‌పై ఇతర నేతల్లో అసంతృప్తిని పెంచేందుకు ప్రయత్నిస్తున్నారు. ముఖ్యంగా ఆయన సీనియర్ మంత్రి ఈటల రాజేందర్‌ను దువ్వేందుకు తీవ్రంగా ట్రై చేస్తున్నారు. టీఆర్ఎస్‌లో కేటీఆర్ సీఎం కావాలని ఉద్యమ ద్రోహులు మాత్రమే కోరుకుంటున్నారని.. నిజమైన ఉద్యమకారులకు ఇష్టం లేదని బండి సంజయ్ చెబుతున్నారు. అదే సమయంలో.. మంత్రి ఈటలపై సానుభూతి చూపిస్తున్నారు. తెలంగాణ ఉద్యమంలో కీలక పాత్ర పోషించిన ఈటలకు టీఆర్ఎస్‌లో అన్యాయం జరిగిందని… ప్రభుత్వానికి ఇబ్బంది వచ్చినప్పుడల్లా ఈటలను ముందుపెట్టి కేసీఆర్‌ బయటపడుతున్నారని బండి సంజయ్‌ అంటున్నారు.

కొద్ది రోజుల క్రితం.. కేటీఆర్ మంత్రివర్గంలో చోటు దక్కక పోతే ముగ్గురు ఎమ్మెల్యేలు సొంత పార్టీ పెట్టే ఆలోచనలో ఉన్నారని బండి సంజయ్ ప్రకటించారు. కేటీఆర్‌ను సీఎం చేస్తే మంత్రివర్గ ప్రక్షాళన తప్పదని ప్రచారం జరుగుతోంది. ఈ క్రమంలో ఈ సారి మంత్రి పదవులు దక్కవని ప్రచారం జరుగుతున్న వారిలో ఈటల, గంగుల కమలాకర్ లాంటి వాళ్ల పేర్లు ఉన్నాయి. ఈ కారణంగానే ఈటలను మరింత దువ్వే ప్రయత్నాన్ని బండి సంజయ్ చేస్తున్నారని అంటున్నారు. అదే సమయంలో.. కేసీఆర్ తాను సీఎంగా ఉండలేకపోతే.. మార్చాలని అనుకుంటే … తన తర్వాతైన దళితుడిని సీఎం చేయాలని ప్రజలు కోరుతున్నారనే కొత్త వాదనను తెరపైకి తెచ్చారు.

టీఆర్ఎస్ లో నాయకత్వ మార్పుపై చర్చ పెరిగే కొద్దీ.. బండి సంజయ్.. ఆ విషయంలో టీఆర్ఎస్‌ను ఇరికించేందుకు తనదైన శైలిలో ప్రకటనలు చేసే అవకాశం ఉంది. ముఖ్యమంత్రి స్థాయిలో నాయకత్వ మార్పిడి అనేది అంత సులభం కాదు. పైగా ఇప్పుడు టీఆర్ఎస్ గడ్డు పరిస్థితుల్లో ఉంది. ఈ పరిస్థితిని బండి సంజయ్ అడ్వాంటేజ్‌గా తీసుకోవాలని చూస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో తిరుగుబాటు వార్తలు..! సజ్జల వివరణ..!

వైఎస్ఆర్ కాంగ్రెస్ పార్టీలో తిరుగుబాటు అంటూ రిపబ్లిక్ టీవీలో వచ్చిన ఓ కథనం ఇప్పుడు వైసీపీలో అలజడి రేపుతోంది. ఎంతగా అంటే.. ఆ పార్టీకి జగన్ తర్వాత జగన్ అంతటి వ్యక్తిగా బరువు,...

స్టీల్ ప్లాంట్ అమ్మకం ఆగదని కేంద్రంతో చెప్పించిన వైసీపీ ఎంపీలు..!

విశాఖ స్టీల్ ప్లాంట్ ప్రైవేటీకరణను అడ్డుకోవడానికి తమ వద్ద ప్రత్యేకమైన ప్రణాళిక ఉందని చెబుతున్న వైసీపీ నేతలు... ఢిల్లీ నుంచి మాత్రం ఏపీకి స్టీల్ ప్లాంట్‌తో సంబంధం లేదనే ప్రకటనలు...

తెలంగాణ మహిళల గురించి సరే….షర్మిల తన హక్కుల కోసం ఎలా పోరాడుతారు..!?

తెలంగాణలో రాజకీయ పార్టీ పెట్టి.. రాజన్న రాజ్యం తీసుకు వచ్చి.. అందరికీ న్యాయం చేసేయాలన్న పట్టుదలతో ఉన్న వైఎస్ రాజశేఖర్ రెడ్డి కుమార్తె షర్మిల అంతర్జాతీయ మహిళా దినోత్సవాన్ని కూడా ఉపయోగించుకున్నారు. పెద్ద...

చంద్రబాబు బూతులు మాట్లాడుతున్నారంటున్న సజ్జల..!

ఆంధ్రప్రదేశ్‌లో ఎన్నికల ప్రచారాలు కానీ.. రాజకీయ విమర్శలు కానీ బూతుల రేంజ్‌లో ఎవరు చేస్తారు..? అంటే ప్రత్యేకంగా సమాధానం వెదుక్కోవాల్సిన అవసరం లేదు. అయితే అదే వైసీపీ నేతలు ఇప్పుడు.. చంద్రబాబు, లోకేష్...

HOT NEWS

[X] Close
[X] Close