కొంత కాలం క్రితం బెల్లంకొండ సురేష్‌కీ మంచు ఫ్యామిలీకి మ‌ధ్య ఓ వివాదం న‌డిచింది. మంచు ల‌క్ష్మికి చెందిన…ఓ బంగ్లాలో బెల్లంకొండ సురేష్‌కి సంబంధించిన సినిమా ఒక‌టి చిత్రీక‌రించారు. దానికి సంబంధించిన బ‌కాయిలు దాదాపు రూ.25 ల‌క్ష‌ల వ‌ర‌కూ ఉన్నాయి. ఎన్నిసార్లు అడిగినా.. బెల్లంకొండ స్పందించ‌క‌పోవ‌డంతో.. మంచు లక్ష్మి అనుచ‌రులు కొంత‌మంది బెల్లంకొండ ఆఫీసుకు వెళ్లి గొడ‌వ చేశారు. ఆ త‌ర‌వాత పోలీసులు రంగ ప్ర‌వేశం చేయ‌డంతో గొడ‌వ స‌ద్దుమ‌ణిగింది. అయితే అప్ప‌టి నుంచీ ఇప్ప‌టి వ‌ర‌కూ ఆ బాకీ తీర్చ‌నేలేద‌ని తెలుస్తోంది. ఈ విష‌య‌మై మంచు లక్ష్మి కూడా ప‌రోక్షంగా స్పందించింది. నిర్మాత పేరు ప్ర‌స్తావ‌న‌కు రాలేదు గానీ… ”ఓ నిర్మాత న‌న్ను మోసం చేశాడు. 23 ల‌క్ష‌ల వ‌ర‌కూ ఎగ‌నామం పెట్టాడు. తాను సినిమాలు తీస్తున్నా.. వేరే నిర్మాత పేరుతో విడుద‌ల చేస్తున్నాడు. దాంతో అడ‌గ‌డానికి కూడా అవ‌కాశం లేకుండా పోతోంది” అని ఆవేద‌న వ్య‌క్తం చేసింది. అంటే.. బెల్లంకొండ బాకీ ఇంకా తీర్చ‌లేద‌న్న‌మాట. త‌న‌యుడితో కోట్లు పెట్టుబ‌డి పెట్టి సినిమాలు తీస్తుంటాడు బెల్లంకొండ. ఇలా పాతిక ల‌క్ష‌ల ద‌గ్గ‌ర ఆలోచించాడంటే… ఏమ‌ని అర్థం..?? ప‌రిశ్ర‌మ‌లో ఇలా తీర‌ని బాకీలు కోట్ల‌లో ఉంటాయి. అందులో ఇదొక‌టి అనుకోవాలంతే.
మంచు లక్ష్మి అప్పు తీర్చని బెల్లంకొండ
