అడ‌గొద్దంటూనే అప్ డేట్ ఇచ్చిన ఎన్టీఆర్‌

ఆర్‌.ఆర్‌.ఆర్ త‌ర‌వాత ఎన్టీఆర్ సినిమా ఇంకా సెట్స్‌పైకి వెళ్ల‌లేదు. కొర‌టాల సినిమా ఓకే అయినా దానికి సంబంధించిన ఎలాంటి అప్ డేట్ బ‌య‌ట‌కు రావ‌డం లేదు. దీంతో.. ఎన్టీఆర్ ఫ్యాన్స్ నిరుత్సాహంగా ఉన్నారు. కొర‌టాల శివ‌పై ఒత్తిడి పెంచుతున్నారు. ఈ విష‌యం ఎన్టీఆర్‌లోనూ అస‌హ‌నాన్ని ర‌గిలిస్తోంది. అది `అమిగోస్` ప్రీ రిలీజ్ ఈవెంట్ లో మాట‌ల రూపంలో బ‌య‌ట‌కు వ‌చ్చింది. క‌ల్యాణ్ రామ్ న‌టించిన కొత్త సినిమా `అమిగోస్`. ఈనెల 10న వ‌స్తోంది. ఈ సినిమా ప్రీ రిలీజ్ ఈవెంట్ ఈరోజు హైద‌రాబాద్‌లో జ‌రిగింది. ఈ సంద‌ర్భంగా ఎన్టీఆర్ అభిమానుల్ని ఉద్దేశించి మాట్లాడాడు. అప్ డేట్ గురించి ఒత్తిడి తీసుకురావొద్ద‌ని, ఏమైనా ఉంటే తామే చెబుతామ‌ని, త‌న భార్య కంటే ముందు త‌న సినిమా అప్ డేట్ అభిమానుల‌కు ఇస్తాన‌ని ఎన్టీఆర్ మాటిచ్చాడు. “అభిమానులు అడిగిన‌ప్పుడల్లా అప్‌డేట్‌లు ఇవ్వ‌డం కుద‌ర‌దు. వారి ఆరాటం వ‌ల్ల ద‌ర్శ‌క నిర్మాత‌ల‌పై ఒత్తిడి పెరుగుతోంది. అప్‌డేట్ ఇవ్వాలి క‌దా అని ఏదోటి చెప్పేయ‌డం కుద‌ర‌దు. మంచి అప్ డేట్ ఉంటేనే చెబుతాం“ అని అభిమానుల‌ను ఉద్దేశించి వ్యాఖ్యానించాడు ఎన్టీఆర్‌. ప‌నిలో ప‌నిగా… త‌న కొత్త సినిమాకి సంబంధించిన అప్ డేట్ ఇచ్చేశాడు. ఈనెల‌లోనే కొర‌టాల సినిమా మొద‌ల‌వుతుంద‌ని, మార్చిలో సెట్స్‌పైకి వెళ్తుంద‌ని, 2024 ఏప్రిల్ లో సినిమాని విడుద‌ల చేస్తామ‌ని అభిమానుల స‌మ‌క్షంలో ప్ర‌క‌టించాడు ఎన్టీఆర్‌. సో.. కొర‌టాల సినిమాకి లైన్ క్లియ‌ర్ అయిన‌ట్టే.