ఉప్పెన‌తో.. ఘ‌న‌మైన అరంగేట్రం చేశాడు బుచ్చిబాబు. త‌దుప‌రి సినిమాకూడా మైత్రీలోనే. మైత్రీ త‌ల‌చుకుంటే హీరోల‌కు కొద‌వా..? అందుకే ఎన్టీఆర్ లైన్లోకి వ‌చ్చేశాడు. ఎన్టీఆర్ కోసం బుచ్చిబాబు ఓ క‌థ రెడీ చేస్తున్నాడ‌ని ఇది వ‌ర‌క‌టి నుంచే ప్రచారం జ‌రుగుతోంది. ఇది ఓ స్పోర్ట్స్ డ్రామా అనీ, స‌గం క‌థ ఇప్ప‌టికే… బుచ్చి బాబు ఎన్టీఆర్‌కి వినిపించేశాడ‌ని ఇది వ‌ర‌కే చెప్పేశాం. ఇప్పుడు ఈ సినిమా విష‌యంలో బుచ్చిబాబు మరో ముంద‌డ‌గు వేసేశాడు. మిగిలిన స‌గం క‌థ కూడా ఇటీవ‌లే ఎన్టీఆర్ కి వినిపించేశాడు. ఎన్టీఆర్‌కి సెకండాఫ్ కూడా బాగా న‌చ్చేసింద‌ని, `చేసేద్దాం` అంటూ చేతులు క‌లిపేశాడ‌ని స‌మాచారం.
అయితే బుచ్చిబాబుతో సినిమా ఎప్పుడ‌న్న విష‌యంలోనే క్లారిటీ లేకుండా పోయింది. ఇప్ప‌టికిప్పుడు చేసేద్దాం అంటే త్రివిక్ర‌మ్ స్క్రిప్టు రెడీ అయిపోయింది. ఆ త‌ర‌వాత కూడా క‌మిట్మెంట్స్ ఉన్నాయి. త్రివిక్ర‌మ్ సినిమాకీ, ఆ త‌ర‌వాత చేయ‌బోయే సినిమాకీ మ‌ధ్య చిన్న గ్యాప్ వ‌చ్చినా బుచ్చి బాబు క‌థ సెట్స్‌పైకి వెళ్లిపోతుంది. అయితే ఎన్టీఆర్ సినిమా కంటే ముందు బుచ్చిబాబు మరో సినిమా చేస్తాడా? లేదంటే ఆ స్క్కిప్టు ప‌నులకే స‌మ‌యమంతా కేటాయిస్తాడా? అనేది తెలియాల్సివుంది.
