తొక్కిసలాట ఘటనలో ‘బోయపాటి’ కోణం

హైదరాబాద్: రాజమండ్రి తొక్కిసలాట దుర్ఘటనలో నేషనల్ జియోగ్రాఫిక్ డాక్యుమెంటరీ గురించి నిన్న, మొన్న గొడవ జరిగాక ఇవాళ కొత్త కోణం వెలుగులోకొచ్చింది. బాలకృష్ణతో సింహ, లెజెండ్ వంటి చిత్రాలను తీసిన బోయపాటి శ్రీను ముఖ్యమంత్రి చంద్రబాబునాయుడుపై డాక్యుమెంటరీ తీస్తుండటంవల్లే ఈ దుర్ఘటన జరిగిందని కాంగ్రెస్, వైసీపీ ఇవాళ ఆరోపణలు ప్రారంభించాయి. పుష్కరాలలో చంద్రబాబు స్నానాలు, పూజల దృశ్యాలను బోయపాటితో షూటింగ్ చేయిస్తున్నారని, అందుకే మూడుగంటల సమయం పట్టిందని ఏపీ పీసీీసీ అధ్యక్షుడు రఘువీరారెడ్డి ఆరోపించారు. దీనివలనే దుర్ఘటన జరిగిందని, చంద్రబాబుపై 302 సెక్షన్ కింద కేసుపెట్టాలని డిమాండ్ చేశారు. మరోవైపు వైసీపీకూడా ఇదే వాదనను అందిపుచ్చుకుని టీడీపీపై దాడిని ప్రారంభం చేసింది. పుష్కరాలపై బోయపాటి దర్శకత్వంలో చంద్రబాబుపై డాక్యుమెంటరీ చిత్రీకరణ జరిపారని, అందువల్లే దుర్ఘటన జరిగిందని వైసీపీ నేత బొత్స సత్యనారాయణ చెప్పారు.

బోయపాటి రాజమండ్రిలో చంద్రబాబువెంట ఉన్నది మాత్రం నిజం. చంద్రబాబు పక్కనే ఉండి మైక్‌లో సూచనలు ఇస్తున్న బోయపాటి ఫోటో ఇప్పటికే సోషల్ మీడియాలో రౌండ్‌లు కొడుతోంది. అయితే పరిశీలించి చూస్తే ఆ ఫోటో రాత్రి సమయంలో తీసినట్లు స్పష్టంగా కనబడుతోంది. దుర్ఘటన జరిగింది ఉదయం అన్నది అందరికీ తెలిసిన విషయమే. జరిగిందేమిటంటే, వారణాసిలో కుంభమేళా సందర్భంగా గంగా నదివద్ద ఇచ్చే హారతి స్థాయిలోనే రాజమండ్రిలో గోదావరికి హారతి ఇచ్చే కార్యక్రమాన్ని జరపాలని ప్రభుత్వ పెద్దలు అనుకున్నారు. మొదటిరోజు నిర్వహించిన పుష్కర నిత్యహారతికి అనుకున్నంత స్పందన రాకపోవటంతో దీనిని మెరుగుపరిచే బాధ్యతను బాబు బోయపాటికి అప్పగించారు. బోయపాటి రెండువంతెనల నడుమ ఒక ప్రదేశాన్ని ఎంచుకుని అక్కడ పంటుమీద ఒక వేదికను ఏర్పాటుచేసి గుంటూరుకు చెందిన కళాదర్శకులతో వేదికను నిర్మింపజేశారు. అక్కడ ఈనెల 13నుంచి నిత్యహారతి అంగరంగ వైభవంగా జరుపుతున్నారు. ఆ ఏర్పాట్ల ఫోటోయే సోషల్ మీడియాలో ప్రత్యక్షమయింది. అంతేగానీ బోయపాటి ఏ విధమైన డాక్యుమెంటరీ తీయలేదని స్థానికులు చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీ సర్కార్‌పై కోర్టు ధిక్కరణ పిటిషన్ వేయనున్న నిమ్మగడ్డ..!

ప్రభుత్వం ఎంత పట్టుదలకు పోతోందో... నిమ్మగడ్డ రమేష్ కుమార్ కూడా.. అంతే పట్టుదలగా న్యాయపోరాటం చేయాలని నిర్ణయించుకున్నారు. హైకోర్టు తీర్పు తర్వాత ఆయన తాను బాధ్యతలు చేపట్టినట్లుగా ప్రకటించారు. ఆ తర్వాత విజయవాడ...

పార్టీ మారడం లేదని తేల్చేసిన పర్చూరు ఎమ్మెల్యే..!

వైసీపీలో చేరేందుకు సిద్ధమయ్యారని ప్రచారం జరిగిన పర్చూరు టీడీపీ ఎమ్మెల్యే ఏలూరి సాంబశివరావు ఎట్టకేలకు స్పందించారు. తన నియోజకవర్గంలోని క్యాంప్ ఆఫీసులో కార్యకర్తలతో సమావేశం అయిన ఆయన.. తనపై జరుగుతున్న ప్రచారాన్ని ఖండించారు....

జుంబారే… మ‌న‌వ‌డు వాడేశాడురోయ్

సూప‌ర్ హిట్ పాట‌ల్ని రీమిక్స్ చేసి వినిపించ‌డం మ‌న ఇండ‌స్ట్రీకి కొత్తేం కాదు. అయితే ఎక్కువ‌గా స్టార్ల వార‌సుల సినిమాల కోస‌మే ఆ ప్ర‌య‌త్నాలు జ‌రుగుతుంటాయి. సినిమాల ప్ర‌మోష‌న్‌కి ఆ...

బాలయ్య కోసం చిన్నికృష్ణ

నే‌టి ట్రెండ్‌ని... నేటి ప్రేక్ష‌కుల నాడిని ప‌ట్ట‌లేక కెప్టెన్ కుర్చీకి దూర‌మైన సీనియ‌ర్ ద‌ర్శ‌కులు చాలామందే. ఒక‌ప్పుడు అగ్ర ద‌ర్శ‌కులుగా వెలిగిన వాళ్లంతా కూడా ఆ త‌ర్వాత ప్రాభవాన్ని కోల్పోయారు....

HOT NEWS

[X] Close
[X] Close