జనసేనను ఖాళీ చేయాలనుకుంటున్నది వైసీపీనా, బీజేపీనా..?

జనసేన పార్టీ గడ్డు పరిస్థితి ఎదుర్కొంటోంది. రోజుకొకరు చొప్పున ఆ పార్టీ నుంచి కీలక నేతలు వెళ్లిపోతున్నారు. ప్రాధాన్యత దక్కినప్పటికీ… వారు.. ఇతర పార్టీల వైపు చూస్తూండటం ఆసక్తికరంగా మారింది. ఎన్నికలు ముగిసిన తర్వాత నుంచి రావెల కిషోర్, చింతల పార్ధసారధి, ఆకుల సత్యనారాయణలతో పాటు అభ్యర్థులుగా పోటీ చేసిన పలువురు సీనియర్లు గుడ్ బై చెప్పారు. తాజాగా.. గతంలో పీఆర్పీ ఎమ్మెల్యేగా గెలిచి.. మొన్నటి ఎన్నికల్లో పెందుర్తి నుంచి పోటీ చేసిన చింతల వెంకట్రామయ్య కూడా పార్టీకి గుడ్ బై చెప్పారు. వీరిలో అత్యధికులు బీజేపీలో చేరుతున్నారు. కొంత మంది మాత్రం.. వైసీపీ వైపు చూస్తున్నారు.

పార్టీని నిర్వీర్యం చేసే దిశగా… రాజకీయం నడుస్తోందన్న అభిప్రాయం జనసేన పార్టీలో ప్రారంభమయింది. ఓ ప్లాన్ ప్రకారం.. కీలక నేతలందర్నీ లాగేసే ప్రయత్నం చేస్తున్నారని వారంటున్నారు. భారతీయ జనతా పార్టీనే ప్రధానంగా తమ పార్టీపై కన్నేసిందని వారు అనుమానిస్తున్నారు. తమ పార్టీకి చెందిన అభ్యర్థులు, ఓ మాదిరిగా ఓట్లు తెచ్చుకున్న వారు, ప్రజల్లో అంతో ఇంతో ఇమేజ్ ఉన్న వారిని బీజేపీ ప్రత్యేకంగా ఆహ్వానిస్తోందని నమ్ముతున్నారు. పార్టీలో మంచి భవిష్యత్ ఉంటుందన్న నమ్మకం కలగిస్తూండటంతో.. వారు.. పవన్ కల్యాణ్‌ను విడిచిపెట్టేందుకు వెనుకాడటం లేదంటున్నారు. జనసేనకు దూరం అవుతున్న నేతల్లో.. కొంత మందిని .. అవసరాల మేరకు తమ పార్టీలో చేర్చుకునేందుకు వైసీపీ కూడా ప్రయత్నిస్తోంది. బీజేపీ వైపు వెళ్లే సమయంలో.. ఆఫర్ ఇస్తోంది. దాంతో కొంత మంది వైసీపీ వైపు చూస్తున్నారు.

జనసేన అధినేత రాజకీయం కూడా.. బీజేపీ, వైసీపీలకు కలసి వస్తోంది. ఎప్పటికప్పుడు యాక్టివ్‌గా రాజకీయం చేస్తానని.. ప్రజల్లో ఉంటానని పవన్ కల్యాణ్ ప్రకటిస్తూ ఉంటారు కానీ… అది ప్రకటనలకే పరిమితమవుతూ వస్తోంది. ఎన్నికలు ముగిసిన తర్వాత ఇప్పటి వరకూ పవన్ కల్యాణ్ ప్రజల్లోకి రాలేదు. పార్టీ పరమైన.. ఒకటి, రెండు.. అంతర్గత సమావేశాలు మాత్రం నిర్వహించారు. కొన్ని కమిటీలు నియమిచారు కానీ… వాటి పని ఏమిటో ఎవరికీ తెలియదు. అదే సమయంలో.. పవన్ కల్యాణ్… కోటరీలో చిక్కుకుపోయారని అంటున్నారు. పార్టీ నేతలకు ఆయనను కలవడం దుర్లభం అవుతోంది. ఇలాంటి సమయంలో.. యాక్టివ్ పాలిటిక్స్ చేయాలంటే… ఇతర పార్టీల్లో చేరడమే బెటరని ఆ పార్టీ నేతలు భావిస్తున్నట్లుగా తెలుస్తోంది. బీజేపీ అయితే… కేంద్రంలో అధికారం ఉందనే పలుకుబడి… అవకాశాలు కూడా ఉంటాయని నమ్ముతున్నారు. దీన్ని బీజేపీ ఉపయోగించుకుంటోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close