టాలీవుడ్ స్టార్ డైరెక్ట‌ర్ల‌లో బోయ‌పాటి శ్రీ‌ను ఒక‌డు. బ‌డా స్టార్లూ, పెద్ద పెద్ద బ‌డ్జెట్లూ, పెద్ద స్పాన్ ఉన్న క‌థ‌లూ.. బోయ‌పాటి స్టైల్‌. బోయ‌పాటితో సినిమా అంటే హీరోలంతా రెడీనే. అయితే.. ఇప్పుడు బోయ‌పాటి దృష్టి చిరంజీవిపై ఉంది. చిరు – బోయ‌పాటి కాంబినేష‌న్‌లో ఓ సినిమా రావాల్సింది. ఈ కాంబినేష‌న్‌లో సినిమా చేస్తాన‌ని ఒక‌ప్పుడు అల్లు అర‌వింద్ కూడా ప్ర‌క‌టించారు. `సైరా` త‌ర‌వాత… ఈసినిమానే అనుకున్నారు.
కానీ.. ప‌రిస్థితులు మారిపోయాయి. `సైరా` చేస్తున్న‌ప్పుడే కొర‌టాల శివ ట‌చ్‌లోకి రావ‌డం, కొర‌టాల ట్రాక్ రికార్డు బోయ‌పాటి కంటే బాగుండ‌డంతో… బోయ‌పాటి నుంచి కొర‌టాల‌కు షిఫ్ట్ అయిపోయాడు చిరు. ఆ త‌ర‌వాత కూడా చిరు చాలా ప్రాజెక్టులు ఒప్పుకున్నా, అందులో బోయ‌పాటి సినిమా లేదు. బోయ‌పాటి కూడా… బాల‌కృష్ణ ప్రాజెక్టుపై ఫోక‌స్ పెట్టాడు. ఆ త‌ర‌వాత.. దిల్ రాజు బ్యాన‌ర్‌లో ఓ సినిమా ఫిక్స్ చేసుకున్నాడు. అయితే చిరుపై మాత్రం ఆశ‌లు వ‌దులుకోలేదు. చిరుతో ఓసినిమా చేయాల‌ని ప్లాన్ వేస్తున్నాడు. ఇది వ‌ర‌కే చిరుకి ఓ లైన్ వినిపించాడు బోయ‌పాటి. దాంతోనే గీతా ఆర్ట్స్‌లో సినిమా చేద్దామ‌నుకున్నారు. ఇప్పుడు ఆలైన్ పై కూడా బోయ‌పాటి వ‌ర్క్ చేస్తున్న‌ట్టు స‌మాచారం. చిరు కాంపౌండ్ నుంచి ఎప్ప‌టికైనా త‌న‌కు పిలుపు రావొచ్చ‌ని, అప్ప‌టికి క‌థ‌తో సిద్ధంగా ఉండాల‌న్న‌ది బోయ‌పాటి వ్యూహం. అదీ క‌రెక్టే. ప‌రిశ్ర‌మ‌లో ఎవ‌రికి ఎప్పుడు అవ‌కాశం వ‌స్తుందో చెప్ప‌లేం. చిరుకి అర్జెంటుగా ఓ మాస్‌క‌మ‌ర్షియ‌ల్ సినిమా కావాల్సివ‌స్తే… బోయ‌పాటి కి మించిన ఆప్ష‌న్ ఉండ‌దు. అందుకే బోయ‌పాటి త‌న‌ని తాను స‌ర్వ స‌న్న‌ద్ధం చేసుకుంటున్నాడ‌న్న‌మాట.
