బండ్ల గణేష్ చెక్ బౌన్స్ కేసుల్లో కోర్టుల చుట్టూ తిరగడంతో పాటు ఆన్ లైన్‌లో తనకు ఉపయోగపడతారనుకున్న వారిపై పొగడ్తలు.. తనకు ఇష్టం లేని వారిపై తిట్లు కురిపిస్తూ టైం పాస్ చేస్తూంటారు. తాజాగా ఆయన పవన్ కల్యాణ్ ఫ్యాన్స్‌తో లొల్లి పెట్టుకున్నారు, వార్నింగ్‌లు కూడా ఇచ్చారు. విశ్వరూప చూపిస్తానని.. నోరు తెరిస్తే తట్టుకోలేరనే వార్నింగ్‌లు కూడా ఇచ్చారు. ఇదంతా ఎందుకంటే… అన్ స్టాపబుల్ షోలో బండ్ల గణేష్.. పవన్ కల్యాణ్ కు ఇవ్వాల్సిన రెమ్యూనరేషన్ పూర్తిగా ఇవ్వలేదన్న అర్థంలో పవన్ ఓ ప్రశ్నకు సమాధానం చెప్పారు. దీంంతో బండ్లను పవన్ ఫ్యాన్స్ టీజ్ చేశారు.
దీంతో బండ్ల గణేష్ రెచ్చిపోయారు. నోరు తెరిస్తే గుండె ఆగిపోయి చస్తావ్ నన్ను గెలకొద్దు అంటూ రెచ్చిపోయారు. అసలు ఈ అంశంపై స్పందించకపోతే సరిపోయేది కానీ ఇలా రెచ్చిపోయి బండ్ల గణేష్ మొత్తం రచ్చ రచ్చ చేసుకున్నారు. బండ్ల గణేష్ తో సినిమాలు చేసిన వారు ఎవరూ.. మరోసారి ఆయనతో సినిమాలు చేయలేదు. ఫైనాన్స్ ఇచ్చిన వాళ్లు మరోసారి ఫైనాన్స్ చేయరు. ఇంకా చెప్పాలంటే నటులు కూడా ఆయనకు కాల్ షీట్లు ఇవ్వడానికి సిద్ధపడరు.
కానీ సోషల్ మీడియాలో అవసరమైనప్పుడల్లా.. మెగా ఫ్యాన్స్ భజన చేస్తారు. రవితేజ ను టైగర్ అంటారు. తనకు టీఆర్ఎస్ ఎంపీని గాడ్ ఫాదర్ అంటారు. ఇలా ఆయన… సోషల్ మీడియాను విచ్చలవిడిగా వాడుకుంటూ వస్తున్నారు. పవన్ తో బండ్ల గణేష్ గబ్బర్ సింగ్ తీశారు. అది బ్లాక్ బస్టర్ అయింది. అయినా పవన్ కు రెమ్యూనరేషన్ పూర్తి స్థాయిలో ఇవ్వలేదన్న విషయం మాత్రం అందరికీ క్లారిటీ వచ్చింది.
