ప్రగతి భవన్ కూల్చేసి.. ఫామ్‌ హౌస్ పంచేస్తారట..!

ప్రగతి భవన్‌ను కూల్చి వేసి ఆ స్థానంలో 125 అడుగుల అంబేద్కర్ విగ్రహం పెడితే ఎలా ఉంటుంది..?. టీఆర్ఎస్ నేతలకేమో కానీ.. ఇలాంటి ఆలోచనే బీజేపీ నేతలకు ఉత్సాహం తెచ్చి పెడుతుంది. “దళిత బంధు” పేరుతో కేసీఆర్ చేస్తున్న రాజకీయానికి ఇదే సరైన కౌంటర్ అని అనుకుంటారు. అందుకే ఈ రాజకీయాన్ని తెలంగాణ బీజేపీ అధ్యక్షుడు బండి సంజయ్ ప్రారంభించారు. హైదరాబాద్ నడిబొడ్డున 125 అడుగుల అంబేద్కర్ విగ్రహాన్ని ఏర్పాటు చేస్తానని చెప్పి కేసీఆర్ మోసం చేశారని.. అందుకే… ప్రగతి భవనాన్ని కూల్చి 125 అడుగుల అంబేడ్కర్‌ విగ్రహాన్ని ఏర్పాటు చేస్తామని ప్రకటించారు. వచ్చే ఎన్నికల తర్వాత లక్ష నాగళ్లతో కేసీఆర్ ఫామ్ హౌస్‌ను దున్నేసి బడుగులకు పంచుతామని కూడా హామీ ఇచ్చారు.

అంతే కాదు.. దళిత కుటుంబానికి రూ. పది లక్షలు చాలా చిన్న మొత్తమని రూ. యాబై లక్షలు ఇవ్వాలని డిమాండ్ చేశారు. కారణమేమిటో కానీ బండి సంజయ్ ఇటీవలి కాలంలో జోరు తగ్గించారు. విమర్శలఘాటు తగ్గించారు. అయితే ఇప్పుడు వరుసగా బీజేపీ నేతలు టీఆర్ఎస్‌లో చేరుతూండటంతో మళ్లీ టోన్ పెంచుతున్నట్లుగా కనిపిస్తోంది. ఘాటు విమర్శలు చేస్తున్నారు. అయితే ఆయన గతంలో ఎక్కువగా కేసీఆర్ అవినీతి గురించి మాట్లాడేవారు. కేసీఆర్‌ను జైలుకు పంపుతామని చెబుతూ ఉండేవారు. కానీ ఇప్పుడు అవినీతి.. కేసీఆర్ జైలు గురించి పెద్దగా మాట్లాడటం లేదు.

రాజకీయ విమర్శలు తగ్గించారు. దీంతో బండి సంజయ్ జోరు తగ్గించారన్న ప్రచారం జరిగింది. కానీ .. తాను రేసులోనే ఉన్నానని నిరూపించుకునేందుకు బండి సంజయ్ ప్రయత్నిస్తున్నారు. ఈ విషయాన్ని అప్పుడప్పుడు.. ఏదో పార్టీ కార్యక్రమంలో పాల్గొన్నప్పుడు నిరూపిస్తూ ఉంటారు. కేసీఆర్ వ్యూహాత్మక రాజకీయాలు… తెలంగాణ బీజే్పీలో పెరిగిన కిషన్ రెడ్డి ప్రాబల్యం అన్నీ కలిపి బండి సంజయ్‌కు కాలం కలసి రాని పరిస్థితి ఏర్పడింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేటీఆర్‌పై డ్రగ్స్ ఆరోపణలు చేయవద్దని రేవంత్‌కు కోర్టు ఆదేశం

తెలంగాణ పీసీసీ అధ్యక్షుడు రేవంత్ రెడ్డికి హైదరాబాద్ సిటీ సివిల్ కోర్టులో షాక్ తగిలింది. తెలంగాణ మంత్రి కేటీఆర్ దాఖలు చేసిన పరువు నష్టం పిటిషన్‌ను వారించిన కోర్టు ఇక పై ఈడీ...

షర్మిల దీక్షను అడ్డుకున్న పోలీసులు – డబ్బులివ్వలేదని కూలీల ఆందోళన

నిరుద్యోగ ఉద్యమంలో భాగంగా ప్రతి మంగళవారం చేస్తున్న దీక్షను ఈ వారం హైదరాబాద్ శివారులోని బోడుప్పల్ లో చేయాలని వైఎస్ఆర్ తెలంగాణ పార్టీ అధ్యక్షుడు షర్మిల అనుకున్నారు. అయితే పోలీసులు అనుమతించలేదు. ఆమె...

అచ్చెన్న, నిమ్మలకు అసెంబ్లీలో మైక్ ఇవ్వరట !

అసెంబ్లీలో తెలుగుదేశం పార్టీ తరపున గట్టి వాయిస్ వినిపించే ఎమ్మెల్యేలు అచ్చెన్నాయుడు, రామానాయుడుకు మైక్ ఇవ్వకూడదని అసెంబ్లీ ప్రివిలేజ్ కమిటీ స్పీకర్ తమ్మినేని సీతారాంకు సిఫార్సు చేసింది. త్వరలో అసెంబ్లీ వర్షాకాల...

‘లూసీఫ‌ర్‌’కి మ‌ళ్లీ రిపేర్లు

మ‌ల‌యాళ `లూసీఫ‌ర్‌`ని తెలుగులో `గాడ్ ఫాద‌ర్‌`గా రీమేక్ చేస్తున్న సంగ‌తి తెలిసిందే. చిరంజీవి క‌థానాయ‌కుడు. మోహ‌న్ రాజా ద‌ర్శ‌కుడు. ఈ సినిమా షూటింగ్ అధికారికంగానూ మొద‌లైంది. అయితే.. మ‌ళ్లీ బ్రేక్ వ‌చ్చి ప‌డింది....

HOT NEWS

[X] Close
[X] Close